Pr 1:8 - Chuj San Sebastian Bible

⁸ Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Chuj San Mateo Bible

⁸ Ach vuninal, cha ab' a c'ayb'ub'al svala', man̈ a patiquejel razón syac' ix a nun d'ayach.

Pr 1:8 Iomraidhean Croise

Pr 1:10

Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Pr 1:15

¡Ach wunnal, man̈ ach 'at yet' eb'! A eco', to tzej 'el a b'a 'a stz'ey eb', man̈ a b'eylb'oc sb'eyb'al eb' cha,

Pr 2:1

Ach wunnal, 'a'ch jun tzo'n̈ in paxti tic 'a a c'ojol, tza moln can jun in checnb'il tic 'a a nab'en.

Pr 23:22

Chajec eyab' tas tzyal e mam ex pitzn 'eli, caw man̈ e patquilc can 'el e nun 'a yic chichm 'ixx xo.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Pr 31:1

A spaxti win rey Lemuel, caw wal niwn yel'chi. A 'a jun tzo'n̈ paxti tic 'aj cuyb'il win yuj snun. Yaljnac 'ix 'a win 'ixtic:

Pr 5:13

Ma'ix in chaj wab' tas xyal eb' in cuyni, ma'ix yal in c'ojl tas xyal eb',

Pr 6:20

Ach wunnal, molcn jun tzo'n̈ in checnb'il tic 'a a nab'en, yet' cuynb'il tzyac' a nun.

Pr 7:1

Ach wunnal, chaj wal ab' in cuynb'il, molcn jun tzo'n̈ in checnb'il tic 'a a nab'en.

Jeremías 35:8

An̈ tic on̈, wan qui yiclni tas yaljnac can qui mam quichm Jonadab on̈, yuj cha, may 'aj tzcu'j yal uva on̈, 'ixta pax eb' 'ix quistl on̈, yet' pax eb' cunnal on̈, matz yu'j xon eb'.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Mt 9:22

Yuj cha, 'ix sutmj 'at q'uelnjoc Jesús 'a 'ix, 'ix yaln 'ixtc 'a 'ix: —Ach 'ix, tzaljan̈ ticnec, tic ach b'ox can wu'uj, yujto tzin a'ch 'a a c'ojol, xchi 'a 'ix. Yajn̈j wal cha, xb'ox can sc'ojl 'ix.

2 Ti 1:5

Wojtac, yelc'ojlal tza'ch Cajlil 'a a c'ojol, 'icha sb'ab'l 'utjnac sb'a a nunchichm Loida, yet' a nun Eunice. Wojtac, 'icha yutjnac eb' ya'n 'och sc'ojl 'a Cajlil, 'ixta tzotj pax a b'a jun xo.

Rt 3:6

Xlajw cha, 'ix 'at 'ix 'a 'aj tzchayw cebada win Booz. 'Ix syiclj 'ix sb'on 'icha 'ix yutj yaln 'ix yalb' 'ix cha.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.