Os 6:5 - Chuj San Sebastian Bible

⁵ Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Chuj San Mateo Bible

⁵ Yuj in lolonel ix vac' yal eb' in checab', ol ex in sateli. Nivan chequel ol aj eyaelal chi' icha val yoc c'u.

Os 6:5 Iomraidhean Croise

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

A Ch'an̈ B'ab'el Libro Yic Yab'ixal Eb' Rey 14:6

A yic xyab'n win Ahías sc'an̈ sc'och yoc 'ix 'a sti smac n̈a, 'ix yaln win 'ixtic: —'Ochn̈ ta ach yistzil Jeroboam. ¿Tas yuj xa jelmtej a b'a? Tox 'ix alx 'ayin chajtlto caw ya jun tzo'n̈ paxti 'oj wal 'ayach.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ B'ab'el Libro Yic Yab'ixal Eb' Rey 18:17

Ax yic schan sb'a win yet' Elías cha, 'ix yaln win 'ixtc 'a 'a. —¿Tom ach tic tzextj chon̈b' Israel? xchi.

A Ch'an̈ B'ab'el Libro Yic Yab'ixal Eb' Rey 19:17

A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

A Ch'an̈ Schab'il Libro Yic Yab'ixal Eb' Rey 1:16

'Ix yaln 'ixtc 'a 'a: —'Ixtc 'ix yutj Jehová yalni: Yujto 'ix a checb't eb' a checb' 'a Baal-zebub sdiosal Ecrón, yic tz'at a c'anb'noc a b'a 'a 'a, 'icha to may Dios yet' spaxti 'a a chon̈b' Israel tic, yic tza c'anb'n a b'a 'a 'a. Yuj cha, man̈x 'oj a q'ue wan 'a a waynub', palta to 'oj a chami, ma'oj 'ec'oc, xchi Dios, xchi Elías.

2 Cr 21:12

A yic cha, 'ix schan Joram chi jun ch'an̈ scarta Elías, atn win schecb' Dios, tzyaln 'ixtic: A Jehová sDiosal a mam 'ichm David, a tzaln 'aych 'ixtic: Yujto man̈oc sb'eyb'al a mam Josafat wan a b'eylb'ani, man̈oc pax sb'eyb'al Asa sreyl Judá,

Job 15:30

Man̈x 'oj stac' scoln 'el sb'a 'a scal q'uic'q'uinal. Lajn wal 'oj 'aj 'icha junc te sc'ab' te tz'a yuj te c'ac', mto tzma'x 'el snich te yuj 'ic'.

Job 34:10

Palta ax 'ay e nab'en tic, chajec eyab' tas 'oj wala'. A Dios tztac' yuj smasnil, tecn may 'aj tzb'o tas man̈ tojloc.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Jeremías 1:10

A ticnec tzach in checb't 'a jun tzo'n̈ xo nacion̈ yic tzaln yab' eb' to 'oj jawc yailal 'a yib'n̈ eb', 'oj satl eb', ax slan̈chj 'ejm schon̈b' eb'. 'Ay eb' chon̈b' chi 'oj satl 'a jun 'ejmn̈ej, 'ay pax eb' 'oj b'ox cha'an̈, xchi.

Jeremías 1:18

A ticnec, tzach wa'cn 'och 'icha wal junc chon̈b' caw 'ay yip, 'icha wal junc 'oy nab'a hierro, 'icha wal junc muro nab'a bronce, sec 'oj stac' a te'wtzan a b'a 'a yojltac nacion̈ Judá, 'a yojltac eb' rey, 'a eb' yajal, 'a eb' ya'mal 'och sti eb' 'anma 'ayin, yet' 'a sat smasnil eb' 'anma'.

Jeremías 13:13

'Oj lajwc cha, ax aln 'a eb' to an Jehová in, an 'ix wal 'ixtic: Smasnil eb' cajn 'a jun nacion̈ tic, caw 'oj wac' sat sc'ojl eb' yuj yowl in c'ojol, eb' yin̈tl David 'aych reyal, eb' ya'mal 'och sti eb' 'ayin, eb' tzyalch sb'a in checb'oc, yet' smasnil eb' cajn 'a Jerusalén. 'Icha tz'aj sat sc'ojl eb' caw niwn 'an̈ tzyuq'uej, 'ixta 'oj wutc wa'n sat sc'ojl eb'.

