Os 11:6 - Chuj San Sebastian Bible

⁶ 'Oj checljoc scopnj q'uen espada 'a yol schon̈b' eb', yuj owal ax laj stelw can 'ejm scuartel eb'. 'Oj lajwc 'ejm eb' yuj tas nab'il yuj eb' 'a mun yol yico'.

Chuj San Mateo Bible

⁶ Ol och oval d'a schon̈ab' eb'. Yuj oval chi' ol em juynaj scuartel eb'. Ol satel eb' yujto ix yac'och sjelanil eb' yipoc sc'ool.

Os 11:6 Iomraidhean Croise

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Salmos 106:43

Til wal 'ejm xcolx eb' oj ach qui Diosal on̈, palta ma'ix chaj eb' yab' tas xala, yuj cha, a smul eb' chi tz'i'n can 'ejmi.

Is 18:5

A yic wan xo spucl snich te uva, tzcheclj can te sat cha, a yic mantzac molx chan̈ sat te 'awb'ente cha, ata 'oj lajwc 'el eb' 'aj Etiopía. 'Icha tz'aj slot'x 'el sc'ab' te snun uva yet' texlex, tzlaj lot'x can 'eli, tzsi'x can monto 'a yet'ul, 'ixta 'oj 'aj eb' 'anma cha.

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 30:1

A Jehová a tzaln 'ixtic: 'Oltac wal eb' 'anma 'e'nc 'a yib'an̈, til wal tas tzna eb' sb'on 'a mun yol yico'. Matz yal eb' wab'i', tzcomn b'on eb' junc strato 'a mun yol yico', palta man̈oc in tzwac' sb'o eb', yuj ton wal cha, caw tzniwtj smul eb' 'a yib'an̈.

Is 9:14

'Icha tzyac' junc no noc' tzu'x 'el sjolom, tzu'x 'el sn̈e, mto 'icha pax tz'aj junc te palma sch'acxi, junn̈j c'u tzu'x chan̈ yet' sc'ab' smasnil. 'Icha junc te cha, 'ixta 'oj yutc Jehová chon̈b' Israel.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Jeremías 50:35

Tzyaln pax Jehová 'ixtic: 'Och cab' owl 'a Babilonia yet' 'a smasnil eb' cajn 'a 'a, yet' 'a eb' yajl yaj 'a scal eb', yet' 'a eb' tzyal jelnal sb'a.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Ez 20:47

Tzalni to an Jehová in an tzwal 'ixtic: An Jehová in, an 'oj wa'ch sc'a'l lum calcte 'ay 'a Neguev, 'oj sn̈us jun c'ac' chi eb' te te yax xi'il yet' eb' te tacn̈ xo. A jun c'ac' cha, ma'oj tupoc, 'oj sn̈us jun c'ac' chi sat eb' 'anma 'ay 'a stojlal sur masnto 'oj c'och 'a eb' 'ay 'a stojlal norte.

Os 10:14

yuj cha, ax sq'ue b'uynjoc smasnil eb' soldado, ax scan jun tzo'n̈ scuartel eb' 'a cusltaquil, 'icha 'ajnc slajw 'el eb' 'aj chon̈b' Bet-arbel yuj win rey Salmán yic yoch owal. Atn yic sma'x ch'iychjoc eb' 'ix nunb'il yet' eb' yune'.

Os 10:6

'Oj 'ijxoc 'at jun yechl swacx eb' chi 'a chon̈b' Asiria, yuj yajx 'a win rey b'inab'il. 'Ixta wal 'oj 'aj sq'uixw can 'el eb' 'aj chon̈b' Efraín. 'Oj q'uixwc pax 'el eb' israel yuj tas tzb'o eb' cha.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Os 4:16

A chon̈b' Israel, caw pit, lajn wal 'icha junc no quelm wacx caw ow. Toto 'ixta', ¿tom 'oj stac' in tan̈wni eb' 'icha junc 'ilm calnelu tztan̈wni wa scalnelu 'a 'aj caw yax te c'ultac?

Os 4:17

A pax eb' chon̈b' yic Efraín, 'ix 'och eb' 'emmquilal 'a jun tzo'n̈ yechel, palta yil sb'a eb'.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Lv 26:31

'Oj in mac' lan̈chjoc can e chon̈b' cha, ax slajw can 'ejm yatut e diosal, man̈x 'a yopiso e xajmb'al to su'q'ui yec' sjab' 'a wojltac.

Lv 26:33

Ax xo tic, 'oj ex in pechcn 'at 'a scal jun tzo'n̈ xo nacion̈, tza'n 'och wespada eyu'uj, ax e 'atcni. A e nacion̈, 'oj 'ochcn waymtaquil, ax e chon̈ab', cusltac xoj yilx 'oj 'ajcn sjuwi.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.

Miqueas 5:11

'Oj in ma'cn lan̈chjoc jun tzo'n̈ e chon̈b' 'ay smuroal yet' pax e cuartel, 'oj lajwc 'ejm 'a jun 'ejmn̈ej.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.

Dt 32:25

A 'a yol caye, 'oj laj can t'ocn yunnal eb' scham yuj q'uen espada. Caw xiwc'ojlaln̈ej ya'jc eb' 'a yol yatut. 'Oj cham ewin quelmtac winac, yet' eb' 'ix cob'stac 'ix, eb' 'ichmtac 'anma', yet' pax eb' 'unn tzat chuwi.