Os 1:7 - Chuj San Sebastian Bible

⁷ Palta ax chon̈b' Judá, 'oj 'o'ch in c'ojl 'a 'a. An Jehová in tic, sDiosal in jun chon̈b' cha, an 'oj in colo', man̈oc yet' owl 'oj in colo', man̈oc yet' jul-lab', man̈oc yet' q'uen espada, man̈oc pax yet' eb' soldado 'ay q'ue 'a yib'n̈ chej, palta a yet' in poder 'oj in col eb', xchi Dios cha.

Chuj San Mateo Bible

⁷ Axo pax chon̈ab' Judá, ol oc' in c'ol d'ay. A in Jehová in sDiosal in eb' ol in colo', palta man̈oc yed' eb' soldado ayq'ue d'a yib'an̈ chej yed'nac syamc'ab' yic oval, palta yed' in poder ol in col eb', xchi.

Os 1:7 Iomraidhean Croise

A Ch'an̈ Schab'il Libro Yic Yab'ixal Eb' Rey 19:29

Xlajw cha, 'ix yaln Isaías 'ixtc 'a Ezequías: 'Ay jun senya 'oj ch'oxxoc eyil yuj tastc tot 'oj ujoc: 'Oj e wa 'ixm trigo mun tzpac' 'a jun ab'il tic yet' 'a junx ab'il; palta ax 'a yoxl ab'il, ax xo 'oj eyawc tas 'a lum lu'um, ax e jach'w paxi, 'oj eyawc eyuva ax e lon sat.

A Ch'an̈ Schab'il Libro Yic Yab'ixal Eb' Rey 19:34

'Oj in tan̈wc jun chon̈b' tic, ax in colni, yujto 'ay in chamc'ojlal 'a in checb' David, yuj pax in b'inaxi, xchi Dios, xchi Isaías.

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

A Ch'an̈ Schab'il Libro Yic Yab'ixal Eb' Rey 6:18

Ax eb' sirio cha, a yic wan ya'n lista sb'a eb' yoch 'a owl cha, 'ix leslwi Eliseo 'ixtic: —Mamin Jehová, tzin c'an 'ayach to tzac' somchjoc snab'en eb', sec man̈xtzac cab' stac' yiln eb' tic, xchi. Yuj cha, man̈x 'ic stac' yiln eb' yuj Jehová, 'icha 'ix yutj Eliseo sc'anni.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

Salmos 44:7

Ach on̈ a col 'a yol sc'ab' eb' 'ajc'ojl yajch 'ayn̈ on̈, 'ix ac' pax q'uixwc 'el eb' tzchichn 'och 'ayn̈ on̈.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 14:30

Atn wal 'a jun c'u cha, ata xcolchj eb' israel yuj Jehová 'a yol sc'ab' eb' 'aj Egipto. 'Ix yil eb' sniwnal eb' soldado 'aj Egipto cha, t'occtac yajcn 'a sti a mar cha.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 25:5

'Ix yal eb' 'ayex, chajtlto tzeyactj can e maysch'olnilal, yet' pax e tu b'eyb'al, sec wach' 'oj eyaj cajn 'a lum lum 'ix yac' Jehová 'a eb' qui mam quicham.

Jeremías 25:6

Man̈ ex 'och tza'n yuj jun tzo'n̈ comn dios, man̈ eyal e b'a 'a 'a, sec wach' matz ya' cot Dios junc yailal 'a eyib'an̈. Man̈ e tzuntzc cot yowl sc'ojl Dios yuj eyaln e b'a 'a jun tzo'n̈ comn dios to mun ax e b'ojnac, xchi eb'.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Os 1:8

Ax 'a yic tox 'ix 'el 'ix 'unn chi 'a yim, 'ix scuchn pax chan̈ 'ix Gomer chi yune jun 'ejm xo, x'alj pax junx swinc 'unn 'ix.

Os 11:12

A eb' 'aj Efraín, atn eb' israel tic, cojxn̈ej wal 'es tzlaj yac' eb' 'ayin, caw tzin yixtj paxti eb'. A eb' 'aj Judá, caw tenmtac eb' 'ayin, ticni Cojxn in Dios in, to tz'el'chn̈ej tas tzwala.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

A Ch'an̈ B'ab'el Libro Samuel 17:47

Smasnil eb' 'anma yamn tic, 'oj yojcoc 'el eb', chajtlto man̈ espadaoc, man̈ lanzaoc tzc'anlb'ej Jehová, yic tzcoln 'el schon̈ab'. A jun owl tic yic Jehová. A 'oj eya'n 'och 'a yol qui c'ab' on̈, xchi David.