Pr 11:12 - Chuj San Sebastian Bible

¹² A eb' may snab'en, tu tzyal eb' 'a spatc yit 'anma'il; ax eb' 'ay snab'en, may tas tzyal eb'.

Chuj San Mateo Bible

¹² A eb' malaj spensar, chuclaj tas syal eb' d'a spatic eb' yetanimail. Axo eb' ay spensar jun, cham naab'il slolonel eb' syala'.

Pr 11:12 Iomraidhean Croise

A Ch'an̈ Schab'il Libro Yic Yab'ixal Eb' Rey 18:36

Palta sictac xcan eb' chon̈b' smasnil, may junc mach 'ix ta'wi yic tzyaln junc paxti', yujto yaljnacx Ezequías, to may junc mach tzta'wi.

Pr 10:19

A eb' niwn tas tzyala, tz'och smul eb' 'a scal spaxti cha; ax eb' jab' wal tas tzyala, caw 'ay snab'en eb'.

Pr 11:11

Yuj swach' b'eyb'al eb' tojl snab'en, yuj cha, tzq'ue'ch junc chon̈ab'; palta yuj stu b'eyb'al eb' man̈ tojloc snab'en, yuj cha, ton̈j tzwach' lajw can 'ejm junc chon̈b' cha.

Pr 11:13

A eb' alm peclal, a tas cob' c'ultac tzalx 'a eb', c'uxn tzyal-l eb'; ax eb' wach' snab'en, ton̈j tzmolcn eb' 'a snab'en.

Pr 14:21

Tz'och qui mulec toto tzqui patquiljec can 'el eb' quit 'anma'il, palta caw wach' quiquec, toto tz'o'ch qui c'ojlec 'a eb' meb'a'.

Pr 6:32

Palta ax junc mach tzb'on 'ajmulal yet' 'ix 'ix 'ay yichmil, yel xo wal may jac snab'en. A wal mach tzb'on 'ixta', mun tzyij cot yailal 'a yib'an̈.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 18:9

'Ix yaln Jesús junx 'ab'x 'a jun tzo'n̈ eb' tzyal wach'l sb'a, palta may yel'ch yit 'anmal eb' 'a sat. Yuj cha, xyaln 'ixtc 'a eb':

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

Jueces 9:38

'Ix yaln win Zebul 'a 'ixtic: —¿'Aj 'ay tas 'ix cob' ala? 'In to xala to a Abimelec may xon jac yel'chi, ax tz'aji a tzqui comn 'a'j servil, xa chi. Ax ticnec, chi tzjaw eb' soldado xa b'uch cha, 'eln̈ chinec, 'ac' owl yet' eb', xchi.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.