Os 2:18 - Chuj San Sebastian Bible

¹⁸ A 'a jun tiempoal cha, 'oj wac' in trato yet' e no calte'al noc' yuj swach'loc eb' in chon̈ab', e no ch'ic, yet' e no chan, sec man̈x 'a 'oj yutc e no eb', ax wi'n 'el jun tzo'n̈ jul-lab' 'a jun nacion̈ tic, atn lanza, yet' espada yic owal, sec 'oj 'iljoc eb' in chon̈b' tic 'a tzaljc'ojlal.

Chuj San Mateo Bible

¹⁸ A d'a jun c'ual chi', ol vac' in trato yed' noc' caltacte'al noc', noc' much yed' noc' chan, yic man̈xalaj tas ol utaj yuj noc'. D'a juneln̈ej ol vic'canel q'uen lanza d'a jun chon̈ab' tic yed' juntzan̈xo yamc'ab' yic oval, yic vach' ol yic' yip in chon̈ab' tic, man̈xa tas ol sna'a.

Os 2:18 Iomraidhean Croise

Job 5:22

A yic 'oj jawc wejel, owal mto yic 'oj jawc no chiwjum noc', ma'oj a xiw yuj jun tzo'n̈ cha.

Job 5:23

A 'a scal a munljel, may q'uen q'uen 'oj extni; ax e no calte'al noc', may 'oj yutc e no' a munljel cha, ma'oj ac' 'owl yet' e no'.

Salmos 148:10

no cajb'en noc', no calte'al noc', no ch'ic yet' no tzjuc sb'a 'a sat lu'um,

Salmos 23:2

'Icha junc 'ilm calnelu tzyac' 'iljoc scalnelu 'a junc 'a'lic 'ay syaxil sat, tzyi'n 'at e no 'a 'aj caw wach' sb'ey lab'b'oc a a', 'ixta waj o'oj.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 32:18

Ex wit chon̈ab', wach'xam 'oj laj lo'chjoc eb' te niwc te yuj q'uen sacb'at 'oj 'ejmoc, ax satl jun tzo'n̈ chon̈b' yu'uj, ax xo tic 'oj e can cajn 'a junc'ojlal, 'oj eyac' tzaljoc e c'ojl eyilj 'a eyatut.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 39:1

Ach 'anma', al 'a win Gog to an Jehová in, an tzwal 'ixtic: Ach Gog, yajl cob' aj 'a Mesec yet' 'a Tubal, tzwal ab'i', to 'ajc'ojl xo wajch 'ayach.

Zacarías 14:4

A wal 'a yic jun c'ul cha, 'oj 'em te'n yoc Jehová 'a yib'n̈ lum tzaln Olivo 'ay 'a yojltac 'at Jerusalén, 'a stojlal 'aj tzq'uel c'u. 'Oj jat snan̈l jun tzaln cha, ax yochcn niwn pan̈nil, tzchaj cot 'a stojlal 'aj tzq'uel c'u, masnto tzc'och 'a stojlal 'aj tz'em c'u. Spacl jun tzaln chi 'oj 'atcn 'a stojlal norte, ax junx spacul, ata 'oj 'atcn 'a stojlal sur.

Zacarías 14:9

A 'a yic jun c'ul cha, cojxn̈ej Jehová 'oj yac' Yajlil 'a yib'n̈ smasnil yolyib'n̈q'uinal, cojxn̈ej ton Dios. A Dios, Jehová sb'i, cojxn̈ej 'oj b'inaxoc.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Zacarías 3:10

A wal yic 'oj jawc jun c'ul cha, ax tic, junjn ex 'oj eyawtc cot e b'a. 'Oj eyilj 'a yen̈l yich e uva yet' e higo. An Jehová in, tztac' wuj smasnil, an tzwal jun tic, xchi Dios, xchi jun ángel cha.

Zacarías 9:10

A 'oj 'a'nc lajwc 'el scaruaje eb' yic Efraín, yet' schej eb' 'aj Jerusalén, atn no tz'at 'a owal, yet' syamc'ab' eb' yic owal. A jun rey chi 'oj alnc 'el junc'ojlal 'a smasnil nacion̈, ax ya'n yajlil 'a jun sti a mar, masnto 'a junx sti a', tzchaj 'at 'a sti a Éufrates, masnto 'aj tzlajw c'och sti lum lu'um.