A Scarta San Pablo D'a Eb' Aj Filipos 1:27 - Chuj San Sebastian Bible

²⁷ Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

Chuj San Mateo Bible

²⁷ Taxon̈ej ol in c'ochxoc d'ayex mato man̈xo, vach'n̈ej tzeyutej e b'eyb'al icha syal jun vach' ab'ix yic Cristo, yic ol vab' e pecal to tec'an ex, an̈eja' junn̈ej pax yaj e pensar ta'. Ol vab'anpaxi to junn̈ej tzeyutej eyac'anoch jun vach' ab'ix yic colnab'il d'a e c'ool, tec'an pax tzeyutej e b'a d'ay.

A Scarta San Pablo D'a Eb' Aj Filipos 1:27 Iomraidhean Croise

1 Cr 19:12

'Ix yaln 'a 'ixtic: Toto tzela a eb' sirio yel xo jeln eb' 'a wib'an̈, to 'ixta', tzach 'at colwjoc wet'oc. Palta 'oj wila', toto a eb' amonita yel xo jeln 'a eb'an̈, to 'ixta', an xo 'oj in 'at colwjoc et'oc.

Salmos 122:3

A Jerusalén wach' yaj sb'o'i, junn̈j chon̈b'al yaji sec a 'a tic 'oj syam sb'a smasnil 'anma'.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Pr 22:23

yujto a Jehová 'oj colnoc eb', ax 'oj 'a'noc spac 'ayx yuj tas tze b'o cha.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Mt 12:25

Ax Jesús, yojtac tas wan snan eb', yuj cha, xyaln 'a eb' 'ixtic: —Tzann̈j junc nacion̈ tzpoj sb'a 'a yol yico', caw tzjuwi. An̈jtona', tzann̈j junc chon̈ab' mto junc n̈al 'anma tzpoj sb'a 'a yol yico', caw tzjuw pax 'eli.

A Tas Sc'ulejnac Eb' Schecab' Jesús Hechos 2:46

Junjn c'u, tzyamn sb'a eb' 'a yamq'uil yatut Dios. Tzlaj syamn sb'a junjn eb' 'a yatut, tzpojn 'ec' eb' 'ixm pan yic Cena 'a scal. Junxn̈ej tzlaj wa eb' 'a tzaljc'ojlal. Caw junc'ojlal xlaj yutc sb'a eb'.

A Tas Sc'ulejnac Eb' Schecab' Jesús Hechos 24:24

Xlajw jaye c'u, 'ix c'ochx win Félix 'a Cesarea chi jun 'ejm xo. Ajun yistl win yet'oc. Drusila sb'i 'ix, israel 'ix. Ax win x'a'n 'ijxc cot Pablo, 'ix sc'anb'n win yab' 'a 'a, tas wal tzcutj ca'n 'och qui c'ojl 'a Jesucristo.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

Ro 10:8

Palta 'ay jun tzaln pax 'ixtic: A jun 'ab'x tic, eyojc xoni, tztac' eyaln yet' e ti'. 'Ayx 'och 'a e nab'en, xchi. A jun 'ab'x tzyal tic, atn jun 'ab'x tzcalc 'eli. A tzalni, to yowlal tzca'c 'och qui c'ojl 'a Cristo.

Ro 15:16

A 'a'jnac wopiso wa'n servil Jesucristo 'a scal eb' man̈ israeloc. 'Ay wopiso waln 'el wach' 'ab'x yic Dios, sec wach' 'ay eb' man̈ israeloc 'oj wi'ch 'a yol sc'ab'. 'Icha junc xajmb'al caw wach' 'a sat Dios, tz'ajx 'a 'a, 'ixta eb' 'a sat, yujto a Yespíritu tz'i'n 'och eb' yico'oc.

Ro 15:29

Wojtac, a yic 'oj in c'och eyet' ta', til wal swach'c'ojlal Cristo 'oj sch'ox 'ayx wet'oc.

1 Co 1:10

Ex wu'tac, ex wanab', tzin tew 'ayx 'a sb'i Cajlil Jesucristo, to junxn̈ej tz'aj e nab'en e masnil ta'. Man̈ comnoc tze pojl e b'a. Caw jun lajn xoj tzeyutj e nab'en, jun lajnn̈ej tzeyutj e nan smasnil tas.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

2 Co 9:13

'Oj yal eb' wach' paxti 'a Dios, yujto a jun eyofrenda chi 'oj ch'oxnoc, to wan eyiclni tas tzyal wach' 'ab'x yic Cristo. An̈jtona', 'oj yal pax eb' wach' paxti 'a 'a, yuj jun niwn colwal chi 'oj eyac' 'a eb'. Yujto a jun cha, 'oj colwjoc 'a eb' quit creyenteal smasnil.

Gl 1:7

Palta may junc xo 'ab'x yic colnb'il yel. 'Ay eb' tznib'j ton tzjeln 'el yab'xil Cristo, palta ton̈j tzwach' somchj 'el e nab'en yuj eb'.

