Pr 10:13 - Chuj San Sebastian Bible

¹³ A eb' 'ay snab'en, caw tzcheclj 'el eb' a yic tzpaxtini; ax eb' may snab'en, tzxumx 'och jixc'ab'te' 'a eb'.

Chuj San Mateo Bible

¹³ Tato ay co pensar, scheclajel co jelanil d'a tas scala'. Tato malaj co pensar jun, tzon̈ mac'jin̈ej d'a te' jixc'ab' te'.

Pr 10:13 Iomraidhean Croise

Salmos 32:9

Man̈ pitc tzotj a b'a 'icha no chej, yujto yowlal a yet' freno mto yet' sch'an̈l yic sti no', a tzyamn 'och wan no', toto ma'ay, matz 'at no 'aj tz'ijx 'ati, xa chi.

Salmos 37:30

A eb' tojl snab'en, tzpaxtin eb' yet' jelnal, an̈jtona', tzpaxtin eb' 'a stojlal.

Ex 10:12

Palta 'ix yaln pax Jehová 'ixtc 'a Moisés cha: —'A't a c'ab' 'a yib'n̈ lum Egipto tic, sec 'oj jawc no c'ulub', ax wul swach' c'uxnc no smasnil tas 'ix can yuj q'uen sacb'at, xchi.

Pr 10:21

Yuj spaxti eb' wach' snab'en, til wal eb' tzb'o snab'en yuj spaxti eb' cha; ax eb' tu snab'en, mun tzcham eb' yuj stu nab'enal.

Pr 10:31

A eb' wach' snab'en, an̈j jelnal tzyal eb', ax eb' tu spaxtini, 'oj tenxoc 'och wan eb'.

Pr 15:23

Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.

Pr 15:7

A eb' jelan, tzyal-l eb' jelnal cha; ax eb' may snab'en, caw may yel'ch tas tzyal eb'.

Pr 16:21

Toto jeln on̈ec, 'oj alxoc cujec, to 'ay qui nab'enec; yuj qui paxti nib'jub'tac yalxi tzmontchj eb' 'anma cujec.

Pr 17:10

A jayb'elc tennb'il tz'ajx 'a junc 'ay snab'en, niwn tas tzb'o yuj 'a yib'n̈ to tz'och junc ciente chicote 'a junc may snab'en.

Pr 19:29

Lista xo yaj yailal 'oj jawc 'a yib'n̈ junc amancotn tzyutj sb'a, a jixc'ab'te 'oj jipxoc 'och 'a jun may snab'en cha.

Pr 20:15

Til wal q'uen oro yet' q'uen q'uen chan̈ stojl 'a yolyib'n̈q'uinl tic; palta a junc mach tzpaxtin yet' sjelnal, man̈ comnoc tz'ilchji.

Pr 26:3

'Icha tz'och tz'um 'a no cawyu chej, mto freno 'a no b'uru yic tzyiclni no' 'ayn̈ec, 'ixta yic tz'och te jixc'ab'te 'a yichspatc eb' 'anma may snab'en.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Pr 6:32

Palta ax junc mach tzb'on 'ajmulal yet' 'ix 'ix 'ay yichmil, yel xo wal may jac snab'en. A wal mach tzb'on 'ixta', mun tzyij cot yailal 'a yib'an̈.

Pr 7:22

'Icha wal tz'aj yijx 'at junc no wacx 'aj tzmilx chamoc, 'ixta 'ix 'aj yoch tza'n win yuj 'ix. Matz na winac toto ata tz'e'cn sq'uinal. 'Icha junc no c'ultquil chej tzcan 'a ya'al, masnto tz'ec' junc jul-lab' 'a spixn no', mto 'icha pax junc no ch'ic tzalj cob' sc'och 'a 'aj 'ay junc ch'an̈ ya'al, 'ixta 'ix 'a winac.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Lc 4:22

Ax eb' 'ayc' ta', c'uxn xlaj yal eb' wach'il. Caw 'ix sat sc'ojl eb', yujto caw wach' jun tzo'n̈ tas xyal 'a eb' cha. 'Ix laj yal-lanc eb' 'ixtic: —'In yunnal José jun win tic. ¿'Aj xyij sjelnal tic jun? xchi eb'.