Os 2:14 - Chuj San Sebastian Bible

¹⁴ Wach'xam 'ixta xyutj sb'a chon̈b' Israel, palta 'oj in montc paxi, ax wi'n 'at 'a lum cusltac lum jun 'ejm xo. Ata 'oj wal wach' paxti 'a 'a.

Chuj San Mateo Bible

¹⁴ Vach'chom icha chi' ix sc'ulej chon̈ab' Israel tic, palta ol in montej, ol vic'anxib'at d'a tz'inan luum. Ata' ol val vach' lolonel d'ay.

Os 2:14 Iomraidhean Croise

Gn 34:3

Caw wal xcan snab'en win 'a 'ix, yuj cha, xpaxtin win 'a 'ix yet' schamc'ojlal.

Job 36:16

'Ixta ach yutj ach tic, ach scoln 'el 'a tas 'ay smay, 'ix ya'n smasnil tas 'a yol a c'ab', 'ix cot wal ch'ucn tas wach' sc'uxx 'a sat a mexa.

Cantares 1:4

'Ij in 'at 'a atut ach rey, c'olep, con̈ muc'uc, xchi 'ix. Caw 'oj cac' tzaljoc qui c'ojl et'oc; 'oj qui na cot a chamc'ojlal cha, yujto 'ec'b'al swach'l 'a yib'n̈ te yal uva. 'Into yuj cha, tzach snib'n eb' 'ix 'ix tic, xchi eb'.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Jeremías 16:14

Palta an Jehová in, an tzwala: A ticnec, a yic tzlocn eb' 'anma in b'i, tzyal eb' 'ixtic: Wal 'a sb'i Jehová 'ix 'i'n 'elt eb' israel 'a Egipto, xchi eb'.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Ez 20:10

An xwij 'elt eb' 'a jun nacion̈ cha, 'ix wi'n cot eb' 'a lum cusltac lu'um.

Ez 20:33

An Jehová in, an tzwa'cn in ti', to 'oj jawc yowl in c'ojl 'a eyib'an̈, yet' in poder ax wa'n 'och eyailal niwquil.

Os 2:3

Toto ma'oj sb'o 'icha tzwal tic, 'oj wi'l sq'uixwel, 'oj in jitcn 'eli, 'icha yajl jitan yic yalji. 'Icha pax lum tacn̈ lu'um, 'ixta 'oj wutc cani, ax scham yuj tacn̈ti'al.

Miqueas 1:7

Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

Miqueas 4:10

Ex 'aj chon̈b' Sión, 'el cab' eyaw yuj yailal, yujto 'icha cab' yab'n junc 'ix 'ix syail yic tz'alj yune', 'ixta cab' eyab'n syail. 'Oj eyel 'a yol e chon̈b' tic, axta 'oj e c'och cajn 'a caltcte', masnto 'oj e c'och 'a Babilonia. Ax Jehová, a 'oj e coln 'el 'a yol sc'ab' eb' 'ajc'ojl yajch 'ayex.

Jn 12:32

Aln tic, a yic 'oj wajx q'ue'i, 'oj wi' cot smasnil 'anma 'ayin, xchi Jesús.

Jn 6:44

A 'in Mam checjnacn coti. May junc mach tztac' scomn jaw 'ayin, yic tzchan sq'uinal, toto man̈oc in Mam tz'i'n cot 'ayin. A eb' tzjaw 'ayn cha, 'oj wac' pitzwc pax chan̈ eb' 'a slajb' c'ual.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

Apoc 12:6

Ax jun 'ix cha, x'at 'elc 'a cusltac lu'um. Ata 'ay jun yet'l b'ob'ilx yuj Dios, 1,260 c'u 'ix 'ajx wa ta'.

Jueces 19:3

'ix 'at win yichmil 'ix chi smontc pax jun 'ejm xo, sec tzcotx 'ix yet'oc. 'Ix yij 'at win jun schecab', yet' chawn̈ no b'uru, schaj 'ix sc'och win 'a yatut smam cha.