Os 7:16 - Chuj San Sebastian Bible

¹⁶ Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Chuj San Mateo Bible

¹⁶ Smeltzaj eb' palta man̈oclaj d'ayin, a in to A inxon̈ej Ochi. Icha junoc jul-lab' coxo, max yamchajlaj tas sjulchaj chi' yed'oc, icha chi' eb'. Yuj yac'umtaquil slolon eb' yajalil, yuj chi' ol cham eb' yuj q'uen espada. Axo eb' aj Egipto, toxon̈ej ol b'uchvaj eb' d'a eb'.

Os 7:16 Iomraidhean Croise

Salmos 12:3

Mamin Jehová satcn 'el jun tzo'n̈ 'anma cha, atn eb' chab'sat yaji, yet' pax eb' niwc winc tzlaj yutc sb'a.

Salmos 12:4

Atn eb' tzaln 'ixtic: Cojn toto tztac' qui paxtini, a qui ti 'oj qui colni. ¿Toc 'ay xon wal junc mach 'oj ste'wtzoc sb'a yoch cajliloc? xchi cob' eb'.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 17:10

Yujto matz 'o'ch sc'ojl eb' 'a yit 'anma'il, niwc winc tzyutj paxtinc sb'a eb'.

Salmos 52:2

Cojn maysch'olnil tza nib'j a b'o'. A 'a ti', lajn wal 'icha junc cuchlub' caw jay ye, yujto cojn 'es tzala.

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Salmos 73:9

Tu tzyal eb' 'a Dios 'ay yic satcha'an̈, tzpechx b'eyc'oc eb' 'anma 'a sat lum lum tic yuj eb'.

Salmos 78:37

May xon jac 'aj wach' xyutj sb'a eb', man̈ yelc tzyal eb', matz yac' 'el'choc eb' strato yet' Dios.

Salmos 78:57

Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Is 3:8

Man̈x 'a swach'l yilx Jerusalén, ax Judá 'oj sat 'ejmi, yujto a tas tzyal eb' 'anma', yet' tas tz'el sb'on eb', a chi tz'och 'ajc'ojlal 'a Jehová. Atn jun tzo'n̈ chi tzuntzn cot yowal.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Jeremías 42:18

A Jehová tztac' yuj smasnil, atn qui Diosalec, a tzaln pax 'ixtic: 'Icha wal x'aj sjaw yowl in c'ojl 'a yib'n̈ eb' cajn 'a Jerusalén, 'ixta wal 'oj 'aj sjaw pax 'a eyib'n̈ ax tic, toto 'oj e 'at 'a Egipto cha. 'Oj jawc catb' 'a eyib'an̈. A yic 'oj ex yilnc 'och jun tzo'n̈ xo nacion̈, 'oj xiw eb' eyu'uj, ax ex sb'uchn pax eb'. Man̈x 'a b'a'n̈ 'oj e japx wul eyil jun e lum tic jun 'ejm xo, xchi Dios.

Ez 23:32

An Jehová Yajl in, an tzwal 'ixtic: A tas xyu'j 'ix a nul'j cha, a pax 'oj wac' oc' ach tic. A jun vaso 'oj a c'an cha, caw niwquil, xab' pax yich. Ata 'oj b'ut'joc 'ejm sb'uchwal paxti eb' nacion̈ 'ayach.

Ez 36:20

Ax yic xlaj c'och eb' 'a jun tzo'n̈ nacion̈ cha, caw tu xlaj yal eb' 'anma chi 'ayn yuj eb', xlaj yal eb' 'ixtic: 'In to cob' schon̈b' Jehová jun tzo'n̈ 'anma tic, palta ax ticnec, 'ix 'ijx 'el eb' 'a schon̈b' cha, xchi eb'.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Os 11:5

Ma'ix meltzj pax eb' 'ayin, yuj cha, 'oj meltzjoc eb' 'a Egipto jun 'ejm xo, ax chon̈b' Asiria 'oj yac' yajlil 'a yib'n̈ eb'.

Os 11:7

A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

Os 7:13

'Oltac wal eb', yujto in yactj can eb'. 'Oj yamchjoc eb' yuj owl 'oj jawc 'a yib'an̈, yujto x'och stenmtacl eb' 'ayin. Tzin nib'j in col eb', palta cojn 'es tzyac' eb' 'ayin.

Os 9:3

Man̈x 'oj stac' eya'jc 'a schon̈b' Jehová. 'Oj e 'atx can 'a Egipto. A 'a chon̈b' Asiria, ata 'oj e c'ux tas man̈ wach'c 'icha yaln ley.

Os 9:4

Man̈x 'oj stac' eya'n yal uva ofrendail yuj eyi'n chan̈ Jehová, ma'oj scha pax e xajmb'al ta'. A tas 'oj e c'uxu', lajn 'icha tas tzc'uxx 'a yic 'ay junc chamel, yuj cha, a eb' 'oj c'uxnoc, man̈ wach'c 'oj 'ajcn eb' yu'uj. 'Oj b'ut'joc eb' yu'uj, palta ma'oj stac' yi'n 'at eb' jac 'a yatut Jehová.

Os 9:6

'Oj e 'at 'elc 'a jun yailal 'oj jawoc. Ax eb' 'aj Egipto 'oj wul e molb'tzanc 'ati. A 'a chon̈b' Menfis, ata 'oj laj e mucxi. A 'aj molb'il q'uen plata 'aych e ricoaloc, yet' e yet'l 'aj tzlaj ex 'ec' cajan, ata 'oj pitzwc chan̈ te c'ultac, nab'a q'uix 'oj 'ajcni.

Malaquías 3:13

Tzyaln pax Jehová 'ixtic: Ax tic, caw wal tu tzeyal 'ayin, palta tze c'anb'n to pax wal 'ayn 'ixtic: ¿Tas tu 'ix cal 'aych on̈? xe chi.

Malaquías 3:14

'In 'ixtc wal tzeyutj eyalni: Nab'an̈ej tzca'c servil Dios. ¿Tas wal 'oj ca'c ganar, toto tzqui yicljec tas tzyala, yic tzca'nec 'och qui pichl n̈achtac sat 'a yojltac, yic tzqui ch'oxnec 'el qui cusc'ojlal yuj qui mul?

Mt 12:36

Yuj cha, tzwal 'ayex, at yic 'oj jawc jun c'u yic b'eyc'ojlal, jantcn̈ej jun tzo'n̈ paxti may yopiso tzlaj eyala', c'uxn 'oj e b'eyc'ojlax yu'uj.

Lc 8:13

Ax jun tzo'n̈ 'in̈t xc'ochcn 'a yib'n̈ samq'ue'en, tzyal 'el'chi 'ay eb' 'anma tz'ab'n spaxti Dios, caw tzaljc'ojlal tzchaj eb'. Palta may ste'nal eb', jab' wal tiempo tzya'ch eb' 'a sc'ojol, yujto a yic tzjaw junc prowal 'a yib'n̈ eb', yajn̈ej tz'elx can eb' muc'uc.

Santiago 3:5

An̈jtona', 'ixta pax qui ti'ec. Jab' wali, palta til wal tzann̈j tas tztac' yu'uj. Q'uinloc 'ay jac snich c'ac' ticnec, tz'elcn 'a junc tzalan. Wach'xam caw jab', palta til wal tas tz'a yu'uj.

A Schab'il Carta San Pedro 2:8

Wach' sb'eyb'al winac, palta junjn c'u yiljnac, yab'jnac jun tzo'n̈ maysch'olnil sb'ojnac eb' cha. Yuj cha, caw ya'jnac eb' cusoc.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.