Jeremías 23:29

An Jehová in, an tzwala to a in paxti', lajn yet' c'ac', lajn pax yet' q'uen almáguina to tzpoj q'uen niwc q'uen yu'uj.

Ez 11:4

Yuj cha, al yab' eb' in paxti tic ach 'anma', xchi Dios 'ayin.

Ez 3:9

Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.

Ez 32:18

Ach 'anma', b'itnej jun b'it yic chaml tic, yujto til wal eb' soldado 'aj Egipto 'oj chamoc, yet' eb' soldado yic jun tzo'n̈ nacion̈ 'oj c'och eb' 'a scal eb' yit chamnquil cha: A eb' caw jelan, 'oj telwc 'ejm eb', ax sc'och eb' 'a campusan yet' eb' 'ayx 'ec' chi ta'.

Ez 43:3

A jun xwil cha, lajn wal yilx 'icha jun wiljnac yic wul ya'nc Dios lajwc 'el chon̈b' Jerusalén, 'icha pax jun wiljnac 'a sti a niwn a Quebar. Cojn wal yic xwiln cha, in 'em n̈ojnjoc 'a sat lu'um.

Sofonías 3:5

Palta a Jehová, 'ayc'n̈ej 'a jun chon̈b' cha. Tojln̈ej tas tzb'o'o. May tas tu tzb'o'o. 'A junjn sq'uin̈b'ial tzch'oxn 'el stojlal, ax pax eb' maysch'olnil sb'eyb'al, caw matz q'uixw eb' jab'oc.

A Tas Sc'ulejnac Eb' Schecab' Jesús Hechos 7:31

Ax yic xyiln 'at jun cha, caw 'ix sat sc'ojl yu'uj. Yuj cha, x'at yilnoc. Ax Cajlil 'ix aln 'ixtc 'a 'a:

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Ef 6:17

Caw tzeya'ch yipc e c'ojol to colchjnac ex. Toto 'ixta', lajn ex 'icha eb' soldado c'oxb'il jun q'uen xumpiln yu'uj. Axn̈ej spaxti Dios 'ac'b'il 'ayn̈ yuj Yespíritu tze c'anlb'ej, 'icha tzyutj eb' soldado sc'anlb'an yespada.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

Apoc 9:15

Yuj cha, x'at sjiync 'el chan̈wn̈ ángel cha. Xlajw cha, x'at eb' milj cham 'anma'. Jab'xoj man̈ spacloc eb' 'anma 'a yolyib'n̈q'uinl 'ix cham yuj eb'. Caw checl xo yaj yorail, sc'ual, yujal yet' yab'lilal 'aj tzmilwj eb' cha.

Apoc 9:21

A jun tzo'n̈ 'anma cha, 'ay eb' milm cham 'anma', 'ay eb' 'ajchum. 'Ay eb' tzb'on 'ajmulal, 'ay pax eb' 'elc'um. Palta man̈ jac 'ix sna sb'a eb' yuj jun tzo'n̈ smul cha.

A Ch'an̈ B'ab'el Libro Samuel 13:13

Yuj cha, xyaln Samuel 'a Saúl 'ixtic: —¡Yuj a man̈ nab'enal 'ix a b'on jun tic! Ma'ix a yiclj tas xyal Jehová qui Diosalec 'ayach. Al to ma'ay, ach ya'cn 'och Jehová reyl 'a scal eb' quit israelal tic 'a jun 'ejmn̈ej.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.

A Ch'an̈ B'ab'el Libro Samuel 15:32

Xlajw cha, xyaln Samuel chi 'ixtic: —'Ijec cot win Agag sreyl can eb' amalecita, xchi. Ax yic xjaw lin̈n win 'a yojltac Samuel, caw tzcob' tzaljoc yic xjawi, am wal snani tox 'ix 'ec' chaml 'a yib'an̈.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.