Os 5:1 - Chuj San Sebastian Bible

¹ Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

Chuj San Mateo Bible

¹ Ab'ec val juntzan̈ tic ex sacerdote. Maclejec eyab' ex chon̈ab' Israel. Ab'ec pax ex yin̈tilal ex eb' rey: A d'a eyib'an̈ a ex tic ol och jun yaelal tic, yujto a ex tic, icha junoc ch'an̈ yaal eyaj d'a Mizpa yed' d'a jolom vitz Tabor.

Os 5:1 Iomraidhean Croise

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Os 10:15

Yuj wal jun e niwquil mul cha, ax yec' smasnil jun tzo'n̈ chi 'a eyib'n̈ ex 'aj chon̈b' Bet-el. Yuj cha, a win e reyl ax 'aj Israel ex tic, a wal sq'uin̈lb'i 'eli, ax scham winac, xchi Dios.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Os 6:9

A eb' ya'mal 'och sti eb' 'anma 'ayin, lajn eb' 'icha junc b'ulc eb' 'elc'um. Tzlaj macwjoc eb' 'a eb' 'anma', yic tzmilx cham eb' yuj eb'. Tzmilw cham 'anma eb' 'a b'e tzc'och 'a Siquem, til wal maysch'olnil sb'o eb'.

Os 9:8

A Dios, 'ix ya'ch jun schecb' stan̈malc eb' chon̈b' 'a yol yic Efraín, palta ax eb' 'anma chi tz'a'n 'ejm ch'an̈ yal 'a yol sb'e jun stan̈mal eb' cha. 'Intax to tzchichn 'och eb' 'a yatut Dios.

Jl 1:2

'Ab'c wal jun tzo'n̈ tic ex yichm wincal chon̈ab', yet' e masnil ax cajn ex 'a jun nacion̈ tic. Toc 'ayx 'aj xeyil tas lajn 'icha jun tic. Toc am 'ay 'aj x'ilx junc tas 'icha jun tic yic yec' eb' qui mam quichmec.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic:

Am 7:9

A jun tzo'n̈ smacsej eb' yin̈tl Isaac 'aj tzyac' eb' 'emmquilal 'a lum jolmctac witz, c'uxn 'oj satli. A jun tzo'n̈ yatutal sdiosal eb' israel, 'oj lan̈chjoc can 'ejmi. 'Oj in satl eb' yin̈tl Jeroboam yet' q'uen espada, xchi Jehová.

Miqueas 3:1

'Ix waln 'ixtic: Ex syajlil chon̈b' Israel, 'ab'c wal jun tzo'n̈ tic: ¿Tom man̈ smojc eyojcan 'el tas tojol?

Miqueas 3:9

'Ab'c jun tzo'n̈ tic ex syajlil chon̈b' Israel, ex to man̈ tojloc tzeyutj e b'onyaj eb' 'anma'.

Miqueas 7:2

'Icha te sat 'awb'ente cha, 'ixta waji, yujto man̈xtzac 'ilchj junc 'anma wach' sb'eyb'al, tojl snab'en 'a sat Dios 'a yol qui chon̈b'ec. A eb' wit chon̈b' cha, cojxn milj cham 'anma tznib'j eb' sb'o'. Tzlaj yac' 'ejm junjn eb' sch'an̈ yal 'a yol sb'e.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Malaquías 2:1

A Jehová tztac' yuj smasnil, a tzaln 'ixtic: A ticnec ex ya'mal 'och sti eb' 'anma 'ayin, eyic yaj jun checnb'il 'oj wal tic:

Jueces 4:12

A yic xyab'n win Sísara yab'xil, to xq'ue'ch win Barac 'a jolm witz Tabor,

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

A Ch'an̈ B'ab'el Libro Samuel 7:16

'A junjn ab'il, tzxitc' sb'oyaj eb' 'anma chi 'a Betel, 'a Gilgal yet' 'a Mizpa. 'Ixta tzyutj sb'onyaj eb' 'anma chi 'a jun tzo'n̈ lugar cha.

A Ch'an̈ B'ab'el Libro Samuel 7:5

Xlajw cha, xyaln Samuel 'a eb' 'ixtic: Yamnc e b'a e masnil 'a Mizpa, an xo 'oj in leslwi 'a Jehová eyuj ta', xchi 'a eb'.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.