Os 9:14 - Chuj San Sebastian Bible

¹⁴ 'Ix waln 'a Dios chi 'ixtic: Mamin Jehová, a tas smoj a'n 'a jun chon̈b' tic, 'ac' 'a 'a. Man̈x 'a cab eb' 'ix 'ix tz'unewi. Toto 'ayt eb' 'ix tzat 'alj yune jun, man̈x 'a cab' pax yal yim eb' 'ix, sec man̈xtzac stac' ya'n chuw eb' 'ix yune cha, xin chi 'a 'a.

Chuj San Mateo Bible

¹⁴ Mamin Jehová, ¿Tas smoj tzin c'an d'ayach to tzac' d'a juntzan̈ anima tic? Vach' ama, tato malaj yune' eb' ix ix. Tato ay eb' ix ay yune' jun, vach' ama to malaj yal yim eb' ix yic maxtzac yac' chunoc yune' eb' ix chi'.

Os 9:14 Iomraidhean Croise

Job 21:10

Caw wal wach' sq'uib' squelmtac wacx eb'; toc 'ay yune swacx eb' chi tzchami.

Ex 23:26

'Oj wac' najtxb'oc e q'uinal. Ax 'a yol e chon̈b' cha, may junc 'ix 'ix ton̈j 'oj 'ec' yune', may pax junc 'ix ma'oj 'unewoc.

Os 9:11

A sb'inab'ilal eb' yin̈tl Efraín, ton̈j 'oj satb't 'icha tz'aj sjen̈wj 'at junc no ch'ic. Man̈x 'a eb' 'unn 'oj 'aljoc 'a scal eb', man̈x 'a pax eb' 'ix 'ix 'oj scuch chan̈ yune', man̈x 'aj 'oj 'ilxoc eb' 'unin.

Os 9:13

A yic xwiln eb' 'aj chon̈b' Efraín, lajn wal eb' 'icha junc te palma 'awb'il 'a junc lum lum caw wach'. Palta ax ticnec, 'oj yic' 'elt eb' yunnal milxoc, xchi Dios 'ayin.

Os 9:16

A eb' 'aj chon̈b' Efraín, lajwnacx eb', lajn eb' 'icha junc te te tacn̈ xo sch'an̈lyib', man̈xtzac satni. Wach'xam 'ayt cob' yunnal eb' tzlaj 'alji, palta an xo 'oj in mil cham yunnal eb' chamc'ojlb'il yu'uj, xchi Dios.

Mt 24:19

A 'a jun tiempoal cha, a yic 'oj 'at eb' 'anma 'eloc, caw 'oltac eb' 'ix 'ix 'ayx tz'i'ni, yet' eb' tzyac' chuw yune'.

Mr 13:17

A 'a jun tiempoal cha, a yic 'oj 'at eb' 'anma 'eloc, caw 'oltac eb' 'ix 'ix 'ayx tz'i'ni, yet' eb' tzyac' chuw yune'.

Lc 21:23

A wal yic 'oj 'at eb' 'anma 'elc 'a jun tiempoal cha, caw 'oltac eb' 'ix 'ix 'ayx tz'i'ni, yet' eb' 'ix tzyac' chuw yune'. Yujto caw niwn yailal 'oj jawc 'a yib'n̈ eb' 'anma 'a jun tzo'n̈ lugar tic. Yujto a Dios 'oj ya' cot yowl sc'ojl 'a yib'n̈ eb' quit israelal.

Lc 23:29

Yujto 'ay wal jun tiempoal 'oj jawoc, ax eyaln 'ixtic: A wal eb' may xon yune', eb' toxn ma'ix ya'lj xon yunewi, caw wach' yic eb'. Yet' eb' may xon yune xyac' chuwoc, caw wach' yic eb', 'oj e chioc.

1 Co 7:26

Yuj jun tzo'n̈ yailal tzjaw 'a quib'n̈ec tic, tzin na'a, wach' tzon̈ canc junjn on̈c 'icha xon cajec.

Dt 28:18

Caw wal maysch'olnil yic eb' eyunnal, man̈ wach'c 'oj 'aj sat eyawb'en, e cotc wacax, e cotc calnelu mto e cotc chiwo, yet' yune smasnil e cajb'en noc'.