Os 10:14 - Chuj San Sebastian Bible

¹⁴ yuj cha, ax sq'ue b'uynjoc smasnil eb' soldado, ax scan jun tzo'n̈ scuartel eb' 'a cusltaquil, 'icha 'ajnc slajw 'el eb' 'aj chon̈b' Bet-arbel yuj win rey Salmán yic yoch owal. Atn yic sma'x ch'iychjoc eb' 'ix nunb'il yet' eb' yune'.

Chuj San Mateo Bible

¹⁴ yuj chi' ol q'ue somnaj masanil eb' soldado chi', ol satel e cuartel icha ix aj satel chon̈ab' Bet-arbel yuj vin̈aj rey Salmán. D'a jun oval chi', ix mac'chaj chojoc eb' ix nunab'il yed' yune'.

Os 10:14 Iomraidhean Croise

Gn 32:11

Tzin tew 'ayach, coln 'el 'a yol sc'ab' ni wu'tac Esaú. Caw wal tzin xiwi, toq'ue tzjaw ni wul smil cham eb' 'ix 'ix yet' eb' yune tic.

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

A Ch'an̈ Schab'il Libro Yic Yab'ixal Eb' Rey 17:3

A yic 'aych win Oseas reyal 'ix ya'n win Salmanasar sreyl chon̈b' Asiria owl yet' eb' israel, yuj cha, 'ix can eb' israel 'a yaln̈ schecnb'il winac yic tzya'n eb' stojlb'al 'a 'a.

A Ch'an̈ Schab'il Libro Yic Yab'ixal Eb' Rey 18:33

¿Toc wal 'ay junc sdiosal jun tzo'n̈ nacion̈ chi 'ix coln 'el slum eb' 'a yol sc'ab' sreyl chon̈b' Asiria?

Is 17:3

A schon̈b' eb' yic Efraín, 'oj can sch'ocoj, man̈x 'a junc chon̈b' 'aych smuroal 'oj canoc. 'Ixta pax Damasco, man̈x yico'oc pax sb'a. A eb' 'aj Siria 'oj to canoc, 'oj q'uixwoc can 'el eb'; an̈jtona eb' israel, man̈x 'a yel'ch 'oj 'ajcn eb'. A Jehová tztac' yuj smasnil, a tzaln jun tzo'n̈ paxti tic.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Jeremías 48:41

A wal jun tzo'n̈ chon̈b' wach' cob' yajch smuroal, caw 'oj 'ejmc yuj eb' 'ajc'ojol. A wal 'a yic jun c'ul cha, a eb' soldado Moab, toxn̈ej 'oj xiwcn chan̈ eb' 'icha junc 'ix 'ix wan yalj yune'.

Os 10:15

Yuj wal jun e niwquil mul cha, ax yec' smasnil jun tzo'n̈ chi 'a eyib'n̈ ex 'aj chon̈b' Bet-el. Yuj cha, a win e reyl ax 'aj Israel ex tic, a wal sq'uin̈lb'i 'eli, ax scham winac, xchi Dios.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Am 3:14

A yic 'oj jawc jun c'u yic 'oj wa'nc 'och yailal 'a yib'n̈ eb' israel yuj jantc smaysch'olnilal eb' tzb'o'o, a yic cha, c'uxn 'oj in ma'cn lan̈chjoc jun tzo'n̈ yet'l xajmb'al eb' 'a Bet-el. A sch'ac jun tzo'n̈ yet'l xajmb'al cha, 'oj ma'xoc 'ejm b'uychjoc 'a sat lu'um.

Am 3:8

Smasnil 'anma tzxiwi, toto tz'el yaw no león. An xo, ¿tom ma'oj wal-l spaxti Jehová Cajlil, toto a tzaln 'ayin?

Am 9:5

A Jehová Cajlil tztac' yuj smasnil, a yic tz'och yamn 'a lum lum tic, yajn̈ej tz'ulb'x 'ejm lu'um, ax eb' cajn 'a sat lu'um, caw tz'oc' eb'. Tzq'ue wan lum 'a cha'an̈, tz'ejm paxi, 'icha tzyac' a Nilo, tzq'ue wa'an, tz'ejm pax a'.

Miqueas 5:11

'Oj in ma'cn lan̈chjoc jun tzo'n̈ e chon̈b' 'ay smuroal yet' pax e cuartel, 'oj lajwc 'ejm 'a jun 'ejmn̈ej.

Nahúm 3:10

Palta jun, a eb' 'aj Tebas, 'ix 'ijx 'at pax eb' 'icha presoal. Ax yunnal eb', xma'x can ch'iychjoc eb' 'a yisquinyoal caye. 'Ix 'ajx 'och suerte 'a yib'n̈ eb' niwc winc 'a scal eb', x'ajx 'och q'uen cadena 'a eb' tzjucb'tzan eb'.

Nahúm 3:12

A smasnil e cuartel, lajn xoj 'icha sat te higo caw 'ec'm xo, c'un xoj scot c'otljoc. Toto 'ay mach tzicb'tan̈n te snun cha, tojl xoj scot te sat cha.

Habacuc 1:10

Ton̈j tzb'uchwj eb' 'a eb' rey yet' 'a eb' 'anma to niwn yel'ch yalni. Ton̈j tzewj eb' yuj jun tzo'n̈ chon̈b' 'aych smuroal. Tzlaj yi' cot eb' lum lu'um yic tzb'on chan̈ eb' ste'nub'oc 'a spatc 'el muro cha. 'Ixta tz'aj yem junc chon̈b' chi yuj eb'.