Pr 12:12 - Chuj San Sebastian Bible

¹² A eb' may Dios 'a sat, tznib'j eb' yajn̈ej tz'och ricoal yuj tas maysch'olnil tzb'o'o; ax eb' wach' snab'en, a smunljel eb' a tz'a'n tas 'ay tz'och yuj eb'.

Chuj San Mateo Bible

¹² A eb' chuc sb'eyb'al, snib'ejoch sb'a eb' b'eyumal yuj chucal sc'ulej. Axo pax eb' vach' spensar jun, a d'a smunlajel eb' syiq'uelta tas tz'och yuuj.

Pr 12:12 Iomraidhean Croise

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

Pr 10:15

A ricoal, a tzcoln 'el eb' rico; ax meb'a'il a tz'a'n lajwc 'ejm eb' meb'a'.

Pr 11:30

A tas tzb'o eb' tojl sb'eyb'al, a chi tz'a'n sq'uinl eb'; a eb' jelan, caw wal tzmontchj eb' 'anma yuj eb'.

Pr 21:10

A junc mach maysch'olnil snab'en, cojn maysch'olnil tznib'j sb'o'; may 'aj tzyac' swach'c'ojlal 'a yit 'anma'il.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 37:31

A jaywn̈ocx ex tzex can 'a Judá, lajn 'oj eyaj 'icha junc te te tz'emx sch'an̈l yib' 'a yol lu'um, tzlajw cha, tzya'n sat muc'uc.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Jn 15:5

An tic, 'icha junc snun 'awb'ente', 'ixta 'in. Ax xo tic, 'icha te sc'ab', 'ixta 'ex. A eb' junn̈j tz'ajcn wet'oc, junn̈j tzin 'ajcn yet' eb' jun xo. A eb' cha, 'icha junc te caw niwn sat tzyac'a, 'ixta 'oj 'aj eb' jun xo. Toto man̈toc 'ayn 'och eyet'oc, may xon jac tztac' eyuj e ch'ocoj.

Ro 6:22

Ax ticnec, colchjnacn̈ec can 'elt 'a yol sc'ab' jun tzo'n̈ maysch'olnil cha. Man̈x 'a yaln yic 'ayn̈ec. On̈ 'ochc ya'malc servil Dios. Yuj cha, caw 'ay qui ganar ticnec, yujto a tz'a'n ca'c 'och qui nab'en 'a 'a. Ax qui chanec pax qui q'uinl 'a jun 'ejmn̈ej.