Os 10:15 - Chuj San Sebastian Bible

¹⁵ Yuj wal jun e niwquil mul cha, ax yec' smasnil jun tzo'n̈ chi 'a eyib'n̈ ex 'aj chon̈b' Bet-el. Yuj cha, a win e reyl ax 'aj Israel ex tic, a wal sq'uin̈lb'i 'eli, ax scham winac, xchi Dios.

Chuj San Mateo Bible

¹⁵ Ex aj Betel, icha chi' ol ex utaj yuj jantac e chucal. A vin̈ e reyal ol b'ab'laj cham d'a q'uin̈ib'alil, xchi Jehová.

Os 10:15 Iomraidhean Croise

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Os 10:14

yuj cha, ax sq'ue b'uynjoc smasnil eb' soldado, ax scan jun tzo'n̈ scuartel eb' 'a cusltaquil, 'icha 'ajnc slajw 'el eb' 'aj chon̈b' Bet-arbel yuj win rey Salmán yic yoch owal. Atn yic sma'x ch'iychjoc eb' 'ix nunb'il yet' eb' yune'.

Os 10:3

Yuj cha, ax yaln eb' chon̈b' tic 'ixtic: An̈ tic, may xon cab' qui reyal, 'intax to matz on̈ xiw 'a Jehová. Ax pax junc rey cha, ¿tas to wal tz'och cu'uj? 'oj schic eb'.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 10:7

'Oj sat chan̈ chon̈b' Samaria yet' sreyal, 'icha wal s'at b'achchoc jac swate 'a yib'n̈ a', 'ixta 'oj 'ajoc.

Os 11:1

'Ix yaln pax Dios 'ixtic: A yic 'icha to caw 'unn to jun chon̈b' Israel tic, caw 'ay in chamc'ojlal 'a 'a, 'icha to wunnal yaji. A 'a Egipto, atta 'ix wawtj coti.

Ro 7:13

Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.