Os 5:10 - Chuj San Sebastian Bible

¹⁰ An Jehová in, an tzwala: A eb' yajl yaj 'a chon̈b' Judá, lajn eb' 'icha eb' 'anma tzt'un̈n smon̈jonal lum lu'um, yuj cha yelc'ojlal 'oj in satl eb' yet' yowl in c'ojol.

Chuj San Mateo Bible

¹⁰ A in Jehová in svala': A eb' yajal d'a Judá, lajan eb' icha juntzan̈ anima tz'ic'anchaan̈ tz'acaan̈, yuj chi' ol in satel eb' yed' yoval in c'ool.

Os 5:10 Iomraidhean Croise

Salmos 32:6

A eb' yiclum, yal cab' sb'a eb' 'ayach, a yic tzjaw niwc yailal 'a eb'. Wach'xam tzjaw 'icha a 'elmal a', palta ma'oj c'och 'a eb'.

Salmos 69:24

'A' cot yowl a c'ojl 'a yib'n̈ eb', yamchj cab' eb' yuj a c'a'lc'ojlal.

Salmos 88:17

Smasnil jun tzo'n̈ cha, 'ix 'och oyn 'ayn 'icha junc a 'elmal a'.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 22:28

Man̈ e t'un̈ smon̈jonal slum qui mam quichmec b'ob'il can yu'uj.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Ez 22:22

'Icha tz'aj yulb'x q'uen plata 'a scal c'ac', 'ixta 'oj eyaj eyulb'x yuj yailal 'a yol chon̈b' cha. 'Ixta to b'i'an, ax eyojcan 'eli, to an Jehová in, an tzwa'ch eyailal yuj yowl in c'ojol, xchi Dios, xa chi 'a eb', xchi 'ayin.

Ez 7:8

A ticnec b'i'an, wal wa'n cot yowl in c'ojl 'a eyib'n̈ ax israel ex tic. 'Oj wac' 'el'choc yowl in c'ojl 'a eyib'n̈ 'icha tas tzin na'a. 'Oj ex in b'eyc'ojloc yuj tas maysch'olnil tzlaj e b'o', ax wa'n eyailal yuj e b'eyb'al yajb'entac.

Mt 7:27

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Yuj cha, caw xc'an̈ yem junnjoc jun yatut cha, xchi Jesús 'a eb'.

Lc 6:49

Palta ax eb' tz'ab'xni 'ayin, toto matz yiclj eb' 'icha tzwala, lajn 'oj 'aj eb' 'icha junc winc 'ix sb'o yatut 'a yib'n̈ lu'um. May yipnub' yich 'ix ya'cn 'ejm 'a xab'. Ax a niwn a tzb'ey 'a stz'ey, 'ix q'uib' chan̈ a'. Caw ow xjaw chel-loc a 'a yich, ax yatut cha, yajn̈ej x'em junnjoc. Caw xlan̈chj 'ejm 'a jun 'ejmn̈ej, xchi Jesús 'a eb'.

Dt 19:14

A 'a lum lum 'oj yac' Jehová qui Diosalec 'ayex, 'ay cab' yel'ch smon̈jonal yic junc xo mach 'aych yic 'a sti eyic cha, 'icha cab' yajcn 'ejm smon̈jonal xon yuj eb' e mam eyichm 'a pecti', 'ixta cab' yaji.

Dt 27:17

Catb'tzaxc cab' eb' tzt'un̈n smon̈jonal slum junc yit 'anma'il, yic tzto'n 'ec' slum junc xo mach, xchi eb' levita. 'Ixta cab' tz'aji, 'oj xchic eb' chon̈ab'.