Pr 1:22 - Chuj San Sebastian Bible

²² Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Chuj San Mateo Bible

²² A ex quelemtac ex tic, ex mantalaj e pensar, toxonton b'uchumtac ex, ¿b'aq'uin̈ ol eyactejcan e nib'an e man̈ pensaril chi'? ¿b'aq'uin̈ ol eyactejcan e b'uchvaji yed' e paticanel jelanil?

Pr 1:22 Iomraidhean Croise

Job 34:7

Toxn may mach lajn 'icha Job tic, caw tzb'uchwj 'a Dios, lajn wal 'icha jac a a tzcuq'uej.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Salmos 94:8

'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 16:28

Yuj cha, xyaln Jehová 'a Moisés 'ixtic: —Yel xo wal matz eyiclj in checnb'il yet' in ley. ¿B'a'n̈ wal 'oj eyoch wan eya'n tenmtacl 'ayin?

Pr 1:29

yujto tze patquilj can 'el jelnal, matz e nib'j to 'ay wel'ch an Jehová in 'a e sat.

Pr 1:32

A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Pr 1:4

A snib'b'en Salomón to tzq'uib' snab'en eb' quelem, eb' to mant 'a snab'en. Tz'ajx yojcoc 'el eb' jun tzo'n̈ nab'en tic, sec tzyil cot sb'a eb'.

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Pr 14:6

Toto tzqui b'an̈c qui b'a, wach'xam tzqui sayc 'ec' jelnal, palta matz 'ilchj cujec; ax toto wach' qui nab'enec, caw yajn̈j cha, tz'ilchj jelnal chi cujec.

Pr 15:12

A mach ch'an sc'ojlani, matz yal sc'ojl to 'ay mach tz'a'n cuenta, toxn matz c'anb'j pax jac snab'en 'a eb' jelan.

Pr 19:29

Lista xo yaj yailal 'oj jawc 'a yib'n̈ junc amancotn tzyutj sb'a, a jixc'ab'te 'oj jipxoc 'och 'a jun may snab'en cha.

Pr 21:11

Toto tz'ajx 'och syailal mach tzyij chan̈ sb'a, a junc mant 'a snab'en, tznachj 'el yu'uj. A pax mach jeln xon snab'en, cojn ton̈j tzalx yab'i', tzyojcan 'el muc'uc.

Pr 21:24

A mach b'uchmtac, yel xo tz'ec' 'a yib'n̈ sb'an̈n sb'a, tzyij chan̈ sb'a, man̈x 'a yel'ch yit 'anmal 'a sat.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Pr 5:12

Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?

Pr 6:9

¡Colb'ilx e way chi 'ex 'isaj! Colb'ilx eyaj'c teln e way cha.

Pr 7:7

'Ay jun tzo'n̈ quelmtac winc may sjelnal. 'Ix cham wal wiln jun win quelm yel xo may jac snab'en 'a scal eb' cha.

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Nm 14:27

—¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 9:13

'Ixquec, 'at cuyc tas tzyal 'el'ch jun yaljnac can Dios 'a Ch'an̈ U'un̈, yic yaln can 'ixtic: A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi 'a Ch'an̈. A eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Lc 19:42

'Ix yaln 'ixtic: A wal 'a jun c'u tic ex 'aj chon̈ab', octom wal xnachj 'el eyu'uj, chajtl tzeyutj e chan sjunc'ojlal Dios. Palta a ticnec, man̈xtzac stac' snachj 'el eyu'uj, yujto c'ub'b'ilx 'el 'ayex.

Jn 3:20

Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.