Nm 6:10 - Chuj San Sebastian Bible

¹⁰ Ax 'a swajxquil c'ual, tzyi'n 'at chawn̈oc no cowojte', mto chawn̈oc no cotc parama 'a win ya'mal 'och sti eb' 'anma', 'a 'aj tzex 'och 'a yol Mantiado 'aj tzin chaj in b'a eyet'oc.

Chuj San Mateo Bible

¹⁰ Axo d'a yucub'ixial, syic'anb'at chavan̈oc noc' paramuch yaln̈ej tas macan̈il d'a junoc vin̈ sacerdote d'a yichan̈ in cajnub' b'aj tzin ch'ox in b'a.

Nm 6:10 Iomraidhean Croise

Ez 44:26

Tzlajw cha, tzsacb'tzan pax sb'a yujto tzyam jun chamnc cha, yowlal tztan̈wj yec' uque'oc c'u,

Lv 1:14

Toto ch'ic junc no xajmb'al tz'ajx tz'a 'a wojltac, yowlal a junc no cajb'il ch'ic, junc no cowojte', mto junc no parama tz'ajxi.

Lv 12:6

A yic tz'acw jun tzo'n̈ sc'ul 'a yic tzb'ox can 'el'ch sc'ojl 'ix, wach'xam winc 'unin, mto 'ix 'unn jun yune 'ix cha, yowlal tzyij cot 'ix nunb'il chi junc no quelm calnelu jun ab'il sq'uinal yet' junc no cowojte', mto junc no parama. Tzya'n 'ix no 'a win ya'mal 'och sti eb' 'anma', yic tz'a no xajmb'al-l 'a yojltac Mantiado 'a 'aj tzin chaj in b'a eyet'oc.

Lv 14:31

A junc no ch'ic cha, tz'ajx no xajmb'al-l yuj yajx lajwc mul, ax junc xo no tz'ajx tz'a xajmb'al-l yet' 'ixm harina, 'ixm tz'ajx ofrendail 'ayn an Jehová in. 'Ixta tz'aj slajw can smul junc 'anma cha, xchi Dios 'a Moisés.

Lv 15:14

Ax 'a yucb'ixial, yowlal tzyij cot chawn̈oc no cowojte', mto chawn̈oc no parama, tzlajw cha, tzc'och 'a yamq'uil Mantiado 'aj tzin chaj in b'a eyet'oc, tzya'n 'a win ya'mal 'och sti eb' 'anma', ax win tz'a'n 'och no 'a wojltac an Jehová in.

Lv 15:29

Ax 'a yucb'ixial, tzyi'n cot 'ix chawn̈oc no cowojte', mto chawn̈oc no parama, tzlajw cha, tzya'n 'ix e no 'a win ya'mal 'och sti eb' 'anma chi 'a yamq'uil Mantiado 'a 'aj tzin chaj in b'a eyet'oc.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.