Os 2:5 - Chuj San Sebastian Bible

⁵ A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Chuj San Mateo Bible

⁵ A ix e nun chi', ix och ix ajmulal. Ix ixtaxel svach'ilal ix ayic ix yalan ix icha tic: Ol b'at in say mach nib'ab'il vuuj, mach tz'ac'an in vael yed' tas svuq'uej, mach tz'ac'an in lana yed' in lino, in perfume yed' in vino, xchi ix.

Os 2:5 Iomraidhean Croise

Is 1:21

Ex 'aj Jerusalén, caw te'n eyaj 'a yic yalan̈, palta ax ticnec, 'icha wal junc 'ix 'ajmul 'ix, 'ixta ex 'ajcn 'a in sat. Caw wach' e b'eyb'al 'a pecti cha, tojl e nab'en, palta ax ticnec, milm ex cham 'anma'.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

Jeremías 6:8

B'oc e b'eyb'al ex 'aj Jerusalén, sec wach' ma'oj wi'l in nab'en 'ayex, to ma'ay, 'oj wa'cn 'och e lum 'a cusltaquil. Man̈x 'a junc mach 'oj cajnoc, xchi Dios.

Ez 16:35

Yuj cha, an Jehová Yajl in, an tzwal 'ixtc yuj 'ix 'ajmul 'ix cha:

Ez 16:39

'Oj wac' 'a yol sc'ab' eb' 'anma cha, ax sma'n lan̈chjoc eb' jun tzo'n̈ mantiado sb'o 'aj tz'och 'emmquilal 'a jun tzo'n̈ comn dios 'a tzalctac, ax sma'n poj eb' jun tzo'n̈ yet'l 'aj xlaj sb'o 'ajmulal cha. 'Oj yi'c eb' spichl wach' yilxi, yet' jun tzo'n̈ q'uen wach' yilx xwa'ch 'a 'a, ax sjitn can 'el eb'.

Ez 16:4

A yic yalj cha, ma'ix lot'x 'el smuxuc', may mach xb'icn 'eli, may mach x'a'n 'och 'atz'm 'a 'a, ma'ix 'ajx 'och spichul.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Os 2:8

Yuj sb'eyb'al eb' wit israelal cha, yuj cha xyaln Jehová 'ixtic: Ma'ix yojquej 'el jun chon̈b' tic, toto an tzwac' strigo, yal yuva, yet' yaceite, an xwac' niwtjoc q'uen plata yet' q'uen oro 'a 'a, ax 'ix 'at comn 'a'nc q'uen 'a Baal.

Os 3:1

'Ix yaln pax Jehová 'ixtc 'ayn an Oseas in tic: A ticnec, chamc'ojlej pax 'ix estzil, wach'xam sb'o 'ix 'ajmulal yet' eb' winc sc'umej. Palta to a 'ix tzwa'ch ch'oxnb'ilal 'a eb' et israelal, wach'xam xya'ch eb' israel snab'en 'a jun tzo'n̈ comn dios, xlaj yi'n 'at eb' te tacn̈ sat uva ofrendail 'a jun tzo'n̈ comn dios cha, palta 'oj in chamc'ojloc pax eb', xchi Dios 'ayin.

Os 4:5

Yuj wal cha, ax tic, c'ul wal 'oj e telwi. Ax eb' in checab', a 'a 'ac'wl 'oj telwc eb' eyet'oc. An 'oj in satl chon̈b' Israel, atn jun 'icha e nun yaji.

Os 8:9

Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Am 8:13

A wal eb' 'ix cob'stac 'ix caw wal wach' yilxi, yet' eb' quelmtac winc caw 'aych 'a ste'nal, 'oj 'el yip eb' yuj tacn̈til 'a jun c'ul cha.

Jueces 16:23

Ax eb' syajlil eb' filisteo cha, 'ix syam sb'a eb' 'a tzaljc'ojlal, yujto xyac' ganar eb'. 'Ix ya'n eb' xajmb'al 'a sdiosal Dagón sb'i. 'Ix b'itn eb' 'a 'ixtic: A qui diosal tic, a 'ix 'a'n 'och jun 'ajc'ojl Sansón tic 'a yol qui c'ab', xchi eb'.