Os 10:1 - Chuj San Sebastian Bible

¹ A eb' 'aj chon̈b' Israel, lajn wal eb' 'icha jun 'ib'c te snun uva caw wal 'ay sat, palta mun tzsatn sch'ocoj, a yic wach' tz'aj sat tas 'awb'il yuj eb', yet' 'a yic tzniwtj sricoal eb', a pax ta tzniwtj sb'on eb' 'anma jun tzo'n̈ yet'l xajmb'al, tzb'on 'och eb' yelwnub'al.

Chuj San Mateo Bible

¹ Ex vetisraelal, lajan ex icha jun ib'oc te' uva te ay sat yicn̈ej sch'ocoj. Icha satan te' uva chi', icha chi' eyaltar ix e b'oq'uei. Axo ix ex te och b'eyumal, ix e vach' b'oej eyaltar chi' b'aj tzeyal e b'a d'a juntzan̈ e comon diosal chi'.

Os 10:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

Jeremías 11:13

A wal eb' 'aj Judá cha, caw niwn sdiosal eb'. Lajn wal sb'isl 'icha sb'isl jun tzo'n̈ schon̈b' eb'. An̈jtona pax eb' 'aj Jerusalén, caw niwn jun tzo'n̈ yet'l xajmb'al eb' sb'o cha'an̈, 'icha xo sb'isl scayeal yol chon̈ab', 'ixta x'aj sb'isl 'aj tzyac' tz'a eb' incienso 'a Baal, atn jun comn dios yajb'entac.

Jeremías 11:17

An Jehová in, tztac' wuj smasnil, an in pitzjnac chon̈b' Israel, yet' chon̈b' Judá. Palta tox 'ix wala to 'oj jawc yailal 'a yib'n̈ eb', yuj jun tzo'n̈ maysch'olnil tzb'o eb'. 'Ix stzuntzj cot eb' wowal, yujto xyac' eb' tz'a incienso 'a Baal, xchi Dios.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Os 2:8

Yuj sb'eyb'al eb' wit israelal cha, yuj cha xyaln Jehová 'ixtic: Ma'ix yojquej 'el jun chon̈b' tic, toto an tzwac' strigo, yal yuva, yet' yaceite, an xwac' niwtjoc q'uen plata yet' q'uen oro 'a 'a, ax 'ix 'at comn 'a'nc q'uen 'a Baal.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Os 4:7

'Icha wal x'aj sq'uib' e b'isul, 'ixta pax x'aj sq'uib' yoch e mul 'ayin. Yuj cha, a e b'inab'ilal cha, 'oj wa'cn 'och 'a q'uixwc'ojlal.

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.

Os 8:4

Tzlaj ya'ch eb' jun tzo'n̈ sreyal yet' syajlil, palta man̈oc in tzin si'ch eb'. Xlaj yi'nc cot eb' q'uen plata yet' q'uen oro, ax yet' q'uen xlaj sb'o eb' jun tzo'n̈ yechl sdiosal, yuj cha, mun a jun tzo'n̈ chi tz'i'n cot 'a yib'n̈ eb'.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Nahúm 2:2

Wach'xam 'elc'b'il cot smasnil tas 'a chon̈b' Israel eyu'uj, scan eyuj 'icha junc snun uva man̈x 'a sc'ab', palta a Jehová 'oj 'i'noc pax chan̈ sb'inab'ilal eb' yin̈tl can Jacob jun 'ejm xo, 'icha xon 'a yic yaln̈taxi.

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

A Scarta San Pablo D'a Eb' Aj Filipos 2:21

Yujto junjn eb', cojn yic eb' tzlaj sna'. Matz na xon eb' jac smunljel Cristo Jesús.