A Scarta San Pablo D'a Eb' Aj Filipos 1:28 - Chuj San Sebastian Bible

²⁸ Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

Chuj San Mateo Bible

²⁸ An̈ejtona', ol vab' pax yuj eb' chianoch sc'ool d'ayon̈, to max ex xiv d'a eb'. Icha chi' ol aj scheclajeli to ol b'atcan eb' d'a syaelal d'a juneln̈ej. An̈ejtona', icha chi' ol aj scheclajeli to ayxo co colnab'il, yujto icha chi' ol yutoc Dios sch'oxani.

A Scarta San Pablo D'a Eb' Aj Filipos 1:28 Iomraidhean Croise

Gn 49:18

¡Mamin Jehová tzin tan̈wj in a colni!

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mr 3:3

'Ix yaln Jesús 'ixtc 'a win sicb'nac 'el sc'ab' cha: —Cotan̈, jawn̈ lin̈n 'a qui tz'ey tic on̈, xchi 'a winac.

Lc 3:6

Ax yiln eb' 'anma smasnil, to 'ay jun colnb'il tzyac' Dios, xchi jun 'aw cha, xchi 'a Ch'an̈ Un̈ cha.

Jn 16:8

A yic 'oj jawoc, 'oj yac' yojcoc 'el eb' yic yolyib'n̈q'uinl tic to 'ay smul eb'. 'Oj yac' yojcoc 'el eb' chajtlto wach'n̈j xwutj in b'a. 'Oj yac' yojcoc pax 'el eb', to 'oj b'eyc'ojlaxc eb' yuj Dios.

A Tas Sc'ulejnac Eb' Schecab' Jesús Hechos 28:28

Yuj cha, nachj cab' 'el eyu'uj, to a Dios wan ya'n jun colnb'il tic 'a eb' man̈ israeloc. Yujto a eb' cha, tzya'ch eb' schicn 'a 'a, xchi Pablo 'a eb'.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

1 Ts 2:2

A 'a chon̈b' Filipos, b'ab'l 'e'nc on̈ on̈. Eyojtac, caw niwn syal 'ec' cab'jnac ta 'on̈. Caw ya'jnac eb' 'anma stul 'ayn̈ on̈. Ax yic qui c'och 'a e chon̈b' cha, caw cab'jnac pax syal ta 'on̈. Palta a qui Diosalec 'ochnc quet' on̈. Yuj wal cha, ma'on̈ xiw caln 'el wach' 'ab'x 'a e cal on̈.

A Ch'an̈ Carta D'a Eb' Hebreo 13:6

Yuj cha, caw matz on̈ xiwc caln 'ixtic: A Cajlil, a tzcolwj wet'oc. Yuj cha, caw matz in xiw yuj tas 'oj in yutc eb' wit 'anma'il, xqui chi.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.