Nm 5:3 - Chuj San Sebastian Bible

³ Smasnil jun tzo'n̈ 'anma cha, tz'ijx 'el eb' 'a spatquil 'el camplamento, eb' winac mto eb' 'ix 'ix, sec wach' may tas to man̈ wach'c 'ayc' 'a yojl camplamento 'a 'aj 'ayn 'ec' eyet'oc, xchi Dios.

Chuj San Mateo Bible

³ Masanil juntzan̈ anima chi', tz'ic'jiel eb', eb' vin̈ vinac ma eb' ix ix, yic malaj tas man̈ vach'oc d'a yol campamento b'aj ayinec' eyed'oc, xchi d'a vin̈.

Nm 5:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 7:3

'Ay 45 sb'isl jun tzo'n̈ 'oy cha, 'oxtzol 'ix 'aj te', olajn̈e te 'a junjn tzol. A 'a sjolm te', ata 'ix q'ue te patzab', ax 'a yib'n̈ pax te patzb' cha, ata 'ix q'ue te 'a'nte to c'ute'.

Salmos 68:18

A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.

Ex 25:8

Tze b'on junc in cajnub', sec wach' tzin can cajn 'a e cal.

Ex 29:45

An tic, 'oj in can cajn 'a e cal yujto e Diosal in.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Lv 15:31

'Ixta tzeyutj eyi'n 'el e b'a ax israel ex tic 'a tas man̈ wach'oc, sec ma'oj e chami, yujto 'ay smay sb'on̈x in cajnub' 'a 'aj 'ayn 'ec' 'a e cal tic, xchi Dios.

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Nm 19:22

Smasnil tas tzyam junc 'anma man̈ wach'c cha, tzjuw can 'el yu'uj. A tas tzyam junc 'anma man̈ wach'oc, man̈ wach'c tz'ajcn yu'uj, masnto yic tzq'uic'b'i, xchi Dios.

Nm 35:34

Yuj cha, man̈ eyixtc 'el sat lum lum 'aj 'oj e c'och cajn cha, yujto an Jehová in tic, 'oj waj cajn pax eyet' 'a lum lum cha, xchi Dios.

Nm 5:4

'Ix syiclj eb' israel tas xyal Jehová 'a Moisés, 'ix yij 'elt eb' jun tzo'n̈ 'anma cha.

Dt 23:14

Yujto a Jehová qui Diosalec ajun eyet'oc, 'ayc' eyet' 'a e camplamento. A tzex tan̈wni, tzcolwj pax eyet'oc yic tzeya'n ganar eb' 'ajc'ojl yajch 'ayex. Yuj cha, a jun e camplamento cha, yowlal cab' sac yaji, sec may cab' tas tu yilx tzyil Dios 'a 'a, to ma'ay, 'ay smay tzyij 'el sb'a 'a e cal.

Dt 23:15

Toto 'ay junc smeb'a junc win patron̈ tz'at 'elc 'a 'a, tzlajw cha, tzc'och 'ayex, tzc'ann can sb'a eyet'oc, man̈ eyac' meltzjoc 'a spatron̈ cha.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

Tito 3:10

Toto 'ay eb' tznib'j tzyac' spojl sb'a eb' creyente, jun 'ejem, mto cha'ejm tza tench wan eb'. Toto matz yiclj eb', caw tzej 'el eb' 'a scal eb' creyente cha.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.