Os 9:13 - Chuj San Sebastian Bible

¹³ A yic xwiln eb' 'aj chon̈b' Efraín, lajn wal eb' 'icha junc te palma 'awb'il 'a junc lum lum caw wach'. Palta ax ticnec, 'oj yic' 'elt eb' yunnal milxoc, xchi Dios 'ayin.

Chuj San Mateo Bible

¹³ Ayic ix vilan eb' aj Efraín, lajan icha junoc te' palma avab'il b'aj te yax sat, icha chi' yaj eb' ix vila'. Palta a ticnaic, ol yiq'uelta yuninal eb' yic smac'jichamoc, xchi Jehová.

Os 9:13 Iomraidhean Croise

A Ch'an̈ Schab'il Libro Yic Yab'ixal Eb' Rey 15:16

A yic jun tiempoal cha, 'ix cot Menahem yet' eb' soldado 'a Tirsa 'ix schan 'el yich ya'n satxoc el eb' chon̈b' 'ay 'a yol yic Tifsa, yujto ma'ix chax 'och win yuj eb' 'a yol schon̈b' cha. Yuj cha, 'ix yelc'n 'at eb' soldado win chi smasnil tas 'ay 'a yol smacb'en jun chon̈b' cha. An̈jtona eb' 'ix 'ix 'ayx tz'i'ni, 'ix tecx 'elt yol sc'ojl eb' 'ix yuj ewinac.

Job 27:14

Wach'xam niwn yunnal eb', palta 'oj cham eb' 'unnab'il chi 'a scal owal, mto a wejl 'oj milnc eb'.

Jeremías 7:15

'Oj ex in pechcn 'el 'a wojltac 'icha wutjnac eb' eyican, atn eb' yin̈tl can Efraín, xchi Dios, xa chi a eb'.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Lm 2:22

Mamin Jehová, a wal yic sc'ul 'ay cot yowl 'a c'ojl cha, tzanxn̈ej 'aj tzej cot yailal 'a yib'n̈ chon̈b' Jerusalén, lajn 'icha sjaw eb' 'anma 'a yic 'ay q'uin̈. A 'a jun c'u cha, man̈x 'a junc mach stac' scoln sb'a. A eb' 'anma xqui q'uib'tzej on̈, eb' xlaj cac' cuywc on̈, 'ix milx cham eb' yuj eb' 'ajc'ojl cha, xchi eb'.

Ez 27:3

A jun chon̈b' cha, atn jun 'ay 'a sti a mar, jun 'aj wach' sjaw chon̈ yic jun tzo'n̈ xo nacion̈ 'ay 'a sti a mar cha. Al 'a 'a, to an Jehová in, an tzwal 'a 'ixtic: Ach Tiro, caw wal tzcob' a b'a'n̈ a b'a, yujto caw cob' wach' elxi.

Os 10:14

yuj cha, ax sq'ue b'uynjoc smasnil eb' soldado, ax scan jun tzo'n̈ scuartel eb' 'a cusltaquil, 'icha 'ajnc slajw 'el eb' 'aj chon̈b' Bet-arbel yuj win rey Salmán yic yoch owal. Atn yic sma'x ch'iychjoc eb' 'ix nunb'il yet' eb' yune'.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 9:16

A eb' 'aj chon̈b' Efraín, lajwnacx eb', lajn eb' 'icha junc te te tacn̈ xo sch'an̈lyib', man̈xtzac satni. Wach'xam 'ayt cob' yunnal eb' tzlaj 'alji, palta an xo 'oj in mil cham yunnal eb' chamc'ojlb'il yu'uj, xchi Dios.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.