Os 7:2 - Chuj San Sebastian Bible

² Toc tzna eb', toto nab'il smul eb' chi wu'uj. A ticnec, a smaysch'olnilal eb' chi oyn xo 'och 'a 'a, yujto checln̈ej yaj smul eb' 'a in sat.

Chuj San Mateo Bible

² Tocval sna eb' tato naan schucal eb' chi' vuuj. A ticnaic a tas sc'ulej eb' a oyanoch d'a spatic yichan̈ eb', yuj chi' an̈ej schucal eb' chi' svila'.

Os 7:2 Iomraidhean Croise

Job 34:21

A Dios yojc sb'eyb'al junjn 'anma', tzyila tas yec' junjn mach.

Salmos 10:11

Tznan eb' maysch'olnil chi 'ixtic: Satnc sc'ojl Dios 'ayon̈, chuc 'aj q'ueln 'ati, matz on̈ yil xon jab'oc, xchi eb'.

Salmos 25:7

Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Salmos 90:8

A qui mul yet' qui maysch'olnilal on̈, checln̈ej yaj 'a a sat.

Is 1:3

A no wacax yojc no yajal, yet' no b'uru yojc no 'aj tz'ajx wa yuj mach 'ay yico'. Palta ax in chon̈b' Israel, toxn man̈ jac tznachj 'el yu'uj toto wico', 'icha to may xon snab'en, xchi.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Is 44:19

Matz cham wal snan junc cha, yuj cha, matz nachj yaln 'ixtic: A yet' sc'axpil jun te tic 'ix wa'ch in c'ac', 'ix uyb' 'elt woch 'a 'a. Xin b'oln pax 'elt in chib'j 'a 'a, xlajw cha, in wa'i. ¿Tom smoj wal tzin b'o junc yechl comn dios yajb'il 'el yet' jab'x sobrail jun te tic? ¿Tom smoj tzin 'em cumn waln in b'a 'a jab'x yib'te tic? tom xchi.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Jeremías 16:17

Yujto tzwil smasnil tas tz'el sb'on eb'. May junc mach tztac' sc'ub'n 'el sb'a 'a in sat, matz tac' xon sc'ub'n 'el smul 'a in sat.

Jeremías 17:1

'Ix yaln pax Jehová 'ixtic: A wal e maysch'olnilal ex 'aj Judá, caw wal may tz'aj sat 'a e nab'en, yet' 'a sch'ac jun tzo'n̈ yet'l e xajmb'al, caw may tz'aj sat e mul cha. Tzcancn yechl 'a 'ayx 'icha junc letra tz'ajx can 'och 'a junc q'uen q'uen yuj junc q'uen cincel mto yuj junc q'uen diamante.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 32:19

Caw niwn el'ch yuj tas tza na'a, yet' yuj tas tza b'o'o. Ach tic, tzel smasnil tas tzb'o eb' 'anma', tza'n spac 'a junjn eb' 'a 'icha wal tas smoj schan eb' yuj tas tzb'o'o.

Jeremías 4:18

Yuj e b'eyb'al yet' yuj tas xe b'o'o, yuj cha, tzjaw jun tzo'n̈ tic 'a eyib'an̈. Yuj wal e maysch'olnilal, yuj cha, caw tu ex 'aj 'el'chi, caw tzeyab' syal yu'uj, xchi Dios.

Jeremías 44:21

—¿Am wal e nan ax tic, to man̈ yojcoc Jehová, mto x'at satc'ojlal yu'uj, yic xeya'n incienso xajmb'al-l 'a jun tzo'n̈ chuc diosal 'a yoltc scayeal Jerusalén, 'icha wal yutjnac sb'a eb' qui mam quichmec cha, eb' qui reylec, eb' yajl yaj 'a qui calec, yet' smasnil 'anma 'a yol yic Judá?

Ez 21:29

Til wal tas tzcob' sna chan̈ eb' 'anma chi yal 'ayex. Tzcob' yal eb' 'ixtic: Man̈ ex 'och 'il, may tas 'oj jawc 'a quib'n̈ec, xchi cob' eb', palta a jun tzo'n̈ cha, 'esn̈ej. A q'uen espada cha, 'etzn xo 'och q'uen 'a yib' sjaj jun chon̈b'al eb' 'anma cha, yujto maysch'olnil sb'eyb'al eb'. 'Ayx 'och eb' 'a yol sc'ab' chamel. Xc'och stiempoal yoch syailal eb' yuj tas maysch'olnil tzb'o'o.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Os 4:9

Yuj cha, ax ya'mal 'och sti eb' 'anma eyaji, lajn 'oj eyutc eyab'n syal yet' eb' eyit chon̈ab'. Yuj e b'eyb'al cha, ax wa'n 'och yailal 'a eyib'n̈ yet' eb'.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Jonás 1:2

'Ixc 'a jun niwquil chon̈b' Nínive, tzaln yab' eb' 'anma ta', to 'oj in satl jun chon̈b' chi yet' smasnil eb' cajn 'a 'a, yujto 'ix niwtj smaysch'olnilal eb' 'ayin, xchi Dios.

Nm 32:23

Palta toto matz 'el'ch tas wan eyaln tic, eyojc xon wal b'i'an, to tz'och e mul 'a yojltac Jehová, 'ay jun c'ual, ax ya'n eyailal yuj e mul cha.

Lc 12:2

Yujto jantcn̈ej tas c'ub'b'il 'el ticnec, c'uxn 'oj checljoc 'eli. Yet' jantcn̈ej tas c'ultac yaji, c'uxn 'oj 'ajxoc 'ojcaxc 'eli.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.