Os 8:5 - Chuj San Sebastian Bible

⁵ Caw wal tzin yaj jun yechl wacx b'ob'il yuj eb', atn jun 'aj tzyac' eb' 'aj Samaria 'emmquilal, yuj cha, caw wal 'oj cot wowl 'a eb'. ¿B'a'n̈ wal 'oj yactn can eb' israel jun maysch'olnil cha?

Chuj San Mateo Bible

⁵ Tzin yaj jun vacax b'ob'il d'a q'uen oro b'aj tz'och eb' aj Samaria ejmelal. Yuj chi' te aycot voval d'a eb'. Machequel b'aq'uin̈ ol yactej eb' israel sc'ulan jun chucal chi'.

Os 8:5 Iomraidhean Croise

2 Cr 13:8

A ticnec, a 'e nani to 'oj stac' eya'n owl quet' an̈ yin̈tl on̈ David tic on̈, 'ac'b'il jun 'opiso chi yuj Jehová 'a yol qui c'ab' on̈, yujto ax tic caw niwn e b'eyi, eyet' pax jun tzo'n̈ yechl wacx to nab'a oro b'ob'il yuj Jeroboam yic tz'och e diosaloc.

Salmos 19:13

Man̈ in a cha wa'ch in b'a 'a scal maysch'olnil, man̈ in a cha 'ajxoc mandar yu'uj, sec matz 'och in mul 'ayach. Toto 'ixta', may in paltail 'a a sat.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Jeremías 13:27

'Ix wila, jantc wal eyajmulal, atn wal jun tzo'n̈ 'ajmulal caw q'uixweltac xlaj e b'o'. Caw yajb'entac tas xlaj e b'o 'a lum tzalctac, yet' 'a calc te'. 'Oltacx wal ex 'aj Jerusalén. ¿Jantcto wal tiempo 'ayx 'ec' 'a scal e maysch'olnilal? xchi Dios.

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Jeremías 48:13

Yuj cha, a eb' 'aj Moab cha, caw 'oj jawc schab'c'ojlal eb' 'a Quemos, atn sdiosal eb', 'icha wal 'ajnc sjaw schab'c'ojlal eb' israel yuj sdiosal 'a Bet-el, atn jun 'aych cob' yipc sc'ojl eb'.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 10:8

'Oj ma'xoc 'ejm jun tzo'n̈ yatutal sdiosal eb' chuc chon̈b'al, atn 'aj ya'jnac 'och eb' israel smul. A 'a yib'n̈ yet'l xajmb'al eb' cha, ata 'oj pac' chan̈ te q'ui'ix. Yuj cha, ax yaln eb' 'anma yuj lum witz chi 'ixtic: Comnoc 'ay tz'aj scot wacnjoc jun tzo'n̈ witz tic 'a quib'n̈ec, 'oj schic eb'. Ax yaln pax eb' yuj eb' lum tzalan: 'Ayc wal tz'aj scot lan̈njoc eb' lum tzaln tic 'a quib'n̈ec, 'oj schic eb'.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

Os 8:6

A jun yechl wacx cha, man̈ Diosoc. 'Anma b'ojnac, yuj cha, choc' 'oj 'ajx cani.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Miqueas 1:7

Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

A Tas Sc'ulejnac Eb' Schecab' Jesús Hechos 7:41

Xlajw cha, 'ix sb'on eb' jun yechl quelm wacax. A jun chi xyalch eb' sdiosaloc. 'Ix smiln pax eb' jun tzo'n̈ no noc'. 'Ix ya'n eb' xajmb'al-l 'a 'a. 'Ix ya'n 'och eb' sq'uin̈ jun yechl chi 'ix sb'o cha.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.