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

Ef 1:15

Tic 'ix wab'i, chajtlto caw tzeya'ch e c'ojl 'a Cajlil Jesús. 'Ay ab' pax e chamc'ojlal 'a jantcn̈ej eb' yic xo Dios quet'ec.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

A Scarta San Pablo D'a Eb' Aj Filipos 1:5

yujto atxo 'a yic e chan Cristo masnto ticnec, junxn̈ej tzon̈ munljec 'a wach' 'ab'x yic colnb'il tic.

A Scarta San Pablo D'a Eb' Aj Filipos 2:12

Yuj cha, ex chamc'ojlb'il wu'uj, yiclumn̈ej cab' tzeyutj e b'a 'icha xon e ley. Caw tzeyac' eyip 'a 'emmquilal, 'a xiwc'ojlal, sec 'oj 'el'choc e colnb'il eyu'uj. Man̈ cojnoc yic 'ayn 'ec' eyet' ta', 'ixta tzeyutj e b'a. Palta tze wach' b'oj jun tzo'n̈ tic, yic man̈ in 'ayc 'ec' eyet'oc.

A Scarta San Pablo D'a Eb' Aj Filipos 2:24

An̈jtona', tzwa'ch Cajlilec yipc in c'ojol, chajtlto caw an stac' 'oj 'at ex wila'. Yaln̈ej 'ajan̈ej c'u 'oj 'at ex wila'.

A Scarta San Pablo D'a Eb' Aj Filipos 3:18

'Ay jun xo, til wal 'ejm waljnacx 'ayex. Ax yic tzwaln pax 'at 'ayx ticnec, caw tzin 'oq'ui. Yujto til wal eb' caw maysch'olnil tzyutj sb'eyb'al. Wach'xam xcham Cristo sjelc eb' 'a spenc culus, palta yuj sb'eyb'al eb' cha, caw 'ajc'ojl yajch eb' 'a ticnec.

A Scarta San Pablo D'a Eb' Aj Filipos 3:20

Palta an̈ec xo tic, a 'a satcha'an̈, ata 'ayb't qui nab'enec, yujto a jun cha, atn qui chon̈b'ec. Wan qui tan̈wniec sjapx qui Colmal 'a satchan̈ cha, atn Cajlil Jesucristo.

A Scarta San Pablo D'a Eb' Aj Filipos 4:1

Ex wu'tac, ex wanab', chamc'ojlb'ilx wu'uj. Caw tzin nib'j tz'at ex wila', yujto eyu'uj, 'ay in tzaljc'ojlal. Eyu'uj, ax in chan spac wico'. Yuj cha, ex chamc'ojlb'il wu'uj, caw te'n tzeyutj e b'a eya'n 'och e c'ojl 'a Cajlilec.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Colosas 1:4

Yujto xcab' eyab'xil on̈, chajtlto xeya'ch e c'ojl 'a Cristo Jesús. Tzcab'n on̈, to caw 'ay e chamc'ojlal 'a jantcn̈ej eb' yic xo Dios yaj quet'ec.

1 Ts 3:6

Al ticnec, 'ix xit' Timoteo tic 'ayex. 'Ix yal eyu'uj, to an̈ja 'aych e c'ojl 'a Cristo, an̈ja 'ay e chamc'ojlal ta'. 'Ix yalni, to smasnil tiempo tzon̈ e na cot on̈, tzon̈ e chamc'ojlan cot on̈. 'Ix yaln paxi, to caw tze nib'j tzon̈ eyil on̈. An̈jtona', 'ixta 'on̈ pax on̈, caw tzqui nib'j tzex quil on̈.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

1 Ti 1:19

'Ay eb' man̈xtzac stan̈wj sb'a yet' snab'en. Yuj cha, xwach' juw 'el snab'en eb'. Man̈xtoc tzya'ch eb' 'a sc'ojl ticnec.

2 Ti 4:7

'Icha junc mach caw tzyac' 'ip 'a junc tajnel, 'ixta xwutj in b'a in munlj 'a yic Dios. A ticnec xwac' ganar slajw wopiso 'a swach'il. Smasnil tiempo, caw xin ya'ilj jun tzo'n̈ cuynb'il 'aj 'aych qui c'ojol.

Tito 2:10

Matz tac' yelc'n eb' junc tas 'a 'a. Yowlal caw tojl tzyutj sb'a eb', tzch'oxn eb' swach' b'eyb'al. Toto 'ixta', 'oj yil eb' 'anma', to caw wach' jun tzo'n̈ cuynb'il yic Dios, atn qui Colmal.

Filemón 1:5

yujto tzwab' 'a tic, to caw tza'ch a c'ojl 'a Cajlil Jesús. 'Ay ab' a chamc'ojlal 'a 'a, yet' 'a eb' yic xo Dios smasnil.

Santiago 3:18

Toto cojxn junc'ojlal tzqui b'o'ec, 'oj qui chac spac qui tojl b'eyb'al cha.

A Schab'il Carta San Pedro 3:11

'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.