Os 8:9 - Chuj San Sebastian Bible

⁹ Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Chuj San Mateo Bible

⁹ Malaj spensar eb', lajan eb' icha junoc noc' caltacte'al b'uru an̈ej snaan b'aj sb'ati. Ix b'at eb' d'a Asiria, ix stupan eb' yic scolvaj yed' eb'. Icha junoc ix ix syactejcan vin̈ yetb'eyum, stupan junoc vin̈ snib'ej, icha chi' ix yutej sb'a eb'.

Os 8:9 Iomraidhean Croise

A Ch'an̈ Schab'il Libro Yic Yab'ixal Eb' Rey 15:19

ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

Is 30:2

Yajn̈ej tzcob' 'at eb' 'a Egipto, palta toc tzc'anb'j eb' 'ayin. A yipal win rey faraón chi tznib'j eb' tzcolni, tzya'n 'och eb' Egipto chi yipc sc'ojol.

Is 30:6

Yaljnac Dios 'ixtc yuj no 'ictzum noc' tzlaj 'ec' 'a sat lum Neguev: A jun lugar cha, caw wal 'ay smay. Ata cajn 'ec' no león, til wal yel yaw no ta', 'ay no niwc chan, yet' no chan tzlaj jen̈wi. Ata tzb'ey no chej yet' no cameyo tzlaj cuchnc 'at sricoal chon̈b' Judá, yic tzya'n siylab'oc 'a Egipto, jun chon̈b' to matz colwj jab'oc.

Jeremías 2:24

Lajn ex wal 'icha junc no calte'al 'axna, c'aync no yec' 'a lum cusltac lu'um, tzalj no yu'n 'ic' ta'. A wal yic 'aych no 'a stiempoal stajni, toc 'ay junc mach tztac' stenn 'och wan no'. Toc tzc'unb' no b'uru sayn 'ec' no 'axna chi 'a yic stiempoal stajn cha.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.