Os 9:7 - Chuj San Sebastian Bible

⁷ A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Chuj San Mateo Bible

⁷ Ex vetisraelal, van sjavi sc'ual sjavi yaelal. Ol nachajel eyuuj to toxo ix c'och sc'ual yic tze cha e tojol icha smojalil. Tzeyal icha tic: A eb' schecab' Dios, te malaj spensar eb'. A eb' cuchb'ab'il yuj Yespíritu Dios toxo ix och eb' locoal, xe chi. Tzeyal icha chi', yujto tz'alchaj e chucal yuj eb', yuj chi' schichon e c'ool d'a eb'.

Os 9:7 Iomraidhean Croise

A Ch'an̈ Schab'il Libro Yic Yab'ixal Eb' Rey 9:11

A yic 'ix 'elx c'ochx Jehú 'a 'aj yamn eb' yit capitan̈il yic win rey cha, 'ix sc'anb'n eb' 'ixtc 'a 'a: —¿Tas xchi, wach' ama? ¿Tas yuj tzach wul yil jun tzcot 'a sjolm cha? xchi eb'. —Ax tic eyojc winac, eyojc xon tas tzyaln̈j eb' schecb' Dios cha, xchi Jehú.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 34:8

Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 11:23

Man̈x 'a junc eb' 'aj Anatot chi 'oj canoc, yujto 'oj jawc sc'ul in b'eyc'ojlan eb' yuj tas tzb'o'o, caw 'oj jawc yailal 'a yib'n̈ eb', xchi Dios.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Jeremías 23:13

'Ix wil eb' tzyalch sb'a in checb'oc 'a Samaria, caw tu tas tzb'o eb'. 'Ix paxtin 'el eb' 'a sb'i Baal, 'ixta xyutj eb' ya'n satc in chon̈b' Israel.

Jeremías 25:14

'Oj wa'ch eb' 'a yol sc'ab' jun tzo'n̈ niwc nacion̈, yet' 'a yol sc'ab' jun tzo'n̈ niwc yajl to caw 'ay xo smay sb'inaxi. 'Ixta wal 'oj yutc eb' schan spac, atn tas smoj schan eb' yuj tas tz'el sb'oni, xchi Dios 'ayin.

Jeremías 46:21

A wal jun tzo'n̈ eb' soldado majnab'il coti, caw wal b'a'ch eb' 'icha no wacx caw b'aq'uech, palta locn eb' 'oj 'at 'eloc. Caw man̈x 'oj stac' ste'wtzan sb'a eb', yujto tzjaw sc'ul slajw 'el eb', tzc'och yorail sjaw syailal eb' 'a yib'an̈.

Jeremías 6:14

'Ixta pax eb' tzb'on yaj syailal eb' in chon̈ab', tzyaln eb' chajtlto wach'x yaj smasnil, tic pax to yel xo caw tu yaji.

Jeremías 8:11

Tzya'lj eb' cob' sb'on yaj syailal eb' in chon̈ab', tzyaln eb', to wach'x yaj smasnil, palta caw may tas wach' yaji.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Ez 13:10

