A Scarta San Pablo D'a Eb' Aj Filipos 3:9 - Chuj San Sebastian Bible

⁹ Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Chuj San Mateo Bible

⁹ yic junxon̈ej tzin aj yed'oc. A Dios tz'alani to vach' in d'a yichan̈, yujn̈ej to ix vac'och Cristo d'a in c'ool, man̈ yujoc to ix in c'anab'ajej ley Moisés chi'. An̈ej yujto scac'och Cristo d'a co c'ool yuj chi' vach' on̈ d'a yichan̈.

A Scarta San Pablo D'a Eb' Aj Filipos 3:9 Iomraidhean Croise

Gn 7:23

Cojxn Noé yet' eb' yico', yet' no noc' 'aych yet'oc, cojxn eb' xcolchji, ax pax jun tzo'n̈ xo eb' 'anma', 'ix lajw 'el eb' smasnil.

A Ch'an̈ B'ab'el Libro Yic Yab'ixal Eb' Rey 8:46

Q'uinloc 'ay 'aj 'oj 'och qui mul 'aych on̈, yujto 'in may junc 'anma matz 'och smul, ax scot am owl 'ayn̈ on̈, ax am on̈ a'n 'a yol sc'ab' ewin 'ajc'ojl yajch 'ayn̈ on̈, ax on̈ yi'n can 'at ewin 'icha presoal 'a junc xo chuc chon̈b'al 'a najat, mto 'a lac'an.

2 Cr 32:25

Wach'xam a Ezequías caw niwn swach'l 'ix scha'aj, palta ma'ix yac' yuj diosal yuj jun tzo'n̈ cha, a yico' to 'ix yij chan̈ sb'a yet' snab'en. Yuj cha, 'ix cot yowl sc'ojl Jehová 'a 'a, an̈jtona yet' 'a eb' 'a Jerusalén yet' 'a jun tzo'n̈ xo eb' 'a Judá.

2 Cr 32:31

Ax eb' yajl 'a Babilonia, 'ix chec cot eb' schecab' yic tzwul sc'anb'noc eb' yab' jun milagro satjub'tac 'ix uj 'a Judá. A Dios 'ix schaj sc'ojl sb'on Ezequías tas tznib'j sb'o', yic tz'ajx prowal yu'uj sec tzcheclj 'el smasnil tas 'ay 'a snab'en.

Salmos 14:3

Palta c'uxn on̈ juwc 'el qui masnil. Junlajnn̈ej on̈ juwc 'eli. Toc 'ayt junc on̈c tzqui b'o tas wach', man̈x 'a xon wal junoc.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Ec 7:20

Palta may junc on̈ec caw tojl qui b'eyb'al 'a yolyib'n̈q'uinl tic, yic to may 'aj tz'och qui mulec.

Is 46:13

A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Mt 9:13

'Ixquec, 'at cuyc tas tzyal 'el'ch jun yaljnac can Dios 'a Ch'an̈ U'un̈, yic yaln can 'ixtic: A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi 'a Ch'an̈. A eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Ro 10:10

Tzyal Dios to wach'n̈ec 'a sat, yujn̈ej to tzca'c 'och qui c'ojl 'a Cristo yet' smasnil qui pixan. Tzon̈ colchjec, yujto tzcalc yet' qui ti', to a Jesucristo Cajlilec.

Ro 16:7

Tzwa'n pax 'at stzatzl sc'ojl Andrónico yet' Junias. To wit chon̈b' in b'a yet' eb', witb'eym pax in b'a yet' eb', yic woch 'a preso yet' eb' 'a jun 'el. Caw 'ay yel'ch eb' 'a qui cal an̈ schecb' on̈ Cristo on̈. Sb'ab'l 'a'jnac 'och eb' sc'ojl 'a Cristo 'ayin.

Ro 5:21

'Aych eb' 'anma smasnil 'a yol sc'ab' maysch'olnil. Yuj spoder maysch'olnil cha, tzlaj cham eb'. Palta ax swach'c'ojlal Dios, 'ay pax spoder. Yu'uj, wach'n̈ec 'a sat ticnec. 'Ixta tzyutj ya'n qui q'uinlec 'a jun 'ejmn̈ej yuj Cajlil Jesucristo.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

Tito 3:5

Yuj cha, on̈ colchj yu'uj. Man̈ yujoc junc tas wach' xqui b'o'o, on̈ colchji. Palta yujn̈ej to a Dios, 'ix 'o'ch sc'ojl 'ayon̈. A yic on̈ sacb'tzan yuj qui mul, 'icha to on̈ 'alj pax 'a scha'ejmal. Yuj Yespíritu 'ix jelmj qui nab'en.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Santiago 3:2

Yujto qui masnil, til wal 'ejm tz'och qui mulc 'a Dios. Toto may 'aj tz'och qui mulc yuj tas tzcala, caw wach'n̈ec 'a sat Dios, tztac' qui tennec pax 'och wan qui niwnal smasnil.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.

1 Jn 3:4

A mach tzb'eylb'an maysch'olnil, matz yiclj jun tzo'n̈ schecnb'il Dios. Yujto a mach matz yiclni jun tzo'n̈ schecnb'il cha, maysch'olnil tas tzb'o'o.