Os 5:15 - Chuj San Sebastian Bible

¹⁵ Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Chuj San Mateo Bible

¹⁵ Axo in meltzaj chi' d'a elan̈chamel b'aj cajan in masanto ol yojtaquejel smul eb', axo sjavi eb' chi' yal sb'a d'ayin. A d'a scal syaelal eb' chi', ol yal sb'a eb' d'ayin d'a smasanil sc'ool.

Os 5:15 Iomraidhean Croise

Gn 42:21

Xlajw cha, xlaj yal-lanc eb' 'a junjn 'ixtic: —Caw wal yel tu xcutjec qui b'a 'a win cu'tac José, ma'ix qui chajec cab'i', yic xtew 'och win 'ayn̈ec, sec tz'o'ch qui c'ojlec 'a 'a, ton̈j xquilec to caw 'ix cusi. Yuj ton am cha, tzjaw jun cusc'ojlal tic 'a quib'n̈ec, xchi ewinac.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Salmos 107:13

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 107:19

Palta a 'a scal syailal eb' cha, ata 'ix yal sb'a eb' 'a Jehová, ax 'ix coln 'el eb'.

Salmos 107:28

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 107:6

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 132:14

Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Salmos 83:16

Mamin Jehová, 'ij 'el sq'uixwel eb', sec 'oj 'och tza'n eb' o'oj.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Is 18:4

A Jehová, a 'ix aln 'ayn 'ixtic: 'Ayn 'ec' 'a wet'ul, xwiln cot eb' 'anma tic, sictacn̈ej waji yic tzwiln cot eb', 'icha yilx yoc c'u 'a yic cuaresmail, 'icha pax yilx chicb'chan̈ tz'em 'a 'ac'wal yic 'elnc sat smasnil 'awb'ente', 'ixta waji, xchi Dios.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Is 26:21

Yujto 'oj 'eltoc Jehová 'a yol sdespacho yuj wul ya'nc 'och yailal 'a yib'n̈ smasnil 'anma cajn 'a sat lum lum tic, man̈x 'oj sc'ub'c 'el lum lum tic eb' milb'il cham 'a 'a, palta to 'oj sch'oxl lum jantc maysch'olnil 'ix uj 'a sat.

Is 26:9

Cojn 'ayach, ata 'aych in nab'en yic tz'ec' junjn 'ac'wal; an̈jtona 'a sq'uin̈b'ial, tzach wa'n 'och yipc in c'ojol. A yic tza b'eyc'ojlan eb' 'anma', ata 'oj nachj 'el yuj eb', tas tzyutj eb' stojlb'tzan sb'eyb'al.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jeremías 3:14

'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Lm 3:40

Qui b'eyc'ojloquec qui b'a tas yilx qui b'eyb'alec, tzlajw cha, tzon̈ meltzjec, tzcalnec pax qui b'a 'a Jehová.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Ez 11:23

'Ix yi'n 'el sb'a stzictznil Jehová 'a yib'n̈ chon̈b' Jerusalén, axta xc'ochcn b'achchoc 'a sjolm jun lum witz 'ay 'a sti 'el chon̈b' 'a stojlal 'aj tzq'uel c'u.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Ez 8:6

'Ix yaln 'ixtc 'ayin: Ach 'anma', ¿tzam el wal tas yajb'entac tzb'o eb' et israelal tic? Atn wal yuj jun tzo'n̈ tic, tzwi'n 'el in b'a 'a in cajnub', palta 'ayt wal tas yel xo wal yajb'entac 'oj in ch'ox ela', xchi 'ayin.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.

Miqueas 1:3

'Oj 'eltoc Jehová 'a yol yet'l 'aj cajn 'eq'ui, ax sb'ey cot 'a sjolm eb' lum witz.

Nm 21:7

A yic xyiln eb' 'anma cha, to til wal 'anma tzcham yuj no', 'ix 'at yalnc eb' 'ixtc 'a Moisés. —'Ix 'och wal qui mul caln tu paxti 'a Jehová yet' 'ayach. Palta ax ticnec, tewan̈ 'a Jehová, to tzyij 'el e no chan tic 'a qui cal, xchi eb'. —Yuj cha, 'ix leslwi Moisés 'a Jehová, to tzyac' niwnc'ojlal 'a yib'n̈ eb' 'anma yuj smul cha.

Lc 13:25

Yujto a Dios, lajn 'icha junc win 'ajn̈a tzq'ue wan lin̈n 'a smexa, tzmacn yatut cha. 'Oj lajwc cha, ax xo tzex can 'a sti n̈a cha, 'ojt cob' eyawj 'och 'a 'ixtic: Mamin, jacn̈ 'och et' on̈, 'oj e chioc. Palta 'oj yal 'ayx 'ixtic: Man̈ ex wojcoc, 'ajm 'ay ex, 'oj schioc.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.