A Scarta San Pablo D'a Eb' Aj Filipos 2:27 - Chuj San Sebastian Bible

²⁷ Yel toni, jab'xoj wal ma'ix cham 'a tic, palta x'o'ch sc'ojl Dios 'a 'a. Yuj cha, 'ix b'oxi. Man̈ cojnoc 'a Epafrodito tic 'ix 'o'ch sc'ojl Dios. 'Ix 'o'ch pax sc'ojl 'ayin, yic xb'ox sc'ojl cha, sec wach' man̈xtzac wach' jaw in cusc'ojlal 'a tic.

Chuj San Mateo Bible

²⁷ Yel toni, ijan val ix cham vin̈, axo Dios ix oc' sc'ool d'a vin̈. Yuj chi' ix b'oxi vin̈. Man̈ocn̈ej d'a vin̈aj Epafrodito tic ix oc' sc'ool Dios chi', ix oc' pax sc'ool d'ayin ayic ix b'oxi sc'ool vin̈ chi', yic maxtzac ja junocxo in cusc'olal d'a tic.

A Scarta San Pablo D'a Eb' Aj Filipos 2:27 Iomraidhean Croise

A Ch'an̈ Schab'il Libro Yic Yab'ixal Eb' Rey 20:1

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amós, win schecb' Dios, 'ix 'at win 'at yila', 'ix yaln win 'a 'ixtic: —Tox 'ix yal Jehová 'oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi.

Job 5:19

Til wal 'ejm 'oj a colx 'el yuj 'a tas 'ay smay, wach'xam junc yel xo caw tu', ma'oj scha jawc 'a eb'an̈.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Is 38:17

Caw niwquil in yailal 'ix 'eq'ui, palta 'ix 'och in wach'loc. 'Ix 'el pax 'a a c'ojl in a coln can 'el 'a yol sc'ab' chamel, yujto 'ix ac' niwnc'ojlal smasnil in mul.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Jeremías 10:24

'A'n̈ cuenta 'a 'icha wal yaj 'a tojlal, comnoc man̈oc yet' yowl 'a c'ojol, toq'ue tzon̈ a satl on̈.

Jeremías 8:18

A 'in cusc'ojlal an Jeremías in tic, man̈x 'a yan̈il, caw tzlajw 'ejm in pixn yuj tzwab'i.

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

A Tas Sc'ulejnac Eb' Schecab' Jesús Hechos 9:37

Ax 'a jun tiempoal cha, 'ix yamchj 'ix yuj jun yab'il, 'ix cham 'ix. Xlajw cha, 'ix b'icx 'el sniwnal, 'ix 'ajx q'ue 'a yol jun cuarto 'a cha'an̈.

1 Co 10:13

Jantcn̈ej jun tzo'n̈ prowal tzjaw 'a quib'n̈ec, lajnn̈ej yet' jun tzo'n̈ tzjaw 'a yib'n̈ eb' 'anma smasnil. Palta a Dios tz'a'n 'el'choc tas tzyala. Matz on̈ schaj 'ajxoc prowal yuj junc tas matz techj cujec. A yic tzjaw junjn prowal cha, a tz'a'n qui na'ec, tas tzcutjec qui coln qui b'a 'a 'a, sec wach' tztechj cujec.

2 Co 2:7

Al ticnec, yel xo wach' tzeyac' niwnc'ojlal 'a 'a. Tzeya'n pax sniwnal sc'ojol, sec wach' ma'oj somchjc 'el snab'en yuj cusc'ojlal.

A Scarta San Pablo D'a Eb' Aj Filipos 2:26

Tznib'j tz'at ex yilx cani, yujto tzex sna'a, 'ix eyab'i, chajtlto caw ya'ay 'a tic.

A Scarta San Pablo D'a Eb' Aj Filipos 2:28

Yuj cha, caw tzin nib'j tzin checb't pax 'ayex, sec 'oj e tzalji, ax eyiln sc'ochx 'ayx jun 'ejm xo. Toto 'ixta', an xo tic, 'oj wach' sat in cusc'ojlal 'a tic.

A Scarta San Pablo D'a Eb' Aj Filipos 2:30

A jun cu'tac tic, jab'xoj wal ma'ix chami, yujn̈ej to wan ya'n servil Cristo. Wach'xam 'ijn xchami, yujto wan in ya'n servil 'a tic, palta ma'ix sna jab'oc, toto tzchami. Ax xo tic, matz tac' in wul eya'nc servil, yuj cha, a 'ay cot in wul yac' servil 'a tic e jeloc.