Os 2:12 - Chuj San Sebastian Bible

¹² Ax wa'n sat 'ejm te uva yet' te higo, atn jun tzo'n̈ tzyal yuj 'ixtic: Atn jun tzo'n̈ tic, in tojl ya'jnac eb' tzin nib'ni, xchi. A jun tzo'n̈ yawb'en cha, 'oj wa'cn 'at 'a scal c'ultac, axn̈ej no calte'al noc' 'oj lonc sat.

Chuj San Mateo Bible

¹² A eb' israel ix alani: A juntzan̈ comon dios ix ac'an sat te' uva yed' te' higo stojoloc b'aj ix caq'uem co b'a, xchi eb'. Yuj chi' a in Jehová in ol in satel juntzan̈ te' uva yed' te' higo chi'. A b'aj avab'il chi' ol vac'och vayumtaquil, axo noc' caltacte'al noc' ol ab'lanb'at avb'en chi'.

Os 2:12 Iomraidhean Croise

Salmos 80:12

¿Tas pax yuj 'ix ej can 'el scol-lal te'? Ax tz'aji a eb' b'eymal 'anma tzlaj ch'inn sat te'.

Is 29:17

Jab'xoj wal tiempo ax yoch eb' lum yaxc'ultc yic Líbano 'awlanb'il, ax eb' lum 'awlanb' cha, 'oj 'ochx can eb' lum yaxc'ultcal.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 7:23

A junc lum 'aj 'awb'il junc mil 'ib'n̈ uva, jun mil tumn plata stojl 'a yic pecti', ax 'oj 'ajoc, a 'a jun tiempoal cha, 'oj satl jun 'awb'ente cha, 'oj q'uib'x chan̈ sc'ultcal, nab'a q'uix 'oj 'ajx cani.

Jeremías 13:26

An̈jtona pax an tic, 'oj wi'l e pichul, caw 'oj wac' e q'uixwloc.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Jeremías 8:13

Tzyaln pax Jehová 'ixtic: 'Oj wi'l eb' in chon̈b' tic 'icha tz'aj spolx 'el 'ixm trigo, yujto lajn eb' 'icha junc te snun uva, mto 'icha junc te snun higo may sat, wan stacj pax 'el xi'il, 'ixta 'eb'. Yuj cha, a tas wa'jnac 'a eb', 'oj can 'a yol sc'ab' jun tzo'n̈ chuc chon̈b'al, xchi.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Os 2:5

A e nun tic, xya'ch sb'a 'ajmulal. 'Ix yixtj 'el sb'a, yuj cha yaln 'ixtic: 'Oj 'at in sayc' eb' nib'b'il wu'uj, atn eb' tz'a'n tas tzin c'uxu, yet' tas tzwuq'uej, eb' tz'a'n in lana, yet' in lino, tzya'n pax eb' waceite yet' yal wuva, xchi.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.