Pr 1:10 - Chuj San Sebastian Bible

¹⁰ Toto a eb' maysch'olnil sb'eyb'al, tznib'j eb' tzach smontj 'at yet'oc, man̈ a cha ab' tas tzyal eb'.

Chuj San Mateo Bible

¹⁰ Tato a eb' chuc sb'eyb'al tzach montanb'ati, man̈ ach b'atoc.

Pr 1:10 Iomraidhean Croise

Gn 37:20

Cotn̈ec qui milc chamoc, tzqui julnec can 'ejm 'a yol junc xab', ax calnec to a junc no calte'al noc' xchini, ax quilnec tas 'oj 'aj 'el'ch jun tzo'n̈ swaych cha, xchi eb'.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Salmos 50:18

A yic tzeyiln junc 'elc'um, ax tic caw tzex tzalj e 'at yet'oc; jun tzex 'ec' pax yet' eb' tzb'on 'ajmulal.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Pr 16:29

A junc mach tzcomn ma'wji, tzyixtj 'el eb' swach'c'ojol, ax 'a b'eyb'al man̈ tojloc, ata tzyij can 'at eb'.

Pr 20:19

A junc alm peclal, man̈ yojcoc sc'ub'n 'el junc paxti c'ultac yaji, yuj cha, man̈ junc tzex 'ec' yet' jun alm peclal cha.

Pr 24:2

yujto cojn 'elc'l nab'il yuj eb', cojn tu paxti'al tzlaj yal eb'.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.