Nm 32:5 - Chuj San Sebastian Bible

⁵ Yuj cha, comnoc tzyal e c'ojl tzcan lum 'ayn̈ on̈, sec wach', man̈xtzac on̈ c'axw can 'ec' 'a a Jordán tic on̈, xchi eb'.

Chuj San Mateo Bible

⁵ Yuj chi' tato vach' tze na'a, aq'uec juntzan̈ lum tic d'ayon̈, yic max on̈ ec'can d'a sc'axepal a' Jordán, xchi eb'.

Nm 32:5 Iomraidhean Croise

Gn 19:19

Caw wal niwn xo e wach'c'ojlal tze ch'ox 'ayin, 'in to in e colcn 'elta, sec matz in chami. Palta matz tac' in 'at 'a jolmctac witz cha, tecn tzin yamchj yuj jun yailal chi 'a yol b'e, ax in chami.

A Ch'an̈ Schab'l Libro Samuel 14:22

Ax Joab, 'ix 'em n̈ojn 'a sat lum 'a yojltac win rey cha, yic tzch'oxn 'el syiclumal, 'ix yaln swach' paxti 'ixtc 'a winac: —A ticnec mamin rey, 'ix wojquej 'eli to 'ay wel'ch 'ayach, yujto 'ix a chaj ab' tas tzin nib'j wal 'ayach, xchi winac.

Ester 5:2

Ax yic xyiln 'elt win rey to 'ayc' Ester 'a sti 'elt sdespacho, caw x'o'ch sc'ojl win 'a 'ix, yuj cha, xya'n 'elt sc'ab' yet' sc'occh nab'a oro 'a 'ix. 'Ix 'ochch Ester 'a stz'ey winac, syamn cot 'ix sn̈i te c'occh cha.

Jeremías 31:2

A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.

Nm 32:6

Palta 'ix ta'w Moisés 'a eb' 'ixtic: —¿Ax to, toto tze nib'j tzex can 'a tic, ya' sb'a a eb' quit chon̈b'ec tz'atcn eb' 'a yol sc'ab' owal?

Dt 1:37

Eyuj wal ax tic, 'ix cot yowl Jehová 'ix yaln 'ixtc 'ayin: An̈jtona pax ach tic, ma'oj a c'och 'a sat lum lum cha.

Josué 7:7

Ax Josué 'ix yaln 'ixtic. —¡'Ay, Mamin Jehová! ¿Tas wal yuj 'ix a chaj 'e't eb' chon̈b' tic 'a yol a Jordán? ¿Tom yuj on̈ satn 'el eb' amorreo, yuj cha, on̈ e'n 'e't 'a jun lugar tic on̈? Comnoc on̈ cancn 'a sc'axpil 'ec' sti a Jordán cha.

Rt 2:10

A yic xyab'n 'ix 'ixta', 'ix 'em n̈ojnjoc 'ix 'a sat lu'um, 'ix yaln 'ix 'a win Booz chi 'ixtic: —¿Tas yuj wach' tzotj paxtinc a b'a 'ayin? Caw wach' pax tzotj a nab'en 'ayin, tic pax wal chuc chon̈b'al in, xchi 'ix.

A Ch'an̈ B'ab'el Libro Samuel 20:3

'Ix yaln David 'ixtc 'a Jonatán: Caw wal yojc a mam cha, chajtlto caw wach' waj et'oc, yuj cha, matz yal ab'i', sec matz ach cus wu'uj. Palta tzyil Jehová chajtlto jab'xoj sjaw chaml 'a wib'an̈, xchi.