A Scarta San Pablo D'a Eb' Aj Filipos 2:29 - Chuj San Sebastian Bible

²⁹ Caw tzaljc'ojlal tze chaj sc'ochx 'ayx ta', yujto eyu'tac e b'a yet' 'a yol sc'ab' Cajlilec. Jantcn̈ej eb' lajn snab'en yet'oc, 'ay cab' yel'ch eb' 'a e sat.

Chuj San Mateo Bible

²⁹ Tzalajc'olalocab' tze cha sc'ochxi vin̈ d'ayex ta', yujto cuc'tac co b'a yed' vin̈ d'a yol sc'ab' Cajal Jesús. A jantacn̈ej eb' lajan spensar yed' vin̈, ayocab' yelc'och eb' d'ayex.

A Scarta San Pablo D'a Eb' Aj Filipos 2:29 Iomraidhean Croise

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Lc 9:5

Toto 'ay eb' matz ex chani, tzex 'elx 'a jun schon̈b' eb' cha. Tze ma'cn 'el spoccal eyoc, tzex 'atxi, yic tze tzch'oxn 'eli, to man̈x 'a eyaln eyic 'a eb', xchi Jesús 'a eb'.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 28:10

Til wal schamc'ojlal eb' 'aj lugar chi 'ayn̈ on̈. Ax yic xjaw stiempoal qui 'atx 'a junx barco, c'uxn xyac' eb' tas 'ay tz'och cuj on̈.

A Tas Sc'ulejnac Eb' Schecab' Jesús Hechos 8:8

Yuj wal jun tzo'n̈ cha, caw 'ix tzalj eb' 'anma smasnil 'a jun chon̈b' cha.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.

Ro 16:2

Wach' tzeyutj e chan sc'och ta', yujto yic xo Cajlil 'ix quet'ec. Yujto an̈ creyente on̈c tic, smoj 'ixta tzcutjec qui chan eb' quit creyenteal tzlaj 'ec' 'ayon̈. Caw tzex colwj 'a 'ix yuj tastc 'ay tz'och yu'uj, yujto til wal mach 'aj tzlaj colwj 'ix. An̈jtona', 'ix colwj pax 'ix 'ayin.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

1 Co 16:18

'Icha xyutj eb' ya'n sniwnal e c'ojl ta', 'ixta tzyutj eb' ya'n pax sniwnal in c'ojl 'a tic. Comnoc 'ay yel'ch eb' 'a e sat. Toto 'ay jun tzo'n̈ xo eb' 'icha eb' tic, 'ay cab' yel'ch pax eb' 'a e sat.

2 Co 10:18

'Ay eb' mun tzyal wach'l sb'a, palta may yel'ch tas tzyal eb' cha, cojn eb' tzyal Cajlilec wach'il, an̈j eb' wach'.

2 Co 7:2

Caw tzeya'ch e nab'en 'ayn̈ on̈, 'in may junc ex 'aj x'och qui mul on̈. May junc ex xjuw 'el e nab'en cuj on̈, may pax junc ex, ex quixtj paxti on̈.

A Scarta San Pablo D'a Eb' Aj Filipos 2:28

Yuj cha, caw tzin nib'j tzin checb't pax 'ayex, sec 'oj e tzalji, ax eyiln sc'ochx 'ayx jun 'ejm xo. Toto 'ixta', an xo tic, 'oj wach' sat in cusc'ojlal 'a tic.

A Scarta San Pablo D'a Eb' Aj Colosas 4:10

Ax Aristarco, preso yaj wet' 'a tic. Tic tzya't stzatzl e c'ojl ta'. Yet' pax Marcos, atn yican Bernabé, tzya't pax stzatzl e c'ojol. Waljnacx 'at 'ayx yuj Marcos tic, toto 'oj c'och ta', tzaljc'ojlal tze chaj sc'ochi.

1 Ts 5:12

Ex wu'tac, ex wanab', 'ay eb' tzmunlj 'a e cal yuj Cajlilec, wan ex ya'n cuenta eb', wan swach' 'a'n eb' e nab'enoc. Tzon̈ tew 'at 'ayx on̈, nachj cab' 'el eyu'uj, to 'ay yopiso eb' yuj Dios.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

3 Jn 1:10

Yuj cha, a yic 'oj in c'och 'ayx ta', 'oj wala', tas smul winac. Yujto ton̈j tz'ec' yac' win jun tzo'n̈ 'es 'ayx 'a qui patc on̈. Man̈ cojnoc jun tzo'n̈ chi tzyal winac. Matz chaj pax win jun tzo'n̈ eb' cu'tac tzc'och 'ayx ta'. Toto 'ayx tze nib'j tze chaj eb', caw 'ay yowlal yuj winac. An̈jtona tzex scaw pechj 'el win 'a scal eb' yic iglesia cha.