Os 6:1 - Chuj San Sebastian Bible

¹ 'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Chuj San Mateo Bible

¹ Ol yal eb' chon̈ab' icha tic: Cotan̈ec e masanil, con̈ meltzajec d'a Jehová. A ix on̈ choc'tzilanb'ati, an̈eja' ol on̈ an̈tanpaxoc. Ix on̈ yac' echnajoc, an̈eja' a ol an̈tanpax quechen chi'.

Os 6:1 Iomraidhean Croise

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Job 16:9

A Dios 'ix 'och tza'n wu'uj, in ya'n lajwc 'eli, 'ijn wal in smil cham 'icha tzyac' junc no calte'al noc'. Tzcham wal yoch q'ueln 'ayin, 'icha to 'ajc'ojl yajch 'ayin.

Job 22:23

Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

Salmos 30:7

Mamin Jehová, yet' wal swach'l a c'ojol in e'n can 'och 'a 'aj may tas tzin 'i'ni. Palta ax yic xe'n 'el a b'a 'a in tz'ey, in somchj 'el yuj xiwc'ojlal.

Salmos 6:2

'O'ch cab' wal a c'ojl 'ayin, yujto man̈x 'a wip tzwab'i. 'Ac' jawc in c'ojl Mamin. Smasnil in niwnal, caw tz'el yip tzwab'i.

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Ec 3:3

'Ay yorail smilx 'anma', 'ay pax yorail yan̈txi. 'Ay yorail sma'x 'ejm junc tas, 'ay pax yorail sb'ox cha'an̈.

Is 17:7

A 'a jun c'ul cha, 'oj 'ochx q'ueln eb' 'anma chi jun 'ejm xo 'a jun mach b'ojnac eb', atn qui Diosal an̈ israel on̈c tic, jun Dios to Cojxni.

Is 2:3

Til wal 'anma chi 'oj c'och ta', ax yaln eb' 'ixtic: Cotn̈ec, coyc 'a lum jolm witz 'aj 'ay yatut Jehová, atn sDiosal eb' yin̈tl Jacob. Coyc quila', sec to 'oj on̈ scuyc 'a wach' b'eyb'al, ax qui b'eylb'anec sb'eyb'al cha, 'oj schic eb'. Yujto a 'a switzl Sión ata 'oj 'eltoc ley, ax 'a Jerusalén ata 'oj cuyxoc spaxti Dios.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Jeremías 3:22

Ex 'anma to caw tenmtac, cotn̈ec pax 'ayin, 'oj in b'o jun e nab'en caw tenmtac cha, xchi Dios. 'Ix ta'w eb' israel 'ixtic: Caj on̈, tzca'ch qui b'a 'a yol a c'ab' on̈, yujto ach tic, Jehová qui Diosal ach on̈.

Jeremías 30:12

Tzyaln pax Jehová 'ixtc 'a eb' schon̈ab': A wal tas lajwnac 'ayx cha, ma'oj stac' yan̈txi, a eyailal cha, caw man̈x 'a sremelal.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Jeremías 33:5

A 'aj 'ix 'el jun tzo'n̈ n̈a cha, caw 'oj b'ut'joc 'el yuj sniwnal eb' 'anma 'oj in mil cham yuj yowl in c'ojl to man̈x yalnb'iloc. Tox 'ix wij 'el in sat 'a jun chon̈b' tic, yujto caw wal niwn smul eb' xya'chi.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Jeremías 50:4

'Ix yaln Jehová 'ixtic: A 'a yic b'aq'uin̈, a eb' 'aj Israel, yet' eb' 'aj Judá, caw 'oj 'oc' eb', ax ya'n 'och sb'a eb' 'a yol in c'ab'.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Os 11:10

'Oj 'ochx tza'n eb' in chon̈b' wu'uj, ax yel waw 'icha no león. Yuj tz'el waw cha, ax scot eb' wunnal 'a 'aj tz'em c'u, caw wal tz'ib'x eb' yuj xiwlal ax sjaw eb' 'ayin.

Os 12:6

Ex israel, meltzjan̈c 'a qui Diosal. Yiclum tzeyutj e b'a 'a 'a, tojlb'tzejc e b'eyb'al. 'Aychn̈ej cab' Dios yipc e c'ojol.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Lv 14:48

Toto a yic tz'ochx win ya'mal 'och sti eb' 'anma chi yil jun n̈a cha, ax tzyilni to a jun c'uxmtac cha matz b'eyi, yictax 'ix b'ox can te n̈a cha, ax yaln b'i'an, chajtlto tox xb'ox can jun n̈a cha, yujto man̈x 'a jun yab'il chi 'a te'.

Sofonías 2:1

Ex 'anma to may jac e q'uixwel, yam'tzejc e b'a, nac e b'a,

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

A Ch'an̈ B'ab'el Libro Samuel 2:6

Mamin Jehová 'aj q'uinl ach, ach tzej 'ec' qui q'uinl on̈, tza'n paxi. Tztac' tzon̈ 'a'cn 'ejm 'a yol sjul-l eb' chamnc 'anma', tzon̈ a coln pax q'ueta.

A Ch'an̈ B'ab'el Libro Samuel 7:3

Yuj cha, 'ix yaln Samuel 'ixtc 'a eb' yit israelal cha: Toto yet' smasnil e c'ojol tzex meltzj pax 'a Jehová, yowlal tzeyij 'el jun tzo'n̈ comn dios 'ayc' 'a e cal, yet' jun tzo'n̈ sch'oxnb'il comn dios Astarté. Tzeya'n wal 'och e b'a 'a yol sc'ab' Jehová, cojxn tzeyac' servil. Toto 'ixta', 'oj ex scol 'elt 'a yol sc'ab' eb' filisteo, xchi.