Nm 4:5 - Chuj San Sebastian Bible

⁵ A yic tz'atx eb' chon̈ab', ach xo Aarón yet' eb' onnal, ax tzeyij 'el eb' te cortina 'aych smacloc jun Lugar to cojn in 'ay wico'. Tzlajw cha, tze lan̈n scaxail in trato yet' te'.

Chuj San Mateo Bible

⁵ Ayic sb'atxi eb' chon̈ab', a ach ach Aarón yed' eb' uninal, tzeyiq'uel c'apac cortina ayoch smaculoc jun Lugar Vicn̈ej Yaji, tze musan te' scaxail in trato d'a c'apac.

Nm 4:5 Iomraidhean Croise

1 Cr 15:15

A yet' b'achte 'ix yij cot eb' te 'a sjolm squelab', 'icha yutjnac Moisés yaln yuj Jehová.

1 Cr 23:26

Yuj cha, man̈xtoc 'oj 'ijxc b'eyc'oc smantiado Jehová yuj eb' levita, yet' jantcn̈ej syamc'ab'il yic tz'och 'emmquilal, xchi.

2 Cr 3:14

An̈jtona', 'ix ya'n b'o jun te cortina 'a ch'al nab'a lino, te q'uic'mucnac, te púrpura, yet' te chac, xya'n 'och pax yechl querubín 'a te yelwnub'loc.

Ex 36:35

Sb'on pax eb' jun te cortina x'och 'a yol scajnub' Dios. Xb'o te yet' te q'uic'mucnac ch'al, te púrpura, te chac yet' te lino ch'umb'il. Xlajw sb'o te', stz'isn 'och eb' yechl eb' querubín 'a te nip cha.

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Ex 40:5

Tza'n 'ajxoc 'och jun yet'l xajmb'al oro yic incienso 'a yojltac 'elt te scaxail trato, tz'och te cortina smacloc sti in cajnub' cha.

Is 25:7

A 'a lum tzaln cha, ata 'oj yi'l Jehová jun cusc'ojlal 'aych 'a yib'n̈ smasnil nacion̈, yujto 'icha junc nip tz'och b'a'n̈ 'a junc chamnac, 'ixta jun yailal cha.

Lv 16:2

Yuj cha, xyaln 'ixtc 'a Moisés: Al 'a o'tac Aarón, to man̈ comnoc tz'och 'a yol jun cuarto wicn̈ej yaj in ch'ocj 'a yol in cajnub' 'a tzann̈j tiempoal, atn 'a jun lugar 'ay 'a spatquil 'och te cortina. Matz comn c'och 'a stz'ey 'aj 'ay smacl sti te scaxail trato, sec ma'oj chamoc, yujto a 'a scal jun 'asn 'ay 'a yib'n̈ smac te caxa cha, ata 'oj in paxtin yet'oc.

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:4

A smunljel eb' yin̈tl Coat, to tztan̈wj eb' jun tzo'n̈ tas caw wicn̈ej yaji, atn jun tzo'n̈ tic:

Nm 7:9

Ax pax 'a eb' yin̈tl Coat, ma'ix 'ajx scareta eb' yet' no wacax, yujto a eb' tz'i'n 'at smasnil syamc'ab'il scajnub' Dios 'a squelab'.

Mt 27:51

Yajn̈j wal cha, 'ix jat snan̈l jun te nip 'aych smacloc snan̈l yatut Dios, 'ix jat cot 'a sjolom masnto x'eml sjat 'a yich. 'Ix 'ec' pax jun niwn quixcab', ax jun tzo'n̈ niwc q'ue'en, 'ix laj jati.

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

A Ch'an̈ Carta D'a Eb' Hebreo 10:20

Tztac' tzon̈ 'atc 'a jun 'ac' b'e yic q'uinl sjac 'ayn̈ec, atn jun b'e tzc'axw 'ec' 'a jun nip. Palta a jun b'e cha, tzyal 'el'chi, atn sniwnal Cristo.

A Ch'an̈ Carta D'a Eb' Hebreo 9:3

Ax 'a spatquil 'och junx te schab'l cortina, ata 'ay jun Lugar to cojn Dios 'ay yico'.

A Ch'an̈ B'ab'el Libro Samuel 6:19

Palta ax Dios, 'ix smil cham jun tzo'n̈ eb' 'aj Bet-semes cha, yujto say eb' yil tas 'ay 'a yojl te caxa cha. 'Ix cham 70 eb' winc chi yu'uj, a eb' 'anma 'a jun chon̈b' cha, caw wal tz'oc' eb' si'mb'il, yujto niwquil jun chaml chi x'och 'a scal eb' yuj Jehová.