Os 2:3 - Chuj San Sebastian Bible

³ Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Chuj San Mateo Bible

³ Tato an̈eja' sc'ulan ix icha chi', ol vac' q'uixvelal ix, ol viq'uel spichul ix, ol can b'eran ix icha yic ix alji. Ichaval taquin̈ lum ol ajcan ix vuuj, ol champax ix yuj taquin̈tial.

Os 2:3 Iomraidhean Croise

Ex 17:3

Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

Is 33:9

Caw wal xcus chan̈ lum lu'um, xjuw yilx lum Líbano, xq'uixw can 'el lu'um, yujto c'uxn xicx chan̈ ste'al. Ax lum pan̈n Sarón, 'ix 'ochcn lum cusltac lumal, 'ixta pax lum Basán yet' lum switzl Carmelo, caw wal x'elcn jitn eb' lu'um.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Is 64:10

A jun tzo'n̈ chon̈b' to ec yaj tic, 'ix can eb' 'a sictaquil. A chon̈b' Jerusalén, 'ix lajw 'ejmi, man̈x 'a mach cajn 'a 'a.

Jeremías 12:10

Til wal eb' syajlil eb' 'ajc'ojl xwul satnc 'el in chon̈ab', 'icha to satl eb' te wawb'en uva 'awb'il wu'uj. Ste'wtan̈j eb' lum lum 'aj tzb'o in munljel. A lum lum caw wal nib'b'il wu'uj, caw wal cusltac x'ajcn lum yuj eb'.

Jeremías 13:22

Toto tze c'anb'ej tas yuj tzjaw jun tic 'a eyib'an̈, nachj cab' 'el eyu'uj, to yuj niwquil e mul, yuj cha, jitn ex 'eli tzex 'eq'ui, caw tzex 'ixtxi.

Jeremías 13:26

An̈jtona pax an tic, 'oj wi'l e pichul, caw 'oj wac' e q'uixwloc.

Jeremías 14:3

A eb' rico, tzcob' schecb't eb' smoso 'at yic ya'al, tz'at eb' 'at yil a 'a yojl jun tzo'n̈ niwc xab', palta may a tz'ilchj yuj eb', yuj cha, tzmeltzj eb' yet' sch'ub' to may a 'a yojol. Caw tzmac eb' sat yec' yuj q'uixwc'ojlal.

Jeremías 17:6

A eb' cha, lajn wal eb' 'icha te q'uix 'ay 'a cusltac lu'um, may 'aj tzya'ilx te jab'oc. Tzq'uib' te 'a scal q'ue'en, 'a sat lum lum to 'ay 'atz'm 'a sat, 'a 'ajtil may mach cajn 'eq'ui.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 2:6

Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.

Jeremías 22:6

'Ix yaln Jehová 'ixtic: A sdespacho win sreyl Judá, lajn yilx 'a in sat 'icha swach'l yilx lum Galaad, 'icha pax jolm witz Líbano. Palta tzwa'cn in ti', to 'oj wa'cn 'och 'a cusltac lumal. Man̈x 'a mach 'oj can cajn 'a jun despacho tic.

Jeremías 4:26

'Ix wiln pax te 'awb'ente 'awb'il, cusltac xoj yilx 'aj 'ayc' te cha, ax smasnil jun tzo'n̈ chon̈ab', c'uxn 'ix lan̈chj can 'ejmi. Yuj yowl sc'ojl Jehová, yuj cha, 'ixta 'ix 'aji.

Jeremías 51:43

Caw cusltac 'oj 'ajcn yol schon̈ab', tacn̈ lum 'oj 'ajcni, man̈x 'a mach 'oj cajnoc, man̈x 'a pax mach 'oj b'eyc'oc 'a sat.

Jeremías 51:5

Wach'xam a eb' 'aj Israel yet' eb' 'aj Judá, caw 'ix 'och smul eb' 'ayin, palta an̈ja mantzac wij 'el in c'ojl 'a eb' an Jehová in, tztac' wuj smasnil, sDiosal in eb', to Cojxn̈ in.

Ez 16:22

Yuj yajmulal yet' tas yajb'entac sb'o'o, yuj cha, man̈xtzac sna cot tas 'ajnc scot 'a yune'al, matz na coti toto jitn 'eli, yic 'ayt 'ec' 'a scal schiq'uil. 'Icha junc 'ix 'ix cha, 'ixta yaj Jerusalén 'a in sat.

Ez 19:13

Ax ticnec, ata xcob' 'awxc pax te 'a lum cusltac lu'um, 'a 'aj may xon a a'.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Apoc 17:16

Ax lajn̈e ch'ac 'ix ela, yet' jun noc' sb'i cha, 'oj meltzjc 'och eb' 'a jun 'ix 'ajmul 'ix cha. 'Oj yi'c eb' jantcn̈ej tas 'ay 'a 'ix. Caw 'oj 'elcn jitn 'ix. Ax schin pax eb' schib'jal 'ix, ax sn̈usn pax tz'a eb'.

Jueces 15:18

Ax Sansón, caw wal 'ay stacn̈ti'al, 'ix 'awj 'a Jehová, 'ix yaln 'ixtic: —Ach 'ix ac' wip yic xwa'n ganar eb'. ¿Palta tom 'oj in a cha cham yuj tacn̈ti'al, ax sjapx jun tzo'n̈ chuc chon̈b'al in yixtoc? xchi.