Os 6:6 - Chuj San Sebastian Bible

⁶ A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

Chuj San Mateo Bible

⁶ A val tas in gana tze c'ulej to tz'oc' e c'ol d'a eyetanimail yed' in eyojtacaneli to e Diosal in, man̈ocn̈ej e n̈usantz'a silab' d'ayin in gana.

Os 6:6 Iomraidhean Croise

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Salmos 50:8

Ma'oj ex in tumc yuj e xajmb'al tzeya'n̈j 'ayin, yet' pax jun tzo'n̈ xajmb'al tzeyac' tz'a 'a wojltac.

Pr 21:3

Toto tzqui b'eylb'ejec wach'il yet' tojlal, a jun tzo'n̈ cha, yel xo tznib'j Jehová 'a yib'n̈ xajmb'al tzca'c 'a 'a.

Ec 5:1

A yic tzon̈ c'ochc 'a yatut Dios, yel xo wach' tzqui nitzc 'ochch qui b'a yic tzqui maclniec cab' tas tzalxi, 'a yib'n̈ to tzqui comn ta'wjec junc tas 'icha cob' tzyutj sb'a eb' may snab'en. A eb' cha, matz na eb' toto tu tas tzb'o eb'.

Is 1:11

'Ix yal Jehová 'ixtic: A jun tzo'n̈ e xajmb'al tzjaw ch'ucn 'a wojltac, man̈x 'a tz'och wu'uj. 'Ix q'ue syoch'l no calnelu tzeyac' xajmb'al-l 'ayin, yet' xepual no noc' caw b'aq'uech. Man̈xtzac in nib'j schic'l no quelm wacax mto yic no mam calnelu yet' yic no chiwo.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Jeremías 22:16

Xcolx eb' meb'a yu'uj, yet' eb' tz'ixtx yuj eb' tu snab'en. Yuj cha, caw wach' 'ix 'aj 'el'chi. An Jehová in, an tzwala, to wach' 'ix yutj sb'a, sch'oxn 'eli, to 'ojcab'iln yu'uj.

Jeremías 7:22

A yic 'ix wi'n 'elt eb' e mam eyichm 'a Egipto, may tas xwal 'a eb' yuj xajmb'al, yet' yuj ofrenda.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Os 14:2

Palta meltzjan̈c pax 'a Jehová, tzeyaln e b'a 'a 'ixtic: 'A'n̈ niwnc'ojlal yuj qui mul on̈ Mamin, chaj qui 'emmquilal tic on̈, yet' qui wach' paxti tzcal 'ayach.

Os 2:20

'Icha to wistzil 'oj aji, 'oj in b'o 'icha tas 'ix wala, 'ixta 'oj 'aj snachj 'el o'oj, to an Jehová in.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Am 5:21

Yuj cha xyaln Dios 'ixtic: Caw tzin yaj jun tzo'n̈ e q'uin̈ tzlaj eya'chi. Matz in nib'j jun tzo'n̈ eyamnil to caw niwn yel'ch eyalni.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Mt 12:7

Octom xnachj 'el eyu'uj, tas yaljnac can Dios 'a Cha'n̈ U'un̈, yic yaln 'ixtic: Tzin nib'j to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi. Comnoc xnachj 'el jun tic eyu'uj, to 'ixta', ma'ix eyala to x'och smul eb' 'anma may smul.

Mt 5:7

A eb' tz'o'ch sc'ojl 'a eb' yit 'anma'il, caw wach' yic eb', yujto 'oj 'o'ch pax sc'ojl Dios 'a eb'.

Mt 9:13

'Ixquec, 'at cuyc tas tzyal 'el'ch jun yaljnac can Dios 'a Ch'an̈ U'un̈, yic yaln can 'ixtic: A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej, xchi 'a Ch'an̈. A eb' wach' sb'eyb'al snani, toc 'ay tzin 'och yuj eb', palta yuj wawtn eb' tznachj 'el yu'uj to maysch'olnil sb'eyb'al, yuj cha, in jawi, xchi Jesús.

Mr 12:33

Yowlal tzqui chamc'ojlej Dios 'a smasnil qui c'ojol, 'a smasnil qui nab'en, yet' 'a smasnil quip, an̈jtona', yowlal tzqui chamc'ojlej eb' quit 'anma'il 'icha tzcutj qui ya'iln qui b'a junjn on̈. Atn chab' tic, 'ec'b'al yel'ch 'a yib'n̈ smasnil jun tzo'n̈ xajmb'al yet' jun tzo'n̈ siylab' tzn̈usx tz'ajx 'a Dios, xchi win 'a 'a.

Josué 5:5

A eb' cha, 'ac'b'ilx circuncidar eb' yic yelt eb' 'a Egipto; ax pax eb' xlaj 'alj 'a yoltc b'e 'a lum cusltac lu'um, man̈ 'ac'b'ilc circuncidar eb'.

1 Jn 2:3

Toto tzqui yicljec jun tzo'n̈ schecnb'il Dios, to 'ixta', caw cojquec xo Dios cha.

1 Jn 3:6

Yuj cha, toto yel junn̈j cajc yet'oc, man̈xtzac qui b'eylb'ejc maysch'olnil. Palta tzann̈j mach an̈ja sb'eylb'an maysch'olnil, matz ya'ch snab'en 'a 'a, man̈ yojcoc xoni.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.