Os 4:15 - Chuj San Sebastian Bible

¹⁵ Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Chuj San Mateo Bible

¹⁵ Vach'chom ix och smul chon̈ab' Israel, palta mocab' och smul chon̈ab' Judá. Mocab' b'at och eb' ejmelal d'a Gilgal, mocab' q'uepax eb' d'a Bet-avén. Mocab' sloc in b'i eb' a in Jehová pitzan in tic.

Os 4:15 Iomraidhean Croise

2 Cr 17:4

palta a sDiosal yet' smam 'icham, a 'ix yac' servil. 'Ix syiclni schecnb'il, man̈oc sb'eyb'al eb' 'aj chon̈b' Israel 'ix sb'eylb'ej.

2 Cr 21:11

An̈jtona 'ix sb'on pax Joram jun tzo'n̈ macsej 'a jolmctac witz 'a yol yic Judá, 'ix yaln sb'a eb' chon̈b' 'a 'a. A yuj jun tzo'n̈ cha, 'ix juw 'el eb' 'aj Jerusalén, 'ixta x'aj spitb' 'el snab'en eb' 'ay 'a yol yic Judá cha.

Is 48:1

A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Jeremías 5:2

'Ay cob' eb' tzin b'inan an Jehová in tic, palta tzin sb'inej eb' 'a ya'm 'esal, xchi.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 10:8

'Oj ma'xoc 'ejm jun tzo'n̈ yatutal sdiosal eb' chuc chon̈b'al, atn 'aj ya'jnac 'och eb' israel smul. A 'a yib'n̈ yet'l xajmb'al eb' cha, ata 'oj pac' chan̈ te q'ui'ix. Yuj cha, ax yaln eb' 'anma yuj lum witz chi 'ixtic: Comnoc 'ay tz'aj scot wacnjoc jun tzo'n̈ witz tic 'a quib'n̈ec, 'oj schic eb'. Ax yaln pax eb' yuj eb' lum tzalan: 'Ayc wal tz'aj scot lan̈njoc eb' lum tzaln tic 'a quib'n̈ec, 'oj schic eb'.

Os 11:12

A eb' 'aj Efraín, atn eb' israel tic, cojxn̈ej wal 'es tzlaj yac' eb' 'ayin, caw tzin yixtj paxti eb'. A eb' 'aj Judá, caw tenmtac eb' 'ayin, ticni Cojxn in Dios in, to tz'el'chn̈ej tas tzwala.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Os 12:12

A Jacob, 'atnc 'eloc, axta c'ochnc 'a lum Aram. Ata 'ochnc 'ilj calnelu yuj stojloc yistzil.

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Os 5:8

'Utz'x cab' no cacha yic owl 'a chon̈b' Gabaa, 'utz'x cab' pax q'uen trompeta 'a Ramá. 'Awjan̈c 'a chon̈b' Bet-avén, 'em cab' xiwc'ojlal 'a scal eb' yin̈tl Benjamín.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Am 4:4

An Jehová in, an tzwala: 'In tze nib'j e b'o tas tze nib'ej, yuj cha, 'ixquec 'a Bet-el, yet' 'a Gilgal 'aj tz'och jun tzo'n̈ niwc yamnil, 'a'c e nab'en e b'on jantc maysch'olnilal tze nib'j e b'o ta'. 'Ijc 'at e xajmb'al 'a junjn sq'uin̈b'ial, 'a'c e diesmo 'a yoxtquil c'ual.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Am 6:10

Caw niwquil xiwc'ojlal 'oj jawoc. A wal yic 'oj 'ijxoc 'elt sniwnal eb' chamnc chi 'a yol n̈a yuj eb' yican yic tzn̈usx tz'a'oc, 'oj yaln junc chi 'ixtc 'a junc xo mach tz'ec' 'a yol n̈a cha: ¿'Ayt am junc xo mach 'ayc' et'oc? 'oj xchioc. Ax sta'w jun chi 'a 'ixtic: May mach, 'oj xchioc. Yuj cha, ax yaln win b'ab'l chi 'ixtic: Sictac aj 'an, 'ay smay qui b'inan sb'i Jehová, 'oj xchioc.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Ef 5:11

Man̈ eya't e b'a 'a scal jun tzo'n̈ tas tzlaj sb'o eb' q'uic'q'uinl to yaj spixan, yujto a jun tzo'n̈ tas tzlaj sb'o eb', may jac yopiso. Yel xo wach' tzeyal-li, tze ch'oxli, to may yel'ch jun tzo'n̈ cha.

Josué 5:9

Yuj cha, xyaln Jehová 'a Josué 'ixtic: A yuj jun circuncisión tic, 'ix wij can 'el sb'uchwal paxti eb' 'aj Egipto 'a eyib'an̈, xchi. Ax jun lugar cha, 'ix scuchn can Gilgal.

Josué 7:2

A yic 'ayc' Josué yet' eb' yit chon̈b' 'a Jericó, 'ix schecn 'at jaywn̈ eb' winc smaclc yil chon̈b' Hai, jun 'ay 'a stojlal 'aj tzq'uel c'u 'a chon̈b' Bet-el, 'a sla'nil pax chon̈b' Bet-avén. 'Ix yaln 'a ewinac, to tz'atq'ue ewin smaclc yil jun lugar cha. Yuj cha, 'ix 'at ewinac.