Nm 3:3 - Chuj San Sebastian Bible

³ A eb' chan̈wn̈ tic, 'ix si'x 'el eb' yic tz'ochcn eb' ya'malc 'och sti eb' 'anma 'a Dios.

Chuj San Mateo Bible

³ A eb' chan̈van̈ tic, ix sic'jiel eb', ix ochcan yopisio eb' sacerdoteal.

Nm 3:3 Iomraidhean Croise

1 Cr 23:6

Spojn 'el David eb' 'a junjn macn̈il, a tzyal eb' yunnal Leví: Atn Gersón, Coat yet' Merari.

Ex 28:41

'Ixta wal 'oj otc a pichn o'tac Aarón yet' eb' yunnal. Tzlajw cha, tza secn can q'ue perjuma 'a sjolm eb'. 'Ixta tz'aj schan can eb' yopiso yic tzya'n 'och eb' sti eb' 'anma 'ayin.

Ex 40:13

Tzlajw yachn eb', tzya'n 'och Aarón te spichl yic yopiso caw wach', tza tzicn can 'och perjuma 'a 'a, sec 'ixta tz'aj yochcn ya'malc 'och sti eb' 'anma 'ayin.

Ex 40:15

Tzlajw cha, tza tzicn 'och perjuma 'a eb', 'icha wal tzotj Aarón cha. A jun perjuma tzicx can 'och 'a eb' cha, a tzch'oxn 'eli to tz'ochcn eb' 'a yopiso ya'n 'och eb' sti eb' 'anma 'ayn yet' yin̈tl 'a smasnil tiempo, xchi Dios.

Lv 8:12

Xlajw cha, xya'n pax q'ue Moisés perjuma 'a sjolm Aarón, yuj yochcn ya'malc 'och sti eb' 'anma 'a Dios.

Lv 8:30

Xlajw cha, xyi'n cot jun perjuma yet' chic' 'ayc' 'a yib'n̈ yet'l xajmb'al. 'Ix stzicn 'at 'a yib'n̈ Aarón yet' 'a spichul, yet' 'a yib'n̈ eb' yunnal Aarón cha, yet' pax 'a spichl eb'. 'Ixta x'ajcn eb' yoch yet' spichl yico'oc Dios.

Nm 3:4

Palta a Nadab yet' Abihú, 'ix cham eb' 'a yojltac Jehová 'a lum cusltac lum yic Sinaí, yujn̈ej to xya'ch eb' jun c'ac' chuc yel 'a yojltac Jehová, mant 'a xon yunnal eb'. Yuj cha, cojxn Eleazar yet' Itamar 'ix 'och ya'malc 'och sti eb' 'anma 'a Dios 'a yaln̈ schecnb'il Aarón, atn smam eb'.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.