Os 3:4 - Chuj San Sebastian Bible

⁴ 'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Chuj San Mateo Bible

⁴ Icha pax chi' chon̈ab' Israel, najtil ol ec' d'a ichn̈ej ta', malaj sreyal, malaj pax yajalil. Man̈xo ol sn̈uslaj silab' d'ayin, man̈xalaj q'uen q'ueen b'aj ol yac' silab' eb' d'a juntzan̈ comon dios. Man̈xalaj pichul yic eb' sacerdote, man̈xalaj comon dios d'a yol spat junjun eb'.

Os 3:4 Iomraidhean Croise

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 31:34

Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

A Ch'an̈ Schab'il Libro Yic Yab'ixal Eb' Rey 23:24

An̈jtona', c'uxn 'ix yac' Josías satl smasnil eb' 'ajchum, eb' tzc'umn spixn eb' chamnac, eb' comn dios 'ay 'a yoltc n̈a, yet' pax smasnil jun tzo'n̈ to yajb'il yuj Jehová 'ay 'a Judá yet' 'a Jerusalén. 'Ixta xyutj yiclni jun tzo'n̈ ley tz'ib'b'il can 'a ch'an̈ libro 'ix 'ilchj yuj Hilcías ya'mal 'och sti eb' 'anma 'a Dios 'a yatut Jehová.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Ex 28:4

A te pichl 'oj sb'o eb' cha, atn eb' te tic: Te smacl sn̈i sc'ojol, te camx efod sb'i 'icha chaleco, te spotl to jucan, te sc'oxl sjolom yet' te sjal-l yic snan̈al. Tzb'o jun tzo'n̈ pichl chi yet' te ch'al to nab'a lino, wach' pax tz'ajch yelwnub'al. 'Ixta wal 'oj 'aj sb'o spichl o'tac Aarón yet' eb' yunnal, yujto 'oj 'och eb' ya'malc 'och sti eb' 'anma 'ayin.

Ex 28:6

A te camx 'icha chaleco cha, oro tz'aj te', tz'och te q'uic'mucnac ch'al 'a te', te púrpura, te chac yet' te lino ch'umb'il, wach' tz'ajch yelwnub'al.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Ez 19:14

A eb' te sc'ab' cha, 'aych can c'ac' 'a eb' te', yuj cha, a yic tzcob' wolnc te', ax jun c'ac' chi tzn̈usn pax te swol chi yet' te sat cha. Man̈x 'a te sc'ab' chi wach' yoch sc'occhoc eb' rey, xa chi, xchi Dios 'ayn an Ezequiel in tic. (A jun b'it tic, yic cusc'ojlal. A yic 'ay cusc'ojlal ata smoj sb'itnaxi.)

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 12:11

A yic 'oj macxoc 'och wan yajx xajmb'al tz'ajx 'a junjn c'u, yet' 'a yic 'oj 'ajxoc 'och tas yajb'il yuj Dios 'a yol scajnub' yic tzjun 'eli, 'ixta to b'i'an, ax yel yich 1,290 c'ual.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Os 13:10

Ax tic, e c'anjnac e reyal, yet' eb' tzex jucb'tzani, palta ¿tom a eb' tztac' stan̈wni e chon̈b' tic?

Os 13:11

Caw 'ay cot wowl 'ayex yic xwa'n eb' e reyl cha, an̈jtona', 'ay cot wowl 'ayex, yic xwi'n 'el ewin 'a yopiso.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Lv 8:7

'Ix ya'n 'och spichl Aarón, sb'on 'och sjal-l snan̈al, xya'n 'och sjucn pichul, xya'n 'och te scamx chaleco, sjaln 'och yet' sjal-l snan̈al. Atn te tz'isb'il 'och yelwnub'al.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Jn 19:15

Palta 'ix laj 'awj pax chan̈ eb' jun 'ejm xo: —Cham cab' winac. 'Och cab' win 'a spenc sulus, xchi pax eb'. —¿Tom tzwa'ch jun e reyl tic 'a spenc culs cha? xchi win 'a eb'. Ax ewin sat ya'mal 'och sti eb' 'a Dios, 'ix ta'w pax ewin 'ixtic: —An̈ tic on̈, cojn win yajl 'a Roma qui reyl on̈, may junc xo, xchi ewinac.

A Ch'an̈ Carta D'a Eb' Hebreo 10:26

A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

Jueces 18:14

Ax eb' own̈ xit'nc 'ilj lum chi 'a yol yic Lais, 'ix yaln eb' 'a eb' yitb'eym chi 'ixtic: —Sictac tzex 'aji, 'ab'ec, a 'a yojl jun n̈a tic, ata 'ay jun chaleco, yet' jun tzo'n̈ yechl comn dios, yet' pax jun yechl tzeyb'il 'aych plata 'a 'a. ¿Tas 'oj cutquec qui b'a yet' tze na'a? xchi eb'.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.

A Ch'an̈ B'ab'el Libro Samuel 14:3

A pax ta ajun win Ahías ya'mal 'och sti eb' 'anma 'a Dios, yet' win te spichl yic yopiso cha. A win Ahías cha yunnal win Ahitob yu'tac Icabod, win yunnal Finees yixchicn can Elí, win ya'mal 'och sti eb' 'anma 'a Dios 'a Silo 'a pecti'. Ax eb' 'anma ajun yet' Saúl cha, man̈ yojcoc eb' toto a Jonatán tox 'ix 'ati.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.

A Ch'an̈ B'ab'el Libro Samuel 21:9

—'Ayc' q'uen yespada win Goliat 'ayin, win filisteo a'jnac ganar a miln cham 'a lum span̈nil Ela. Yaj q'uen 'a spatc 'och te chaleco cha, pichn 'och q'uen 'a yojl jun te nip. A jun cha, tztac' e'ni, toto tza nib'j ec', al jun tzo'n̈ocx yamc'ab' yic owal, may tas 'ayc' 'ayin, xchi Ahimelec. —¡A jun cha yelxo wach'! 'Ac' jun chi 'ayin, xchi David.

A Ch'an̈ B'ab'el Libro Samuel 22:18

Yuj cha, xyaln win rey chi 'ixtc 'a Doeg win edomita: —Mil cham ewin ach tic, xchi winac. Yuj cha, syamn 'och win Doeg smiln cham eb'. A wal 'a yic jun c'u cha, 'ay 85 sb'isl eb' winc smil cham winac, atn eb' tz'a'n 'och te pichl chaleco to nab'a lino.

A Ch'an̈ B'ab'el Libro Samuel 23:6

A Abiatar yunnal Ahimelec, win x'at 'eloc, 'ix c'och yet' David 'a chon̈b' Keila, yet' win jun camx chaleco.

A Ch'an̈ B'ab'el Libro Samuel 23:9

'Ix yojquej 'el David chajtlto 'a Saúl wan sc'och yac' owl yet'oc. 'Ix yaln 'a win Abiatar ya'mal 'och sti eb' 'anma' 'a Dios, to tzyij cot win te camx chaleco yic tzc'anb'n eb' 'a Jehová.

A Ch'an̈ B'ab'el Libro Samuel 30:7

'Ix yaln 'ixtc 'a win ya'mal 'och sti eb' 'anma 'a Dios, atn Abiatar yunnal Ahimelec: —Tzin tew wal 'ayach, 'ij cot te camx chaleco 'ayin, xchi 'a 'a. 'Ix yi'n cot Abiatar te 'a David cha.