Nm 7:10 - Chuj San Sebastian Bible

¹⁰ A yic x'ochcn yopiso jun yet'l xajmb'al, ax eb' yajl yaj 'a junjn macn̈ 'in̈tal, 'ix yij cot eb' yofrenda 'a yojltac jun yet'l xajmb'al cha.

Chuj San Mateo Bible

¹⁰ Ayic ix ac'jicanoch yopisio altar, ix yic'b'at yofrenda eb' yajal d'a junjun in̈tilal d'a yichan̈ altar chi'.

Nm 7:10 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:63

A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

2 Cr 7:9

Uque c'u 'ix sna eb' sq'uin̈l jun yet'l xajmb'al, xlajw cha, 'ix snan pax eb' uque xo c'u q'uin̈ yic Chinama. Ax 'a junx c'u 'ix ya'n 'och eb' junx niwquil q'uin̈ 'a slajub'.

Nehemías 12:27

A yic 'ix c'och sc'ul yajx can 'och smuroal Jerusalén 'a yol sc'ab' Dios, 'ix 'awtx cot eb' levita 'a smasnil lugar 'a 'ajtil cajn eb'. 'Ix jaw eb' 'a Jerusalén yuj jun q'uin̈ cha, yet' yuj yalx wach' paxti', tzb'itnax b'it 'a tzaljc'ojlal yet' platillo, arpa yet' lira.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Nm 7:1

A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.

Nm 7:11

'Ix yaln Jehová 'ixtc 'a Moisés: 'A junjn c'u, chucchc eb' syajlil junjn 'in̈tal eb' 'oj yi' cot yofrenda yuj yochcn yopiso jun yet'l xajmb'al tic, xchi.

Nm 7:84

Yuj cha, a smasnil ofrenda 'ix yac' eb' yajl yaj 'a eb' yin̈tl Israel, yic 'ix 'ochcn yopiso jun yet'l xajmb'al cha, atn jun tzo'n̈ tic: Lajchwe q'uen plato b'ob'il yet' plata, lajchwe pax xalu b'ob'il yet' plata, yet' pax lajchwe q'uen niwc cuchara nab'a oro.

Nm 7:88

Ax pax no noc' x'ajx xajmb'al-l yuj yic junc'ojlal, chan̈eschawinc no quelm wacax, 'oxwinc no mam calnelu, 'oxwinc no mam chiwo, 'oxwinc no quelm calnelu junjn ab'il sq'uinal. Atn smasnil jun tzo'n̈ ofrenda tic 'ix 'ajxi, yic x'ochcn yopiso jun yet'l xajmb'al chi yico'oc Dios.

Dt 20:5

Ax eb' syajlil eb' soldado cha, 'oj yal eb' 'ixtic: Toto 'ay junc ex 'a qui calc tic tot xe b'o junc eyatut, mantzac e caj xon jab'oc, tztac' e pax 'a eyatut cha. Toto ma'ay, ch'olb'j tzex cham 'a owal, ax 'oj 'ajoc chucx mach 'oj cajnc eyatut cha.