A eb' tzyalch sb'a in checb'oc cha, caw wal 'ix yac' eb' 'es 'a eb' in chon̈ab'. 'Ix cob' yaln eb' 'ixtic: A ticnec man̈x e na to 'ay tas 'oj jawc 'a quib'n̈ec, xchi cob' eb', palta man̈ yeloc to may tas 'oj jawc 'a yib'n̈ eb'. A eb' cha, lajn tzyutj sb'a eb' 'icha junc mach tznipn junc muro ton̈j b'alb'ob'il. A b'i'ch tzya'ch sniploc, tzicn 'och tan̈ 'a spatic yic wach' cob' yilxi. Palta ax yic tzya'n junc niwquil yaxn̈ab' 'aych yic'al, 'aych pax sacb'at 'a scal, a jun n̈ab' chi tzma'n lan̈chjoc. Ax yic tzyiln eb' 'anma to lan̈chjnacx 'ejmi, tzyaln eb' 'ixtic: ¿Tas x'aj lum b'i'ch x'och sniploc jun muro tic? ¿'Ajtil xc'och lu'um? xchi eb'. 'Ixtnta yaj tas tzyal eb' cob' tzyalch sb'a in checb'oc cha. Tzyal cob' eb' to a Jerusalén may tas 'oj 'i'noc yuj smaysch'olnilal eb' 'anma cha. Palta an Jehová in, an tzwal 'ixtic: 'Oj wa' cot yowl in c'ojl 'a yib'n̈ Jerusalén, 'oj lajwc 'ejm yuj in c'a'lc'ojlal. Sactzicnac 'oj 'ajcn 'a sat lu'um, ax scheclj yipnub'al yich. 'Ixta 'oj 'aj scham eb' cob' tzyalch sb'a in checb'oc cha yujto a tas tzyal eb' 'a eb' in chon̈ab', lajn 'icha b'i'ch tz'och sniploc junc muro cha. Ax waln 'ixtic: 'Iltec, tox 'ix lajw 'ejm Jerusalén, yet' eb' 'anma xcob' 'alnoc to may tas tz'i'ni, 'oj in chioc. Atta 'oj in eyojcoc 'eli, to an ton Jehová in, to cojn in ton Dios in.

Ez 13:3

¡'Ay, 'oltac wal jun tzo'n̈ eb' checb' mun tzcob' yal junc tas 'a yol yico'! Man̈ yeloc to 'ay tas tzyil eb' cha.

Ez 25:17

Caw niwquil 'oj wutc in pacn in b'a 'a eb' yuj yowl in c'ojol, sec 'oj yojcoc 'el eb', to an Jehová in, to cojn in ton Dios in, xchi Dios.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 5:9

An tzwal-l 'a scal smasnil eb' yin̈tl Israel, yuj tas yowlal 'oj jawc 'a yib'n̈ eb', atn eb' 'aj Efraín. 'Oj lajwc 'ejm eb' yuj yailal 'oj jawc 'a yib'n̈ eb' 'a jun c'ul cha.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Os 9:8

A Dios, 'ix ya'ch jun schecb' stan̈malc eb' chon̈b' 'a yol yic Efraín, palta ax eb' 'anma chi tz'a'n 'ejm ch'an̈ yal 'a yol sb'e jun stan̈mal eb' cha. 'Intax to tzchichn 'och eb' 'a yatut Dios.

Am 8:2

'Ix sc'anb'n 'ayn 'ixtic: —¿Tas tzel Amós? xchi. —Tzwil jun xuc sat 'awb'ente caw 'e'm xo, xin chi 'a 'a. Xlajw cha, xyaln Jehová 'ayn 'ixtic: —A chon̈b' Israel, caw x'e'max yet' smul, yuj cha, man̈x 'oj wac' niwnc'ojlal jun 'ejm xo.

Miqueas 2:11

Ax tic, a junc checb' to caw wal 'a'm 'es, a tze nib'ej, atn junc mach tzaln 'eli chajtlto caw niwn eyal uva yet' eyan̈ 'oj eyic'.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Sofonías 3:4

A eb' tzyalch sb'a schecb'oc Dios, caw tzb'an̈ sb'a eb', 'a'm 'es eb'. A eb' ya'mal 'och sti eb' 'anma', tzyixtj 'el eb' scajnub' Dios, tzjeln eb' tas tzyal sley.

Mr 3:21

Yic 'ix yab'n eb' smam yu'tac Jesús, 'ix jaw eb' 'at cob' syama', yujto a snan eb' to owya tzcot 'a sjolom.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

2 Co 5:13

An̈ xo tic on̈, wach'xam to tzcot 'a qui jolm tz'aj yilx on̈, palta yuj ca'n servil Dios, 'ixta tzon̈ 'aj on̈. Wach'xam wach' qui c'ojl on̈, yuj ex ca'n servil, 'ixta tzon̈ 'aj on̈.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.