Pr 10:21 - Chuj San Sebastian Bible

²¹ Yuj spaxti eb' wach' snab'en, til wal eb' tzb'o snab'en yuj spaxti eb' cha; ax eb' tu snab'en, mun tzcham eb' yuj stu nab'enal.

Chuj San Mateo Bible

²¹ A slolonel eb' vach' spensar, man̈ jantacoc eb' sc'ayb'aj yuuj. Axo eb' malaj spensar jun, scham eb' yuj sman̈ pensaril chi'.

Pr 10:21 Iomraidhean Croise

Job 23:12

'Ix in yicljn̈ej sley, 'ec'b'al xo wal yel'ch schecnb'il 'ayn 'a yib'n̈ tas tzin c'uxu.

Salmos 37:30

A eb' tojl snab'en, tzpaxtin eb' yet' jelnal, an̈jtona', tzpaxtin eb' 'a stojlal.

Pr 1:29

yujto tze patquilj can 'el jelnal, matz e nib'j to 'ay wel'ch an Jehová in 'a e sat.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 1:32

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Pr 10:11

A spaxti eb' wach' sb'eyb'al, a tz'a'n 'ejm wach' 'a scal 'anma', ax 'a scal spaxti eb' tu sb'eyb'al, ata c'ub'b'il 'el 'ixtj 'anma'il.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 15:4

A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.

Pr 15:7

A eb' jelan, tzyal-l eb' jelnal cha; ax eb' may snab'en, caw may yel'ch tas tzyal eb'.

Pr 17:16

¿Tas yuj tzjaw junc may snab'en yet' tumin yuj snib'n sman sjelnal? ¿Tas wal 'oj 'och yu'uj, yujto toxn to may snab'en?

Pr 5:12

Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?

Pr 5:2

sec 'ixta 'oj 'aj snachj 'el o'oj, ax sta'n a paxtin yet' a jelnal.

Pr 5:23

Yujto matz yamch wan sb'a eb', yuj cha, ax s'atcn eb' 'a chamel; yuj sman̈ nab'enal eb', ax satcn 'el eb', xchi in mam 'ayin.

Pr 6:32

Palta ax junc mach tzb'on 'ajmulal yet' 'ix 'ix 'ay yichmil, yel xo wal may jac snab'en. A wal mach tzb'on 'ixta', mun tzyij cot yailal 'a yib'an̈.

Ec 12:11

A spaxti eb' jelan, lajn wal 'icha stotz'b' junc no noc'. A yic schan sb'a jun tzo'n̈ paxti cha, yic xwa'n 'och eb' 'a stzolil, lajn 'icha junc 'istaca tzma'x can 'ejm 'a yol lu'um. A jun tzo'n̈ paxti cha, a Dios Quilmalec a x'a'n 'ayn̈ec.

Is 5:13

Yujto may snab'en eb' wit chon̈b' tic, yuj cha, 'oj 'ijxoc 'at eb' 'icha presoal 'a jun tzo'n̈ xo nacion̈. A smasnil 'anma', yet' eb' yajl yaj 'a scal eb', 'oj cham eb' yuj wejel yet' yuj tacn̈ti'al.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Jeremías 3:15

'Oj wa'ch eyilmal 'icha wal tas tzchaj in c'ojol, sec ax eb' 'oj 'a'nc yajlil 'a eyib'n̈ yet' jelnal yet' wach' nab'enal.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

A Sb'ab'el Carta San Pedro 5:2

'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.