Os 2:9 - Chuj San Sebastian Bible

⁹ Yuj cha, 'oj in mol chan̈ in trigo, yet' yal wuva 'a 'icha stiempoal sq'ue wa'an; ax wi'n pax 'ec' lana, yet' te lino, atn te tz'och spichloc.

Chuj San Mateo Bible

⁹ Yuj chi' ol viq'uec' ixim in trigo yed' in vino, ol vic'anpaxec' noc' in lana yed' in lino tz'och spichuloc eb'.

Os 2:9 Iomraidhean Croise

Ez 16:27

Yuj wal cha xcot wowal, xwa'n 'och syailal, xwi'n 'emt yoc tas tzc'uxu, xwa'n 'a yol sc'ab' eb' 'ix filistea, eb' 'ajc'ojl yajch 'a 'a. Caw wal tzq'uixw eb' 'ix yiln 'och sb'eyb'al.

Ez 16:39

'Oj wac' 'a yol sc'ab' eb' 'anma cha, ax sma'n lan̈chjoc eb' jun tzo'n̈ mantiado sb'o 'aj tz'och 'emmquilal 'a jun tzo'n̈ comn dios 'a tzalctac, ax sma'n poj eb' jun tzo'n̈ yet'l 'aj xlaj sb'o 'ajmulal cha. 'Oj yi'c eb' spichl wach' yilxi, yet' jun tzo'n̈ q'uen wach' yilx xwa'ch 'a 'a, ax sjitn can 'el eb'.

Ez 23:26

'Oj yi'l eb' a pichul, ax sto'n 'ec' eb' jun tzo'n̈ q'uen wach' yilx 'aych 'ayach.

Dn 11:13

A yic 'oj 'ec' jaye'oc ab'il, ax win rey 'ay 'a norte cha, 'oj smolb'tzoc eb' soldado jun 'ejm xo, 'ec'b'al xo 'oj 'aj sb'isl eb' 'a 'icha yic b'ab'el, ax s'atx yac' owl yet' jun rey 'ay 'a sur cha, caw niwn xo soldado ajun yet'oc, yet'n̈j eb' syamc'ab' yic owl smasnil.

Os 2:3

Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Os 9:2

Yuj cha, man̈x 'a e trigo yet' yal eyuva 'oj e molo'. A yalil te 'ac' uva 'oj yac'a', man̈x 'oj yab' 'ayex.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Sofonías 1:13

Yuj cha, a smasnil sricoal eb', 'oj 'ijxoc 'eq'ui, ax sma'x lan̈chjoc can yatut eb'. 'Oj cob' sb'o chan̈ eb' yatut, palta man̈xtoc a eb' 'oj cajnoc. 'Ojt cob' yawc eb' te uva, palta man̈xtoc a eb' 'oj 'u'nc yalil te', xchi Dios.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.