Pr 12:1 - Chuj San Sebastian Bible

¹ Caw 'ay qui nab'enec toto tzqui chajec 'ajxoc cuenta qui b'a, ax toto matz qui chajec 'ajxoc cuenta qui b'a, caw may qui nab'enec.

Chuj San Mateo Bible

¹ Tato ay yelc'och d'ayon̈ ayic tzon̈ cachji, vanton co xajanan jelanil syal chi'. Tato schichon co c'ool ayic tzon̈ cachji jun, malaj co pensar.

Pr 12:1 Iomraidhean Croise

Salmos 119:27

'Ac' nachjc 'el wu'uj, tas wal tzwutj in b'eylb'an jun tzo'n̈ a checnb'il tic, sec 'oj in na cot satjub'tacl a nab'en.

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Salmos 32:9

Man̈ pitc tzotj a b'a 'icha no chej, yujto yowlal a yet' freno mto yet' sch'an̈l yic sti no', a tzyamn 'och wan no', toto ma'ay, matz 'at no 'aj tz'ijx 'ati, xa chi.

Salmos 50:17

'In matz yal e c'ojl tzex wa' cuenta, may pax yel'ch in paxti 'ayex.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Pr 10:8

A eb' 'ay sjelnal, caw tzchaj eb' yab' checnb'il tzalx 'a 'a, palta ax eb' cojn comn paxti tzyala, 'oj satcn 'ejm eb' 'a 'ichn̈jta'.

Pr 11:31

Toto a eb' tojl sb'eyb'al 'oj scha eb' spac yic 'a sat lum tic, ocxom wal eb' may yel'ch Dios 'a sat yet' eb' 'ajmul, yel xo wal ya 'oj 'ec' eb' schan spac tas sb'o'o.

Pr 12:2

A Jehová tzyac' syaxilal 'a eb' wach' snab'en, ax 'a eb' tu snab'en, tzyac' cot yailal 'a yib'n̈ eb'.

Pr 15:10

A mach tz'actn can wach' b'eyb'al, yowlal tz'ajx cuenta; toto tzpatquilj can 'el tennb'il tz'ajx 'a 'a, 'oj chamoc.

Pr 18:1

Toto man̈ wach'c cajc yet' quit 'anma'il, cojxn wal tas tzqui nib'jec 'ochi, a chi tzqui sayc 'eq'ui, ax wach' nab'en tzcob' 'ajxc 'ayn̈ec, man̈xtzac qui chajec cab'i'.

Pr 30:2

An tic, yel xo may jac in nab'en 'a yib'n̈ eb' wit 'anma'il, matz q'ue'ch in nab'en 'icha eb'.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Pr 8:32

A ticnec ex wunnal, 'ab'c wal tas 'oj alxoc 'ayex, b'eylb'ejc jelnal sec 'ayn̈j e tzaljc'ojlal.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Lv 13:10

Sec a win tz'ilni toto wan smali, sacx yilx stz'umal, wan xo pax sacb' xil cha, chacx yilx sat jun yab'il cha.

2 Ts 2:10

Til wal maysch'olnil 'oj sb'o winac, ax yixtn paxti win eb' 'anma 'oj satcn 'eli. 'Oj satcn 'ejm eb', yujto matz nib'j eb' tzya'ch sc'ojl 'a jun cuynb'il caw yel, sec tzcolchj eb'.