Os 2:7 - Chuj San Sebastian Bible

⁷ 'Oj 'och tza'n cob' yuj eb' nib'b'il yuj cha, palta ma'oj yamchjoc eb' yu'uj. 'Oj cob' sayc' eb', palta ma'oj 'ilchjoc eb' yu'uj. Yuj cha, ax yaln 'ixtic: 'Oj in meltzj pax 'a win wichmil wijnac 'a b'ab'el, yujto wach' to waj yet' win 'a yib'n̈ pax 'icha waj ticnec, 'oj schic e nun cha.

Chuj San Mateo Bible

⁷ Ol b'at tzac'an ix d'a spatic mach snib'ej chi', palta man̈ ol yamchaj yuj ix. Ol sayec' ix, palta man̈xo ol ilchaj yuj ix. Yuj chi' ol yalan ix icha tic: Ol in meltzaj d'a vin̈ vic'nac d'a sb'ab'elal. Vach'taxon vaj yed' vin̈ d'a yichan̈ icha ticnaic, xcham ix, xin chi d'a eb'.

Os 2:7 Iomraidhean Croise

2 Cr 28:23

'Ix yac' xajmb'al 'a jun tzo'n̈ scomn diosal eb' 'aj Damasco, yujto x'ajx ganar yuj eb'. Xyaln cob' 'ixtic: A jun tzo'n̈ sdiosal eb' sirio tzcolwj 'a eb' sreyal, an̈jtona 'in, 'oj wac' in xajmb'al 'a jun tzo'n̈ sdiosal eb' cha, sec wach' 'oj colwjc pax eb' 'ayin, xchi Acaz. 'Ixtnta x'aj swach' cot 'a yib'n̈ yet' smasnil eb' yit chon̈ab'.

Salmos 116:7

A ticnec b'i'an, tzalj in c'ojl tzwab'i, yujto wach' snab'en Jehová 'ayin,

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 31:18

'Ix wab' wal sc'acw eb' 'aj Efraín yuj cusc'ojlal, tzyaln eb' 'ixtic: An̈ tic on̈, on̈ a cuy 'icha tz'aj scuyx junc no quelm wacx man̈ yojcoc smunlji, on̈ c'ay o'oj. 'Ij on̈ meltzjoc et'oc, scha cab' a c'ojl tzon̈ meltzji, yujto ach tic, Jehová qui Diosal ach.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Ez 16:18

A te pichl tz'ib'quintac yilx cha, a te 'ix ya'ch spichloc eb', ax aceite yet' incienso to wic yaji, a sb'achch 'a yojltac eb'.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Ez 23:12

An̈jtona', xya'ch sb'a 'ix 'a yol sc'ab' eb' 'aj Asiria cha, caw wach' yilx eb' yet' spichul. 'Ay eb' gobernador, 'ay scapitan̈il eb' soldado, 'a'm owl eb' smasnil, nib'jub'tac pax yilx eb', 'ay q'ue eb' 'a yib'n̈ chej smasnil.

Ez 23:22

Yuj cha, an Jehová Yajl in, an tzwal 'aych 'ixtic: A wal eb' xa nib'j 'och cha, ax ticnec xyoch'b' eb' o'oj, an 'oj wa'ch eb' 'ajc'ojlal 'ayach,

Ez 23:4

A 'ix b'ab'el, Ahola sb'i 'ix, tzyal 'el'chi, atn chon̈b' Samaria; ax 'ix schab'il, Aholiba sb'i 'ix, tzyal 'el'chi, atn chon̈b' Jerusalén. 'Ix wica'an eb', 'ix laj 'alj wunnal yet' eb' 'ix.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 2:16

An Jehová in, an tzwala: To a 'a yic jun c'ul cha, a chon̈b' Israel 'oj in yalx sDiosaloc, ax 'a eb' yechl Baal cha, man̈x junc eb' 'oj yalch syajliloc.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.