Os 10:13 - Chuj San Sebastian Bible

¹³ Palta ax eb' cojn maysch'olnilal xlaj sb'o'. Tox 'ix schaj eb' spac yujto man̈ tojloc xyutj sb'a eb'. Wan schan eb' spac yuj ya'm 'esal. Yujto xcob' ya'ch eb' yipc sc'ojl jun tzo'n̈ scaruaje yic owal yet' pax eb' soldado eb' caw niwn sb'isul,

Chuj San Mateo Bible

¹³ Palta a ex xo tic an̈ej chucal tze c'ulej, yuj chi' van e chaan spac tas man̈ tojoloc tze c'ulej chi'. Van e chaan spac e lec'tial. Yujto ix eyac'och e carruaje yic oval yed' eb' e soldado tzijtum sb'isul yipoc e c'ool,

Os 10:13 Iomraidhean Croise

Job 4:8

A tzwutj wiln an tic, a mach tzb'on maysch'olnil, a jun maysch'olnil chi tzjaw pax 'a yib'an̈.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

Salmos 52:7

'Iltec wal jun 'anma to man̈oc Dios tzya'ch yipc sc'ojol; cojn wal sricoal tzya'ch yipc sc'ojol, cojxn maysch'olnil tzb'o'o, 'oj schic eb'.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Pr 12:19

A eb' tzpaxtin wal 'a yel, may b'a'n̈ 'oj satl eb'; ax eb' 'a'm 'es, yajn̈j wal cha, tzsatl eb'.

Pr 13:2

Toto wach' qui nab'enec, wach' tas 'oj qui cha spacc tas tzcalec; ax toto 'ixtm on̈c 'anma', a owl tzquijec cot 'a quib'an̈.

Pr 19:5

A mach tzya'ch sb'a testigoal 'a tas man̈ yeloc, yowlal 'oj yab' syail; toto tzyac' 'es, ma'oj colchjoc.

Pr 22:8

A mach tzb'on jun tzo'n̈ tas man̈ tojloc, cojn yailal 'oj jawc 'a yib'an̈, man̈x 'oj stac' yixtx eb' yit 'anmal yu'uj.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Is 17:11

Wach'xam to 'oj q'uib' eyawb'ente chi mu'c 'a jun c'u cha, mto 'oj nichnoc muc'uc, palta ax yic 'oj jawc syab'il 'oj satnc 'eli, ata 'oj pucl sat eyawb'ente cha, yujto man̈x 'a yan̈il.

Os 11:12

A eb' 'aj Efraín, atn eb' israel tic, cojxn̈ej wal 'es tzlaj yac' eb' 'ayin, caw tzin yixtj paxti eb'. A eb' 'aj Judá, caw tenmtac eb' 'ayin, ticni Cojxn in Dios in, to tz'el'chn̈ej tas tzwala.

Os 4:2

Caw tzniwtj eb' laj sjelnc tas tzyala, tzlaj ya'nc eb' 'es. Tzmilw cham 'anma eb', tz'elc'w eb', cojxn̈ej 'ajmulal tzlaj sb'o eb', tzlaj yixtn eb' yit 'anma'il, jab'jb' scal tzlaj milw 'anma eb'.

Os 4:8

Yuj xajmb'al eb' in chon̈b' tzyac' 'ayn yuj smul, wach' e wa'i; yuj cha, tze nib'n to tz'ochn̈j smul eb'.

Os 7:3

Caw wal tzalj eb' rey yet' eb' yajal yuj smaysch'olnilal eb', yet' yuj yixtm 'anmal eb'.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

A Ch'an̈ B'ab'el Libro Samuel 24:14

An̈jtona', mamin rey, ¿tom niwn wel'chi yuj cha, tzin a pechn b'eyc'oc? An tic may jac wel'chi, lajn in 'icha no chamnc tz'i', mto no c'ac.