Os 9:1 - Chuj San Sebastian Bible

¹ Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Chuj San Mateo Bible

¹ Ex vetisraelal man̈ ex tzalajoc, man̈ ex q'ue chennaj yuj tzalajc'olal icha eb' ch'oc chon̈ab'il, yujto ix eyactejcan co Diosal, icha tz'aj yactancan yetb'eyum eb' ix ajmul ix. Tzex te tzalaj e ch'oxani to xajan Baal eyuuj, yujto vach' tz'aj sat tas tzeyavej yuuj eyalani.

Os 9:1 Iomraidhean Croise

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Is 17:11

Wach'xam to 'oj q'uib' eyawb'ente chi mu'c 'a jun c'u cha, mto 'oj nichnoc muc'uc, palta ax yic 'oj jawc syab'il 'oj satnc 'eli, ata 'oj pucl sat eyawb'ente cha, yujto man̈x 'a yan̈il.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Lm 4:21

Ex 'aj Edom, ex to tzeyac' yajlil 'a smasnil yol yic chon̈b' Uz, caw tzaljan̈ec, tzewjan̈ec, ya' sb'a tzat stac'a. Yujto 'oj c'och pax jun yailal tic 'a eyib'an̈, 'icha xo 'u'm 'an̈ 'oj eyajcn yu'uj, q'uixweltac xoj 'oj eyutc e b'a.

Ez 16:15

Palta 'ix ya'ch yipc sc'ojl swach'l yilx cha, caw b'inab'il snani. Yujn̈ej cha, 'ix ya'n 'och sb'a 'ajmulal, tzann̈j mach tzc'och 'a 'a, tzya'n 'och sb'a 'a yol sc'ab'.

Ez 16:30

An Jehová Yajl in, an tzwal 'ixtic: Caw wal pec' 'a 'ajmulal, lajn wal tzyutj sb'a 'icha junc 'ix 'ajmul 'ix man̈xtzac q'uixwi.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Ez 21:10

Lista xo yaji yic tzmilwji, caw wal tzictzni yel sc'a'l 'icha raya. Man̈x 'a tzaljc'ojlal, yujto ex cob' in tench wa'an, palta may yel'ch tas xwal 'ayex.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 2:12

Ax wa'n sat 'ejm te uva yet' te higo, atn jun tzo'n̈ tzyal yuj 'ixtic: Atn jun tzo'n̈ tic, in tojl ya'jnac eb' tzin nib'ni, xchi. A jun tzo'n̈ yawb'en cha, 'oj wa'cn 'at 'a scal c'ultac, axn̈ej no calte'al noc' 'oj lonc sat.

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Os 5:4

Yuj wal e tu b'eyb'al, yuj cha, matz ex meltzj cot 'ayin. Tzeya'ch e b'a 'emmquilal 'a jun tzo'n̈ comn dios, yuj cha, man̈xtzac in e na cot an Jehová in tic.

Os 5:7

Yujto tenmtac tzeyutj e b'a 'ayin, 'ay eyunnal mitz' 'unn yaji. Yuj cha, a 'a yol stiempoal e q'uin̈ tzeya'ch 'a yic tzpac' 'uj, ata 'oj e satl e masnil yet' e lu'um.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Am 4:5

'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Am 6:13

Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Santiago 4:16

Palta 'ayx ton̈j tzeyij chan̈ e b'a, tze b'an̈n e b'a. Jantcn̈ej eb' 'ixta tzyutj sb'an̈n sb'a, maysch'olnil tzyutj sb'a eb' 'a sat Dios.

Santiago 5:1

'Ab'c ex rico. 'El cab' wecc'oc eyaw eyoc' ticnec, yujto caw niwn yailal 'oj jawc 'a eyib'an̈.