Os 14:3 - Chuj San Sebastian Bible

³ A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Chuj San Mateo Bible

³ A Asiria max yal co coljiel yuuj. ¿Toc val syal pax co colchajel yuj noc' chej? Man̈xo ol caloch juntzan̈ tas sco b'o co diosaloc, yujto an̈ej val d'ayach ach Jehová syic' snivanil sc'ol eb' unin man̈xa smam snun, xe chi.

Os 14:3 Iomraidhean Croise

2 Cr 16:7

A 'a yic jun tiempoal cha, 'ix jaw jun schecb' Dios Hanani sb'i 'a win Asa sreyl Judá, 'ix yaln 'a win 'ixtic: Yujn̈ej to a sreyl Siria 'ix a'ch yipc a c'ojol, man̈oc Jehová qui Diosal, yuj cha, 'ix 'el eb' soldado sreyl Siria 'a yol a c'ab'.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Salmos 146:3

Man̈ eya'ch eb' niwc yajl yipc e c'ojol, yujto 'anman̈ej eb', matz tac' scolwj eb' 'ayex,

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Salmos 33:17

A no chej matz tac' ca'nec 'och no yipc qui c'ojol yic tzca'n ganar owal. Wach'xam caw 'ay yip no', palta matz tac' on̈ scolnec no', yic matz on̈ chamec.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

Is 2:20

A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 30:2

Yajn̈ej tzcob' 'at eb' 'a Egipto, palta toc tzc'anb'j eb' 'ayin. A yipal win rey faraón chi tznib'j eb' tzcolni, tzya'n 'och eb' Egipto chi yipc sc'ojol.

Is 31:1

'Oltac wal ex tz'at e sayc' scolwal Egipto. A eb' soldado yet' schej, yet' scaruaje to caw niwn sb'isul, a chi tzeya'ch yipc e c'ojol, palta matz ex q'ue q'ueln jac 'a Jehová, atn jun Dios To Cojxni.

Is 31:3

A eb' 'aj Egipto 'anman̈ej eb', man̈ diosoc eb', ax schej eb' caw chib'jn̈ej, man̈ espírituoc. A yic tzya'n 'och Jehová eyailal, yajn̈ej tzex 'em yet' eb' cob' tzex coln cha; junn̈j 'oj eyaj e cham yet' eb'.

Is 36:8

Ax ticnec jun, tzwal 'ayex to tze b'o junc e trato yet' win wajlil, atn sreyl Asiria: Q'uinloc tzwac' chab'oc mil no chej 'ayex, ¿tom tz'ilchj eb' soldado tzq'ue 'a yib'n̈ e no eyu'uj?

Jeremías 49:11

Can cab' eb' eyunnal meb'a'il, an 'oj in tan̈wc eb', ax eb' 'ix 'ix chamnc yichmil, tztac' in ya'n 'och eb' 'ix yipc sc'ojol, xchi Dios.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Ez 37:23

Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Os 2:17

Jun 'ejmn̈ej 'oj wi'cn 'el 'a sti sb'inan sb'i eb' Baal cha, man̈x 'a 'oxlajn̈b'a'n̈ 'oj sb'inoc coti.

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Os 5:13

A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Os 8:6

A jun yechl wacx cha, man̈ Diosoc. 'Anma b'ojnac, yuj cha, choc' 'oj 'ajx cani.

Os 8:9

Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Jonás 2:10

Xlajw cha, xya'n Jehová xejc q'uet no chay win Jonás chi 'a sti a mar.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Jn 14:18

An tic, ma'oj ex wactc can e ch'ocoj, 'oj in japx eyet' jun 'ejm xo.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.