Os 14:9 - Chuj San Sebastian Bible

⁹ A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Chuj San Mateo Bible

⁹ A eb' jelan yed' eb' aj pensar ol nachajel juntzan̈ in lolonel tic yuj eb'. A sb'e Jehová, te tojol. A eb' vach' spensar, a eb' sb'at d'a yol jun b'e chi', axo eb' te pit, stelvi eb' d'ay.

Os 14:9 Iomraidhean Croise

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Salmos 107:43

A eb' jeln snab'en, smolcn cab' eb' jun tzo'n̈ tic 'a snab'en, sec 'oj yojcoc 'el eb' to caw niwn schamc'ojlal Jehová 'a eb'.

Salmos 119:128

Tzin b'eylb'ej jun tzo'n̈ a checnb'il tic, ax smasnil b'eyb'al to man̈ yeloc, xin yajcn 'el eb'.

Salmos 119:75

Wojc wal si'mb'il, to a jun tzo'n̈ a ley tic caw tojl eb', yujto 'ay wal yel'chi, yuj cha, tzin a'n 'och 'a in yailal.

Salmos 84:5

Caw wach' yic eb' to yipc'ojlal aj yu'uj, atn eb' tznib'j tzc'och yil q'uin̈ 'a lum tzaln Sión 'aj tz'och 'emmquilal 'ayach.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Pr 10:29

A Jehová, a tztan̈wni eb' wach' tas tzb'o'o, ax eb' tu tas tzb'o'o, tzsatx 'el eb' yu'uj.

Pr 16:21

Toto jeln on̈ec, 'oj alxoc cujec, to 'ay qui nab'enec; yuj qui paxti nib'jub'tac yalxi tzmontchj eb' 'anma cujec.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Is 1:28

palta ax eb' tenmtac, eb' 'ajmul yet' eb' tzin 'actn cani, 'oj cham pax eb'.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

Is 26:7

A sb'eyb'al eb' wach' snab'en, caw tojl toni; Mamin, ach xo tza wach' tojlb'tzej sb'eyb'al eb', 'icha pan̈n 'a'lic 'ixta tzotj can sb'e eb' cha.

Jeremías 29:12

'Oj lajwc cha, ax eyaln e b'a 'ayin, caw 'oj e leslwi 'ayin, ax wab'n pax e lesl cha.

Jeremías 9:12

'Ix waln 'a Jehová 'ixtic: May junc on̈ tznachj 'el cu'uj tas yuj a jun qui chon̈b' tic x'ochcn 'a cusltac lumal. Al 'ayn̈ on̈ tas yuj 'ixta 'ix 'aji, xin chi 'a 'a.

Ez 11:18

'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal.

Ez 18:25

Tecn 'ayx tzeyal 'ixtic: A Dios man̈ tojloc tas tzb'o'o, xe chi. Ex israel, tzcham wal eyab'n tas tzwala, an tic tojln̈ej tas tzin b'o'o, palta to ax man̈ tojloc e b'eyb'al.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Dn 12:10

Yuj jun tzo'n̈ yailal cha, caw niwn 'anma 'oj 'ijxoc 'el smul, 'oj tojlb'oc can snab'en eb', caw wach' oj 'ajcn eb'. Ax eb' maysch'olnil sb'eyb'al, 'oj niwtjoc sb'on eb' maysch'olnil. Toxn ma'oj nachjoc 'el yuj eb' tas wan yuji. Palta ax eb' 'ay snab'en, 'oj nachjoc 'el yuj eb'.

Sofonías 3:5

Palta a Jehová, 'ayc'n̈ej 'a jun chon̈b' cha. Tojln̈ej tas tzb'o'o. May tas tu tzb'o'o. 'A junjn sq'uin̈b'ial tzch'oxn 'el stojlal, ax pax eb' maysch'olnil sb'eyb'al, caw matz q'uixw eb' jab'oc.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Lc 2:34

Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Lc 7:23

A eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Jn 18:37

—¿Tom yel, to ach reych jun? xchi win 'a 'a. —N', reyn ton 'icha tzal tic. An tic, in wulc' 'a yolyib'n̈q'uinl tic, yic tzwul walnc 'el jun tas caw yel. Yuj cha, in 'alji. Jantcn̈ej eb' yic xon jun yel tic, tzya'ch eb' schicn 'a tas tzwala, xchi Jesús.

Jn 8:47

A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

A Tas Sc'ulejnac Eb' Schecab' Jesús Hechos 13:10

'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

Ro 7:12

A jun ley cha, may jac spaltail. An̈jtona', 'ixta pax smasnil jun tzo'n̈ checnb'il 'ay 'a jun ley cha, caw tojol, caw wach'n̈ej.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.